أخذه قوي تركه ضعيف

Part 38

،اخذه_قوي_تركه_ضعيف

بارت 38

- ما ما اروح
- ايفين
- دتحجي صدك 
- اي
ما مااريد اروح اخاف بعد ما اشوفة احس ببجية ببلعومي ببدت ادموعي تنزل
- ايفين حبيبي شبيج 
اجة حضني واني لفت ايدي على ركبتة فزيت من شالني وراح كعد على الجرباية ضل يمسح على ظهري
- اشاقة وياج شبيج حبيبي لتبجين
ضليت بحضنة
- ليش بجيتي ؟
- سيف لتعوفني خليني وياك حباب
- واهلج
- اريدهم همة هم
- متضبط لازم نترك كلشي اني وياج وحدنا ونهرب وانعوفهم
- لا
- ههههه طبعا لا لعد شعبالج
- ماكو غير حل
مسح على راسي ولزمة بايدي الاثنين
- هذا راسج لتعبي خلي هلتفكير والتعب  علية -
احس بشعور غريب من جسمها يلامس جسمي بالكوة اسيطر على روحي
من حظنتي هي اتحب تبقى بحظني بس هي متحس بية شلون اشتعل اريد اتلمسها بس اخاف عليها اخاف عليها من نفسي
- ايفين كومي حبيبتي
- وين
- اتبدلين واوديج
- ما 
- شنطيج واتقبلين
- اكو شي يعوضني حضنك لو ريحتك هسة اذا اكو كلي
- هههههههههه ميخالف كومي اتاخرتي
- مصارت دنيا ليل والله
- ايفين
نزلت بسرعة
- اووووه يلى حروح  ارتاح
كمت على كيفي ورحت عليها ضلت ترجع
- شبيك دا اشاقة
- اوكفي
وكفت ووصلت يمها  نزلت يم راسها
- لتتحركين هواية الفوك كلة ديتحرك واني بالكوة لازم روحي عنج
وخرت وباوعت على وجهة اتحول لاحمر وكل علامات الصدمة على وجهة  عفتها ورحت ابدل
جبتلها ملابسها وحطيتهنزعلى الجرباية وطلعت من الغرفة
-ايفين ملابسج على الجرباية
رحت انتضرها يم الباب شفتها راحت على كيفها تمشي ومجتفة ايدها  متحملت ضحكت
- هههههههههه
راسا ركضت راحت للغرفة وسدت الباب وقفلتها
- ههههههه ثولة

من نزلني من حظنة زعلت وكلت ادلل علي بس من شفتة كام علية خفت منة معقولة زعل من حجيي  اعرفة من يزعل لازم اسمع كلامة وكفت اجة يمي
ورة مراح حسيت بفشلة باوعت على جسمي كلشي مبين شلون منتبهت  شكد عيب  ما اعرف شلون اتصرف من طلع من الغرفة كلت امشي على كيفي واغطي بايدي من سمعت ضحكتة يعني انتبه اااااا عزة  طبيت وقفلت الباب علية
-شكد حقييير
بدلت ملابسي وصفطت الملابس الي انطانيها على الجرباية ورحت على الكنتور اخذت منة تيشرت اشتميت ركبتة
-الله ريحتة
رحت على عطورة ورشيت هواية حطيتة بالجنطة حتى ميشوفة
طلعت من الغرفة  عبرت بصفة ما باوعت علي اصلا
-دقيقة اوكفي
ملتفتت علي
-نعم
اجة ولافني علي باوعت علي ضل يتفحصني من جوة ليفوك
- شبيك ليش هيج اتباوع
جر جنطتي
-عوف شبيك سيف
- هديها
هديتها فتحها وطلع التيشيرت
- شتسوين بي
مجان يتشاقة يحجي بجدية
- اريدة
- اتريدين اتسوين لروحج مصيبة اطبين لاهلج وياج تيشيرت ولد او لنفرض شافوا بغرفتج  
- محد  يشوفة
-اني يمج ايفين متحتاجين تيشرت
- متهدني ؟
- يلى امشي
- يعني متجاوب
- ايفين اكو شغلات محد يدري بيها
- لتهدني الى ان تنحل لتحاول تحميني وحدك اترجاك
- ماشي
نزلنا من العمارة وصعدنا السيارة
لزمت ايدة وضليت اكلب بيها والعب
- صح سيف نسيت اريد رقمك
- سجلي
ردليا
- اخابرك مليون مرة عادي ؟
- اي
- وادزلك رسائل ؟
- اي
- واتجاوبهن ؟
- اي
- مدري ليش احسك دتاخذني على كد عقلي ترة اني يمك بالجامعة اذا مجاوبت اجي اخنكك
-  شلونها دراستج
- ليش تسال
- شلونها
- راسبة ب٣ بس ذني امتحانتت شهري يعني هيج
- يعني السعي عليها معتمد
- اي
- اذا متنجحين هذا الكورس متحجين وياية نهائيا
- سيف شل
- اششش كولي اي وخلص هذا شرطي وخلص  
- انت شبيك كلة حاط شروط كلي لتحجين وخلص
- لتحجين 
- سيف
- كبّري لهذا محاطتة زينة اذا متنجحين ماكو حجي وياية
سكتت شكدر اكلة كلبي بيدة
هديت ايدة ورحت على الشباك
- هاي عود زعلتي
هزيت جتفي
- صدك عود محجاوبين
يتحارش بوجهي
طبك السيارة بسرعة شهكت
- شبيك
- ماكو بس ما اركز بحياتي وانتي زعلانة
- بلة شلون اكمل زعل هسة
لزمت ايدة ودخلت اصابعي ضليت اتلمس بيها  وصلنا
- اشوفج باجر بس لتتقربين علية ولتباوعيلي هم
- انت عبالك بهل سوالف مراح يعرف
- مو وكتها انزلي وباجر نحجي
-ماكو كلمة حلوة قبل ما انزل
-كلمة حلوة
- اوووه دحجي
- احبج
-اني هم احبك
نزلت من السيارة وطبيت للبيت
-ماماااااااا
- هاي اذا شوفة يارا هيج اطيبج جان من زمان جبناها
- هههههههه اي شوفتها اطيب الميت
- يمة منج تعاي اتعشي
- اييييي جوعانةةة لدرجة متصوريها
السعادة الي دا احسها مو طبيعة لدرجة اريد اكل واركص واتونس اريد اضحك بقوة 

