اخذه قوي تركه ضعيف -
#part 14
ورى مخلصت مكالمة وية امي ارتاحيت وحسيت نفسيتي كلش مرتاحة بس شغلة وحدة مدمرتني اذا سيف ما موجود اكوم اوهوس انو راح يصير شي اذا يطب للحمام اروح اوكف برة انتظرة وعيني على الباب خاف احد يدخل ومن يطلع اسوي روحي جنت رايحة للغرفة او اي شي او اهرب بسرعة قبل ميفتح الباب
صارت دنيا عصر هو على التلفون واني التلفزيون وكلمن صافن فجاءة احد دك علي
- ماشي
شو هذا كام راح للغرفة اني كمت ورا شفتة ديختار ملابس طلع وبدة ينزع عفتة ورحت للصالة
- هذا راح يطلع والله ما اخلي يتحرك
كعدت على الكرويتة على اعصابي ردت انهار شفتة اجة
كمت ووكفت بوجهة
- وين
رفع حاجبة وباوعلي بنظرة
- طالع
- ماكو متطلع
- ايفين وخري عن دربي
شفت السويج بايدة جريتة وركضت بعيد
-متطلع يعني متطلع
- ايفين
نظرتة كلش حادة خفت حيل لان شكلة مثل سيف القديم
- جيبي
- ما
- ايفين هاي اخر تحذير
- لعد اجي وياك متتحرك اذا مو اني وياك
- ايفين (بصوت كلش عالي)
- والله اخاف من يشوفك رحت يجون علية والله عفية سيف حباب بالسيارة ما اتحرك لتعوفني هنا انت مو كلت تحميني
- جيبي وبعدين نحجي
رحت على كيفي وانطيتة رفعت راسي نظرتة كلش غاضبة مكدرت اباوع علي
- يلى كدامي
- اوكف خلي ابدل شنو ما اطلع هيج
- استعجلي
رحت اخذت تيشيرت ومكص وشفت فدشي ستريج اسود اخذتة ورحت كدرتهن هاي شنو الستريج شيسوي بي لبستة والبدي كصيتة بالطول حتى اشدة ولبست بوتين وطلعت رحت للباب
- يلى
رفع راسة من التلفون ووكف
- ايفين اتروحين اتبدلين ملابسج هسة لا اطلع قهر الدنيا بيج
- شبيهن
-ما اطلع وية وحدة شادة التيشيرت وستريج هذا البسة جوة الدريس مال الطوبة
عفتة ورحت لبست بدي اسود وبطرون الي اخذتة من صديقتي وطلعنا الطريق كلة متوتر وميحجي ما ادري شبي
- سيف
- سيييف
- ها
- شبيك ليش ضايج وعصبي
- ما بية شي
عفتة على راحتة وصلنا لمكان الي يريدة ومن دينزل
-ابقي بالسيارة راح اقفلها عليج
- سيف تلفونك
وابتسمت حتى ينطينيا
- اخذي
اخذتة ورجعت اشوف تعليقات البنات واضحك اذا ميريد يحجي ليش امسوي حساب دورت صورة الة مناشرها وحلوة نزلتها
عاجبني ارد على البنات اخبلهن بدت التعليقات اتونست
-ها شكو مخابر
- شبيك منفس متعرف اتسلم
- لا اريدك اتعلمني
- اليوم الولد مجتمعين انريد نطلع ونتونس
- من كل عقلك خابصني عبالي مات احد
اخذت اسويجي ودا اكوم
- مراح تجي
- لا تعرف ملتهي وية هاي الابنية
- لعد وصلني
انني ملتهية بالاشعارات سمعت فتحة الباب
-سيف
التفت شفت واحد ويا
اني خايفة يعصب على المنشور انوبة كومة اشعارات كلساع
- انطيني التفلون
-لا
باوعلي باستغراب
-ب بعدني ممكملة
-ايفين التلفون
انطيتة الة
-شنو زعطوطة شهل تصرفات
-بس الله عليك باع التعليقات هههههه
الصورة الناشرتها وهو بدون تيشيرت وجسمة معضل
-سيف ما عرفتنا
- ايفين وهذا صديقي يوسف
- اتشرفت انسة ايفين
- الي الشرف
