part 53
اول مطلعنا اخوها استقبلنا وطبينا اخذوا امي للنسوان واني ويوسف للخطار
- السلام عليكم
- هلة بسيف هلة اتفضل اتفضل
- هلة بيك عمي اعرفك يوسف ابن خالتي واخوية الي مجابتة امي
- اهلا وسهلا بيك ابني كل الهلا واني اعرفك باخوية ابو عمر و اخوية الثاني ابو شهد عمامها لايفين و ابني علي
- اهلا وسهلا بيكم الي الشرف
- على ضيفهم للجماعة
- تسلم لتعب نفسك عمي تسلم
- واجبنا اي سيف شلونك بالدراسة
- الحمدلله على كل حال دا اقاوم
قدمولي العصير شربت منة شوية
- والله يا عمي ما اريد اطولها وخير البر عاجله اني جيتي اليوم بيها هدف وطلب وياريت متردوني
- لا منردك ان شاء الله اتفضل ابني
- اني شفت بنتك بالجامعة والابنية ما ناقصها شي اخلاقها عالية وجمال واني جاي اليوم اخطبها الي مع الاسف اني ابوية متوفي جنت اتمنى هو الي يحجي ابدالي بس الظروف تحكم
- على راسي اتشرف بيك بس اني سبق وكلتلك اكو شغلات لازم نسال عنها حتى نامن على بنتنا
- اتفضل عمي اسمعك
- انت طالب جامعي منين تصرف شنو شغلك
- والله اني عندي ورث للوالدة الي هو شقة اسكن بيها وبيت ضخم هو وارض خضرة داير مدايرة خارج بغداد ومدرسة اهلية جانت هي الله يرحمها اديرها وفلوس بالبنك فمن ناحية المال والسكن الحمدلله الله ميسرها علية
- الحمدلله اني ميهمني هلامور بس ذني لازم من اساسيات الحياة
- لا اكيد هذا حقكم وحتى المهر وهلامور انتوا اتحددوها والي اتريدوا اني حاضر
- احنا لو شنو انكول مو مهم المهم رايها هي كوم بابا علي صيحلنا اختك
اول مسمعت صوت الجرس كلبي كام يركض عبالك اول مرة اشوفهم رحت للشباك ركض شفتة شلون طب فدوة شلون هيبة فدوة لهلاناقة بس مبين خايف هههههه ركضت على الهول شفت خالة بس مكدرت اسلم بلهفة عمود امي
- هلو خالة
بوستها وهمستلي
- شكد مشتاقتلج
- ههههه اتفضلي خالة
- اتفضلي عيني ام ؟
- ام سيف صح اني خالتة بس هو عزيز علية مثل ابني
- كل الهلا بيج اتفضلي
- شلونج ماما ايفين شنو هلجمال الله يحفظج
- تسلمين خالة عيونج الحلوة
- كومي ايفين قدميلها العصير
كمت صبيت العصير وبصفة ماعون الحلويات بس شنو ايدي ترجف ما ادري شبية احس روحي كلش مرتبكة قدمتة الها وقدمت لامي وكعدت
سكتنا اشوية
- اكيد
هسة سيف حجة
بالموضوع اعرفة ميصيبر خلي اني هم احجي بي
- اتفضلي ام سيف
- والله يا ام علي اني اليوم جايتكم وعلى كولة اهلنا كبل طالبة الكرب منكم بتكم الحلوة ايفين لابنا سيف واحنا ان شاء منقصر وياكم بالي اتريدوا
- كل الهلة بيكم
هي تحجي واني كمت اطكطك يربي مدا اكدر اسيطر على روحي كلش موقف مينحسد علي احس روحي جمرت والدخان كام يطلع من اذني
- والله يا ام سيف احنا نتشرف بيكم بس القرار الاول والاخير لابوها ثم للابنية وشيكولون اني وياهم ان شاء الله
اني كمت طلعت من الهول بعد ما اتحمل لازم اطلع رحت للمطبخ شربت مي ضليت اخذ نفس حتى يروح التوتر
رجعت للهول طبيت كعدت
شفتهن يضحكن ومندمجات بالسوالف ارتاحيت من شفت امي ارتاحتلها اندكت الباب وطب علي
- ايفين بابا يريدج
كلبي صار طبول كمت رحت اجتي امي وخالة وراية وصلت يم الباب طلعلي بابا
- ها بابا
- باعي بنتي الولد ريحني من كل النواحي هسة اذا وافقتي نقرة الفانحة ونحدد الامور البقية يمج بعد الاختيار
جان يحجي واني ادموعي كامت تنزل ابوية وافق وبقت الكلمة الي كل مشاعري متخربطة ناس ابطن ناس معدتي تعصرني عصر وكلبي ينغزني
- ليش هلدموع بابا محد جابرج
- بابا اني موافقة اني موافقة
- حبيبتي الف مبروك
حضنت بابا اوفف عافني وطبوا واجتي خالتي اتهلهل
- حبيبتي الف مبروك يعمري هلدموع دموع الفرحة الله ليحرمج منها الف مبروك كللللللوش
- الف مبروك ماما
ضلت خالة اتهلهل واني ما اعرف مشاعري شنو ساعة فرحة ساعة صدمة احس روحي طايرة
طلع علي من الغرفة
- ايفين بابا يكول جيبي الكيك
خالة وماما راحوا للهول واني رحت للمطبخ الصينية حاضرة بس اوديها
باوعت على نفسي بالمراية عدلت روحي واخذت الصينية ورحت اول مطبيت صار بوجهي سيف مكدرت اباوع علي احس مستحية منة قدمت لابوية ولعمامي ورحت دا اقدم لسيف مكدرت اباوعلة مكدرت ارفع راسي علي حطيتهن وطلعت بسرعة
سديت الباب واني اريد كلبي يهدئ ماكو رحت شربت مي وضليت اخذ نفس ورحت للهول كعدت وياهم
CZYTASZ
أخذه قوي تركه ضعيف
Tajemnica / Thrillerهذهِ الرواية للكاتبة المجهولة رواية خيالية لأ تمت بالواقع 🖤 حذفتها الكاتبة اعتقد لكن ناشرينها بالفيس ومن حُبي ألها قررت أنشرها واحتفظ بيها لأن عزيزة عليه كُلش 🖤🖤
