اختلاس الكلف

اختِلاس العاشر ⚜️

- اختِلاس الكَلف -
- سجى حسين -

- العاشره ⚜️ -

﷽ .

تفاعلوا بنات اشو تفاعلكم مو هواي ؟

-
تينا

تينا:- خوما گلتيله اني وين

ميار:- لا وين اني اعرف انتِ وين وحته ابويه
كاله ما اعرف بيها وما كله تردين تبيعين البيت

- خليت ايدي ؏ كلبي وزفرت نفس وارتاحيت
وسديت الاتصال وشمرت تلفون ورحت سبحت
وبدلت ورتبت غراضي ونشفت شعري وخليت
شويه ميكب ورحت يم الجوارين اغير جو

- دكيت الجرس واجاني صوتها
رانيا:- اي جايه

- فتحت الباب وابتسمت
رانيا:- دخلي

- دخلت وشقتهم نفس شقتي تقريبا بس الوان الاثاث
غير كعدت ؏ تخم متوتره واجتي هيَّ بايديها كلاص عصير

رانيا:- هاج تفضلي هسه تجي ماما واكيد راح تحبيها كلش
حبابه اني وياها عايشين هنا وحدنه وانتِ ويامن عايشه

- باوعت عليها وترددت احجي الحقيقية
تينا:- اني هنا أجيت وحدي وزوجي راح يجي
وراي بعد فتره لانُ عنده شغل بغداد

رانيا:- ياي مزوجه انتِ عندج اطفال

- خليت ايدي ؏ بطني وابتسمت الها
تينا:- بعده بطني طفلي ما جاي ؏ دنيا اني حامل

رانيا:- اوي فدوه يعمري الله يكومج بسلامه يا شهر انتِ
تينا:- بشهر رابع دخلت

رانيا:- امي تعرف تفحص إذا بيج بنوته لو ولد هيَّ جانت
بغداد تساعد القابلة يلي جانت تجيب النسوان وتعلمت

تينا:- شلون تعرف بدون سونار
رانيا:- معليج هيَّ تكلج بس تجي

- ظلينه نسولف ونسيت كل همي وتعبي كلش حبيتها
وحبتني وظلت تسولفلي ؏ أهلها وشلون اجو هنا شويه
وسمعنه صوت الباب راحت تفتح واجاني صوت مرة كبيرة بالعمر

ام رانيا:- وين صارلي ساعه ادك بالباب
رانيا:- ماما يمنه ضيوف تعاي فوتي

- فاتن ثنينهن و وكفت شافتني ابتسمت
ام رانيا:- منيه هالحليوة هاي

رانيا:- ماما جوارينه اليوم نزلت جديده
وعزمتها يمنه نتعرف عليها

ام راينا:- يعني اليوم نزلت غير تخلين البنيه ترتاح شويه
رانيا:- شبيج يوم غير اول شي نتعرف عليها

- ابتسمت، تينا:- عادي خاله ما تعبانه اني

ام رانيا:- شلونج بنيتي شلون
صحتج انتِ وحدج هنا لو ويه اهلج