- اختِلاس الكَلف -
- سجى حسين -
- تاسع عشر ⚜️ -
﷽ .
طبعا التفاعل ابد مو حلو والبارتات كلهم طويله
واحداثها حلو وتجنن ويجون البنات يكولون تتاخرين
بالبارت بَس اني كاعد انزل بارتات ؏ گد تفاعلكم
لانو كاعد اتعب بالبارت بحيث هسه صايمه من 2
بديت بالتعديل وخلصته بالـ5 العصر وكل هذا كم
وحده تعلق وتتفاعل وحتى نشر ؏ قصة ماكو !
- هسه تكولون حنى شنو ذنبه لـ؏ــد اني شنو
ذنبي اتعب وكُلشي ما اشوف من تعبي تخيلو
نفسكم تقرون لمتحان وتجاوبون بَس المعلمه ما
تنجحكم شنو يصير بيكم او داومون شهر كامل
بدون راتب وانتو عدكم التزامات ودين ؟
اذا ظل تفاعل هيج فـ اعذروني اسوي بارت واحد بلاسبوع
------
- بصوت هادئ، ديرين:- تفضلي ؟
- باوعتلي من فوگ ليجوا بنظرات غريبة
:- وين دسيم ؟ اخوية
ديرين:- منو اخوج قصدج؟
:- دسيم يعني منو يعني
- بقيت واگفه بمكاني أطرافي تشنجت ما اعرف
شسوي وهيَّ تباوع عليه من فوك ليجوا بنظرات
مو قانونيه، فجاة دفعتني ودخلت
- أسلوبها كلش محلو دخلت تلعلع بصوتها وتصيح
:- دسيم وينك
- سديت الباب بسرعه ورحت وراها أصيح
عليها بس ماكو فائده، دخلت بكيفها وتصيح
- ملاك وتينا كاعدات ثنينهن ندارن ؏ صوتها واول
ما شافتها ملاك طفرت من مكانها وجها صار اصفر
واجتي تركض يمها
- البنيه بَس شافت ملاك سكتت وتينا ظلت تباوع
عليها والبنيه رحت تقربت منهن وكفت يم ملاك
:- شجابجن هنا وهاي منو وهاي
الثانية منو ومنو مدخلكم بيت امي ؟
- التفتت عليه وصارت تأشر عليه و؏ تينا
ملاك تباوع علينه وتفرك بايدها حسيت بيها
انصدمت ما جانت متوقعه هالشي وصراحة كلنه
انصدمنة بجيتها وملاك ظلت متوتره وگوه حجت
ملاك:- تعاي وياي هسه افهمج
نسرين:- غير اعرف هذني منو وشجابهن هنا
- كلبت عيوني وفركت وجهي، باوعت
لـ تينا ورحت يمها لزمت أيدها وجريتها
ديرين:- تينا امشي
- هزت راسها وشالت ورده ومشيت خطوتين
واجت نسرين لزمت ايدي حيل وعاطت بنتر
أنت تقرأ
اختلاس الكلف
General Fictionبين الحُبِ والقسوة بين الهلاك والعذاب يوجد ذلك الشيء الذي يلتفُ حول رقِبتي يُلون ماتبقى مِن حياتي باللون الأسود ، أحارب بما تبقى لي من قوةٍ لأزيل بقايا اللون الأسود واضهر بألواني وشاء القدر ان اُمنح بمن يُلون حياتي الى الأبيض بعد كل ذلك السواد الح...