ضليت ابلع بريكي احس بالخوف ما اعرف شبية جنت كلش اجتماعية همة ضلوا يحجون واني على اعصابي وصلة للمكان من نزل يلى ارتاحيت
رجعنا للشقة انتبهت على الطريق اكو داير مدايري محلات ومطاعم
صعدنا بالمصعد هو ساكت واني هم من طبينا
- جوعان ؟ اتريد اكل
مجاوب وراح للغرفة ملتهي بالتلفون
رحت ورا
- شنو زعلان شبيك
هم مجاوب نزع البدي كبالي انصدمت وانداريت
- شبيك مو واكفة كدامك
- انتي خليتي الدنيا اتشوفني مصلخ وانتي شفتيني هسة استحيتي
- اسفة ما ادري راح اتضوج
مشى كدامي
- ها سامحتني
- هسة انشوف
راح للحمام طلع ادوات تنضيف
- يلى ايفين عزيزتي تنظيف
- نعم ما شنو تنظيف
- لعد ما اسامحج واني زعلي ثكيل
-قابل شتسوي
- اني متزاعل وياج هما ابقى بالبيت واني متعارك فراح اطلع وية جماعتي بيباي
- تعال تعال اوك راح انظف خلص
هو كعد واني بديت انظف واسب بصوت ناصي
- دكوم ساعدني
- ملتهي ارد على التعليقات
- حقير
- شنو مسمعت
- ولا شي
كملت بالكوة الشقة كلش وصخة كلها اتراب رحت كعدت بصفة
-كملتي ؟
-اي
- شبسرعة
-طبعا الوقت يمك يمشي بسرعة
-الي يغلط لازم يتعاقب
- ننننننن
مر هذا اليوم علينا بسلام اول مرة انام مرتاحة كعدت الصبح على اصوات بالمطبخ رحت شفتة يسوي ريوك كعدت على الميز
-صباح الخير
- صباح النور
اتريكنا وهو راح للغرفة اختفى فترة رحت فتحت الباب شفتة ديقرا عفتة وطلعت واني كاعدة اكلب بالتلفزيون اندك الجرس اني فزيت ركضت للغرفة
- سيف الباب
- لتخافين تعاي
- ما ما اجي شنو اجي ما
- تعاي لتخافين
مشيت ورا ووكفت بعيد وهو فتح الباب طب صديقة
اخذت نفس جنت كاطعتة ورحت كعدت
اجة يمي سيف
-شبيج وجهج اصفر
- مابية شوية دخت
- ضغطج انخفض
راح جابلي عصير واجة
شربتة
- اني اسف خوفتج
اشرتلة ب لا
كعدوا يسولفون وسيف اطمن علية كم مرة اني ممرتاحة لصديقة احس كلش خايفة راح سيف للغرفة رحت وراه بسرعة
من رجع رجعت وراه هم كعدت بصفة ورة فترة قليلة راح صديقة للحمام التفت علية
-شبيج ليش لازكة بية
- خايفة منة
- لتخافين هذا من الكلية وياية كلش اكثر من اخ
رحت للغرفة وضليت اليوم كلة هناك نمت من كعدت رحت للحمام شفتة طالع باقي بس سيف طبيت للحمام
اووه هسة شلون لا ما عندي حتى ملابس يا الله ضليت فترة بالحمام الى ان اندك الباب
- ايفين بيج شي ليش طولتي
- ها لا ما بية
-متاكدة افتحي الباب
- بعدني ممخلصة
- ايفين افتحي الباب شعدج جوة صالج نص ساعة اذا مفتحتيها راح اكسرها
فتحت نص الباب
- اندار
- شكو
-دا اكلك اندار
اندار هو
- امممم اكلك باع تعرف هذا الاسبوع الي يجي للابنية مرة بالشهر
- احجي شبيج
- شبيك ركز
- لا ما اعرفة
- سيف
- هههههههه ديلى ابقي هنا هسة اجيبلج
شنو احساسي ابدي الكاع تنشك وتبلعني
🖤🖤🖤🖤
STAI LEGGENDO
أخذه قوي تركه ضعيف
Mistero / Thrillerهذهِ الرواية للكاتبة المجهولة رواية خيالية لأ تمت بالواقع 🖤 حذفتها الكاتبة اعتقد لكن ناشرينها بالفيس ومن حُبي ألها قررت أنشرها واحتفظ بيها لأن عزيزة عليه كُلش 🖤🖤
