أخذه قوي تركه ضعيف

part 2

-

بارت 2

- وصلت راح اسوي الي اتريدة بس اريدك تتذكر انو هذا اخر مرة انفذلك شي
- اني ما اطلب اني اامر خلي هذا الشي براسك ولتخليني استخدم التهديد وهلشغلات وياك لتخليني انسى انك ابني
- هههههه ضحكتني ليش شوكت اتذكرت اني ابنك وعلى العموم ميحتاج تهديد نفذ وعدك وخلص هاي اخر مرة اكون بيها بهذا المكان
- شبيك ضايج  هلمرة مو رجال هلمرة ابنية واكدر انطيكياها ورة منخلص شغلنا
- بنية !! اظاهر دتوسع شغلك
- افتهمتني .... اكيد تفهمني لان انت ابني
- بس
- لتخاف سويتها هلمرة لان الي طلب الشغلة راس چبير ولازم انفذلة
التفت وطلع
- الحمدلله على سلامتك سيدي
- وين حاطيها
- سيدي روح ارتاح لتعب نفسك
جان يمشي  ويحجي
- خلصني وينها
- منا سيدي
مشى ورا وطبوا غرفة وبيها شاشة چبيرة
- وين الابنية
- دقيقة سيدي
شغل الشاشة طلع جسم ممدود ومشدودة عينة كعدت وضل يراقبها  لفترة
انتبهت بدت تتحرك كعدت
- سيدي كعدت راح اروح اطبلها
- تعال لتتحرك خلي انشوف
ضلت هادئة لفترة بدت اتسوي شغلات غريبة الى ان اتحولت ايدها من ليورة لليكدام ما انكر صدمتي
- سيدي
- اسكت
نزعت الوصلة السودة وبدت اتفك حبال رجلها كامت وراحت للشباك
رجعت كعدت وضلت هادئة استغربت تصرفاتها اشرت للكامرة
هه هاي متحاف انتضرت فترة
- امشي
- وين سيدي
التفت علي نزل راسة رأسا مشوا وبدوا الحراسة تركض كبالة فتحت الباب ركضوا غطوا عيونها جانت على ركبها كدامة وواحد مثبت جتفها ومنزل راسها
تنفسها سريع اكدر اسمعة ناعمة وصغيرة بالعمر
اخذت معلومات عنها مطلع صوت منها الغريب جانت اتحاول تنزع الوصلة كل متجيها فرصة
عفتها وطلعت طلعت من المكان كلة احسة خنكة

- سيدي راح اتروح ؟
- انت تعرف شنو المطلوب منك . هلمرة لا واحد نجبرة يعترف ولا شي كلها طفلة تكدر اتسيطر عليها بعيطة
- بس سيدي انت تعرف الاوامر
- اظاهر مينفع الكلام
- روح سيدي ولتخلي ابالك شي
ركب السيارة وحرك
- بعد وين توصل النذالة وياك طفلة طفلة اتجيبها لهيج مكان
بعد ثلاث ايام
- الو سيدي
- شتريد
- سيدي ااا
- احجي خلصني
- مدا تاكل شي . اااذا اذا اتحب راح نجبرها
- جاي
وصلت للمكان طبيت
- سيدي اتفضل اتفضل
ضليت اراقب هدوئها فجاءة كامت اتعيط وتضرب الباب التفت علي
- هاي هاي ثاني مرة سيدي تتخبل واحنا على اوامرك منتقرب
- امشي
رحت وطبيت صدمني جوابها  اتشوفني !!
- خلوها على راحتها
مجنت مهتم اذا شافتني اول وتالي مراح تطلع من هلمكان حية واذا طلعت مراح اتضرني بشي
شنو هلنظرة رغم التعب واضح بس عيونها حادة ونظرتها  ...
هلبنية ذكية وتفتهم مو عادية عرفت شلون تستدرجني حلو
الاحلى التحدي الي عدها خلتني اتنرفز مع العلم القليل الي يخلوني اتنرفز هيج  عفتها وطلعت
رجعت لغرفة المراقبة اريد اشوفها شراح اتسوي
- شوكت وكفت بچي
- هه سيدي شوكت بچت
باوعتلة
- اسف سيدي  ما بچت نهائياً  لحد هسة  .... سيدييي
التفت عليها وكعت اظاهر فقدت كل قوتها  كمت واجة وياي
- ابقى بمكانك متلحكني  ودزلي الطبيب لغرفتي
جنت احجي وامشي طبيت للغرفتها شلتها شفتها فتحت عينها وسدتها وفقدت
طببت للغرفتي حطيتها على الچرباية اجة الطبيب وحطلها مغذي
- سيدي تحتاج تتغذى
- ماشي روح ودزلي حسن
.
.
.
ضليت اباوعلها جان وجها اصفر وشفتها بيضة ومتقشرة كعدت ارتاح ضليت اكلب بالفون مرت الساعات وهي على وضعها
  رحت على الشباك شفتة مسدود 