- ها
- انت وين
- خير
- انت شنو متحس اني خطيبتك انت اصلا ممهتم بية
- وشتريدين
- اني هسة يم ابوك وسالني عنك

- اتهدديني ؟
-   مثل متحب احسبها بس اني مراح اتحمل انو اتهيني اكثر من هيج  
- متاكدة مكاعدة اتهينين نفسج بنفسج على العموم اني جاي
سديتة دست السيارة بسرعة
وصلت لبيت ابوية اوو صالي شكد مطابلة من ايام امي 
انفتحت الباب طببت السيارة اول مطبيت البيت طكت روحي  اختنكت منة  هنا لعبت وية امي بهاي

الحديقة ضحكت وهنا على هاي المرجوحة بجت طبيت للبيت رحت راسا لمكتبة شفت الخدامة اتنظف
- سيدي الوحش بغرفة الطعام
اول مطبيت شفتها كاعدة واضحك وتسولف هههه شعجب ابوية يضحك
- اول مرة اشوفك حاب انثى   اذا اتريدها اخذها
- سيف
- دا اضحي بهل جمال والانوثة الك شبيك 
- شفتة عمي دائما يجرحني ويهني هيج
- بس انتي بعدج حابتني
- لان اعرف مو من كل كلبك
- ههههههههه
- عمو شيرين روحي انتي للبيت وسلميلي على ابوج والي اتريدي يصيرلج
شفتها كامت وراحت
- واااااو
صفكتلة
- والله استحق تصفيق شنو هلكلام شنو هلحنية
- الي وراها مصلحة احطها على راسي
- هههههههههه واذا خلصت المصلحة
- متخلص احنا محتاجين ابوها  خاصة هلفترة الي الكل درلنا طهرة
وسيف لا عبالك ما ادري بايفين اني سبق وكتلك اعرف كلشي عنك حتى النفس  بس من شفتك متجاهلها كلت اعوفة بس اذا دتاثر على علاقتك وية شيرين  راح اتصرف  اني
- ماكو شي ياثر الي اتريدة حيصير
- اني متاكد من هلشي  الجاسوس شخبارة
- لا قريبا حيكون بايدك بس هلفترة جنت تعبان وملتهي
- اريد باسرع  وقت لان وراية  شحنة جبيرة كلش
-جنك مستعجل
- مثل مشفت اكثر البيوت انكبست الشحنات الي بالمليارات راحت والمستثمرين اغلبها انسحبت الي بقى لازم ارجع اكسب ثقتهم وما عندي غير هلطريقة 
- والي هي؟
- حجازف واشحن كل المخزون عندي
- بهيج اذا الزمت محتوكع
- كتلك اني ما اوكع 

🗿👍👍