اختلاس الكلف

اختِلاس سته عشر ⚜️

- اختِلاس الكَلف -
- سجى حسين -

- سته عشر ⚜️ -

﷽ .

بنات البارت كُلش طويل الله شاهد بَس تعديل اخذ مني ساعتين وجماعه التلكيرام يعرفون فـ تفاعلوا وعلقو وحطو نجمة وانشرو البارت يمكم لا الخميس الاخ انزل بَس بارت واحد .

-

- شهگت بخوف وفتحت عيوني بصدمه وهوَّ
وكع وظل يصيح غمضت عيني وحسيت حيلي
راح وتذكرت بابا شلون مات كدامي فتحت عيني
شويه شويه شفت آمين كدامي ويا ولد لابسين اسود

- باوعت ؏ خناس الي مصاوب برجله الاثنين ويلوب
بالكاع من الوجع ويصرخ بكتمان وبس شفته شهكت
خليت ايدي ؏ حلكي

- اجه آمين علية كومني واني مصدومه ما اعرف
شسوي بقيت اباوع ؏ خناس وتمنيت اموته بايدي
بهالحظه بس سرعان ما جرني امين وطلعني والطلق
مستمر وخلاني ورا ضهره وصاح

امين:- يا ولد تعالو اخذو هذا الكوا*
واحموا الباب خل اطلعها بسرعه

- الطلق يتراكع وكومه زلم ويه خناس وما اعرف
امين جايب ويا هواي ولد لو لا، لزمني من ايدي و
جرني طلعني من الباب الخلفي وركضنه وطلق احس
يجي جوا رجلي

- ظلينه نركض واني مخليه ايدي ؏ آذاني واركض
ورا لما وصلنا لسياره فتحها ودخلني وهوَّ صعد وظل
الطلق ورانه يزيد ما ينقص

- بقيت مصدومه ما اعرف شسوي باوعت ؏
امين يحجي وياي بس مداسمع صوته بس صوت
الطلق بأذاني احس آذاني صوفرت من صوت الطلق
القوي باوعت عليَّ واني دموعي عشره عشره وهوَّ
يباوع عليه ويصيح

آمين:- ديرين سمعيني

- سمعته يصيح وهزيت راسي بـ " اي "
خله أيده ؏ شعري وظل يمسح بشعري

آمين:- هايهيه كلشي خلص لا تخافين انتِ بخير
وخناس الكوا* لزمنا بس لازم اوصلج للبيت حته
ارجع لدسيم وكرار بقو هناك وحدهم ويه الولد

- باوعت عليَّ وانصدمت بَس عرفت دسيم
وكرار بقوا هناك شلون! وصحت بصوت

ديرين:- شنو دسيم هناك امين شلون
عفته اكيد راح يقتلوا إذا يلزم آمين ارجع حباب

- ماعرف ليش حسيت كلبي قبضني من الخوف
وقبل يوم واحد جنت كارهته وما طايقه اشوفه بس
من يبتعد عني لو احس بي مو بأمان كلبي يوجعني
عليَّ واحس اريد اساعده وماعرف مشاعري مخربطه
ما اعرف شسوي كلش خايفه