بارت 18
مجنت منتبه قبل ما اسمع عيطتها وشفت روحي بالكاع وهي فوكاية
-هذا صوت طلقة
هي جانت فوكاية نايمة متتحرك ضليت ممستوعب الة من طبطبت على ظهرها دا اكعدها رفعت ايدي شفتها كلها دم
- ايفين ايفين ايفين (بصوت هادي الى ان اتحول لعياط)
كمت وشفتها متصاوبة بظهرها وظهرها كلة دم شفت الناس التمت واهلها هم طلعوا اتخبلوا عياط
اجتي الاسعاف حطوها ورحنا اني كلشي ممستوعب شنو صار ايفين ماتت؟!
طلعوها من العمليات وحطوها بالعناية المركزة ضليت كاعد برة اهلها ناس اتصبر بناس
اجة ابوها يمي هنا وعيت على نفسي وعلى المكان الي اني بي وشنو صار
- ايفين شلونها شكال الطبيب
- هاي الفترة اتحدد اذا اتعدت مرحلة الخطر لو لا منو انت
- اني الي ساعدتها اني سيف
ومديت ايدي اسلم علي
- انت الي تنطيها التلفون حتى اتخابرنا ؟
- اي
حضني
- الله ينطيك العافية ما اعرف شلون ارد فضلك
استحقرت روحي لدرجة مو طبيعية ميدري الي هسة هي بي بسببي بس لا راح اطلعها هي فدتني بروحها عدي استعداد ادمر حياتي عمودها
- عمي هسة اذا مطلعناها من المستشفى اعتبرها ماتت
- شنو شلون بس هي مريضة شلون
- بس يطلعوها من العناية المركزة راح اخذها وياية واكو شي لازم تعرف بي قبل فترة ايفين طلبت ازوجها لان جانت اتكول حرام اكعد وياك وهيج اني ما انطيتها خبر بس بمعارفي عقدت محكمة بدون وجودها من رجعت لكيتها هربت بالفترة الي اخذت جوازها منكم وفلوس الى الان اني ما كلتلها على هذا الشي كلت من ترجعلكم اطلكها بدون محد يدري بس اني وانتوا
بس هلشغلة فادتنا هسة من راح تطلع ويحولوها غرفة عادية راح اخذها وياية واذا الشرطة او الجيش سالوا راح اتكللهم (.........)
انكطعت افكاري من سمعت انينها عرفت كعدت اني حاطها على بطنها حتى متتاذة
- ايفين ايفين اتسمعيني
- اييي
- لشدين عضلاتج حتى لينفتح الجرح
- احنا وين
- بمكان زين لتخافين
- يعني انت حي
- جوعانة ؟
- مي شربتها
-لتتحركين
ابد
ضلت اتون فترة ورجعت نامت طلعت برة ادخن
بعد مافهمت ابوها بالضبط شنو يكول رحت للشقة بدلت واخذت العقد والجواز والجنسية وفلوس وطلعت بالباب
- الوحش يريدك
دفعتة وطلعت
- والي خلقكم اذا لحكتوني اكلب بيكم السيارة
ركبت السيارة وحركتها باوعت بالمراية محد لحكني ضليت اسوق ومنظرها ميفارقني الدماية ماخذتها
رجعت للمستشفى اول ما فتح المصعد شفت ابوها
- عمي شلون صارت
- لا الحمدلله طلعوها بس انطوها منوم لان كلش دتاذة
- لا اتخاف فترة واتعدي ضل قوي حتى هي هم اضل قوية
-اني السبب بالي صارلها اني
- لا لتكول هيج هي عمرها مفكرت بهذا الشي ودائما اتكول مكتوب فلتفكر بهل طريقة اذا انت ضعفت العائلة هاي منو الها منو يسندها
- سيف الله يخليك احميها راح اسلمها الك احميها
- لتخاف باذن الله هذا العقد اخذة خلي يمك واني هسة باي فرصة راح اطلعها من المستشفى
رحنا للغرفة من بعيد راقبت الحرس عرفت جوعانين رحت يمهم
- السلام عليكم
- وعليكم السلام
- الله يقويكم تعبناكم
- لا واجبنا هذا
- معطشانين جوعانين
- اي والله كلش
- والله لو اكو بالغرفة جان انطيتكم بس تكدرون اتروحون اني وعمي موجودين بس لطولون بس اشتروا وتعالوا
- هم هيج
نزلوا كبالي دخلت للغرفة كعدتها على الكرسي متحرك و ابوها ضل يبوس بيها ويامني عليها نزلنا
- الو يوسف وين ركنت السيارة
- اخر شي بالباركنك
رحت بسرعة صعدتها وصعدت بدلت السيارة حتى محد يكدر يوصلي نهائيا يوسف سبقني لبيت اهلة بالمحافظات
ايفين الطريق كلة نايمة بسبب المنوم وصلت ورة تعب وقلق
YOU ARE READING
أخذه قوي تركه ضعيف
Mystery / Thrillerهذهِ الرواية للكاتبة المجهولة رواية خيالية لأ تمت بالواقع 🖤 حذفتها الكاتبة اعتقد لكن ناشرينها بالفيس ومن حُبي ألها قررت أنشرها واحتفظ بيها لأن عزيزة عليه كُلش 🖤🖤