فتحت عيني باوعت على الجهة اليسرة جانت الرؤية مشوشة باوعت خيال رجال شوية شوية كدرت اشوف بوضوح جان رجال طويل وبي ضخامة ولابس اسود قميص وبنطرون حاولت اركز اكثر بي حاولت اكوم شفتة اتقدم علية هذا .. هذا نفسة  بس ليش ديتقدم هيج بدون محس رجعت ليورة وطخت ايدي الحايط
- اه اه
- زين كعدتي
جر الكرسي وكعد وابتسم ابتسامتة الغريبة نفسها
- اني مو كتلج ديري بالج على نفسج  لو صايرلج شي شنو اكول لابوج
جان يحجي ورافع حاجبة
-كتلة علية !!
- تؤ تؤ تتوقعين  ٤ ايام وماكايلة
- ٤ ايام
- اي صالج نهار كامل نايمة  وهذا ثاني مغذي
- اي اربع ايام مروا !!
- هلامور متنحل بكم يوم
- هسة انتي دريتي ابوج يدري بيج هنا راح تاكلين اكلج وتحافظين على صحتج
وكف
- راح اترجعني لذيج الغرفة ؟ !!
ابتسم وراح وصل للثلاجة جاب بطل مي وحطة على الميز القريب من الجرباية ورجع كعد
- تكرهين ذيج الغرفة
- تتوقعني احبها !
- هه حقج بس هاي غرفتي اتريدين تبقين هنا وياية وصارت الدنيا ليل
- كوم كوم هسة
- ابقي الى ان يخلص المغذي
ابتسم وكام طلع من الغرفة
اتمددت الفراش مريح والغرفة دافية والالوان هادئة هنا عيشة بشر وذيج غرفة للحيوانات ظلمة وسودة ووصخة واكو دم بيها وريحتها مقرفة
...اجة وويا جيس طلع اكل وسفطة على الميز
وبعدين جر ايدي جريت ايدي منة خنزر علية
- اثبتي
ورجع جر ايدي وسحب الكانونة وحط كطن ولسقة
- يلى اكلي
- ما اريد ممشتهية
- اكلي احسن ما اوكلج اني 
جانت نبرتة مخيفة شوية
كعدت عدل
- اكدر اتصل باهلي شوية ؟
- اكلي
جان يباوعلي بحدة ونبرتة حادة
- حباب محتاجة اتصل هسة
- اكلييي (صاح بعلو صوتة )
- راح اتخليني اتصل اذا اكلت
- لا اكلي خلصينا وكلمة ثانية راح اخليج تبجين
- هو هسة اريد ابجي
- ها صدك ( وكام كانوا راح يسوي شي )
اخذت لكمة من فدشي ما اعرفة ولا حسيت بطعمة بدة ياكل وياية

🖤🖤