أخذه قوي تركه ضعيف

Part 40

بارت 40

- عميد محمد اريد منك ادز فرقة جبيرة لهذا المكان ...... وانت والبقية اتروحون للمكان الي دزيتة الك
- ليش كل هذا
- اذا اتريد الوحش يوكع لازم تسمع كلامي وبدون نقاش
-اريد افتهم واعرف شنو معنى هذا
-اكو شغلات مو ضروري الانسان يعرفها
سديت التلفون
عبالك تخدعني بهيج شي هههههه لا جان المفروض اتصير اذكى
طلعت الرسالة مرة لخ
- سيدي ترة المكان الي كالك علي الوحش غلط ما اعرف ليش هيج سوة بس مكدرت ما اكلك
-ههههههههه حتوكع حتوكع والثقة الي عبالك حتنقذك هي نفسها حتهدك

ورة الحجي وية ابوية حسيت براحة حسيت انو كلشي اريدة حيصير اني اعرف ابوية رغم كلشي الة انو الشغلة الي يكولها ما يثنيها بس بنفس الوقت خايف عليها شنو قصدة بطريقتي شلون يعني بطريقتة لو مهما ايسوي اني ححميها وما اخلي احد يلمسها

بس حطيت راسي على المخدة نمت حسيت روحي مرتاح
-الصبح-
-اخخ
شلون نومة احس روحي ملك ارتاحيت راحة صالي سنين ما حاس بيها
شلت تلفوني ادوس ميفتح
- يوه هذا مغلق ما بي شحن
حطيتة على الشاحنة  ورحت شفت الساعة بال١١ هسة ايفين اتخبلت اكيد طبيت للحمام  غسلت وبدلت اخذت التلفون وطلعت صعدت بالسيارة فتحت التلفون فوك الخمسين مكالمة من ايفين عرفت حتسوي هيج من دا اطب للجامعة شفت سيارة دتطلع من سيارات المقر
-هاي شجابها
دكيت على ايفين ماكو متجاوب
- خرااب
حسيت روحي حنفجر ضليت اضرب بالستيرن فريت السيارة وضليت ادك هورنات السيارات متقبل اتوخر على ما طلعت من الازدحام اعرف حيودوها للمقر اخذت اقصر طريق

- ياربي صارت ال٢ وهو ماكو ولا يجاوب على تلف

ونة وين راح

مكدرت انام اني اعرف حيصير شي طبعا شلون ايفين ترتاح لا ميصير لازم تموت
مكدرت انتم بس اريد الصبح يطلع بدلت وطلعت رحت للجامعة ضليت ادك وافتر علية   ماكو يا ربي وينة سيف ما يخلف وعد وهو كالي وين صار شفت واحد من جماعتة
-هلو
-منو
-انتي صديق سيف مو ؟
- اتفضلي
- عفية سيف وينة معرف وين
-لا والله بس هو ميداوم كليومية فيجوز ميجي اليوم
عفتة
-شرايدة منة
دروح انت الثاني عفتة وضليت افتر ادور رحت للقاعات البعيدة
- ايفين
التفت باوعت رجالين اذكرت شكلهم ذولة من
من الخوف كمت ما اعرف اوكف على رجلي
- الوحش يريدج تجين بالطيب لو
- ا ا الوحش ابو سيف سيف وينة ؟
- منعرف تجين لو نسخدم اسلوبنا
- ميحتاج اني اصلا اريد اشوف رئيسكم مدري قائدكم
رحت وياهم للكراج جسمي يرجف وكلبي ينبض بسرعة بس كافي كافي لهما وبس خلي ياخذون حياتي بس سيف لا اني متاكدة هو راحلهم البارحة اكيد راح حجة وية ابو عمودي اكيد لهذا هو مختفي اكيد حبسوا لا ياربي نسيت حتى خوفي من فكرت هيج
صعدت بالسيارة وانطلقت بينا عبالك احد موصيهم مينطخون بية كل واخد كاعد بعيد عني وما يباوعلي ابد ولا يحجون وياية بس اني ايدي ترجف ورجلي القلق والخوف اكلني مو علية بس على سيف احس صاير شي اخ يا سيف لو صابر او حتى لو مفهمني شنو صاير
وصلنا لنفس المبنى هذا المقر مالتهم اول مطبت السيارة مر الباب اذكرت من هربت ولزمني سيف وشالني ومن طببنا الحديقة اذكرت شلون حاولت اهرب منهم واخر شي الزمت وانضربت شكد كرهت هلمكان شكد اكره ذيج الايام
نزلنا من السيارة
- امشي كدامي بسرعة
مشيت وطلينا للبناية نفس الممر نفس الغرف الي اسمع بيها صياح ناس نفس الظلمة والوحشة صعدوني درج ووصلنا يم باب دكو ووخروا
- اتفضل
صوتة جان خشن لدرجة الخوف صار بكلبي هذا الوحش اكيد هذا قائد هذا القطيع انفتحت الباب وطبيت جانت غرفة مكتب جبيرة كلش وكلشي اسود باوعت على المكتب شفتة كاعد
حتى ريكي مكدرت ابلعة شكلة مرعب بي شبه من سيف نس الجاذبية مو جبير بالعمر مثل متخيلت
- اتفضلي هنا
صوتة صوتة ينرفزني يخليني ارتعب
وكفت مقابيلة المكتب جنعت كل شجاعتي
- سيف وينة شنو سويت بي
ابتسم بوجهي
- شبيج مستعجلة اكعدي ارتاحي
- جاوبني سيف وينة
- شبيج خايفة علي هلكد قابل الاب ياذي ابنة ها لا اكيد خايفة على نفسج بس لتخافين هنة كم سؤال واكلج الله وياج
- ما بينا شي بس كلي سيف وينة
- اتحبين سيف  ؟
- شن
- اشششش جاوبي على كد السؤال اتحبين سيف ؟
- احبة
- اتضحين عمودة ؟
- ليش هلاسئلة
- كتلج جاوبي ترة خلكي ضيك
- اضحي اضحي
- حتى بسمعتج؟
- شنو ؟؟
- اني جبتج هنا حتى اسئلج سؤال وبناءا علي انتي حتشوفين سيف وتبقين ويا العمر كلة لو متشوفي ومالج علاقة بي
- وشنو السؤال
- تذكرين من جنتي بضيافتنا
- ليش هي ايام تنسي
- ما شاء الله يعني ذاكرتج قوية المهم تذكرين من سيف نام عليج اكثر من مرة ومن ينام بصفج وحتى من دزيتلج الي يغتصبج
من ذكرهن مرن على ذاكرتي واحد ورة الثاني كل مشاعر القرف اجت يمي التمت وصارت مشاعر غضب غضب اريد افرغة ضربت الميز
- شنو اتريد هسة شنو اتريد من تذكيري بهيج شي شتريد مني وينة سيف سيف وينة
- ليش صبرج قليل الي كلتة كلة مصور وعدي فديوات الهن
احس جسمي وكف ماكدر اوكف وما تكدر احجي وما اكدر اسوي اي شي احس تفكري اتجمد وية كلامة الصدمة اخذت روحي
- هنا حيجي السؤال اسبوع واحد وية سبف مرتاحة بي محد يمكم بس ورة هليوم كل الفديوات تنشر او اتسافرين برة العراق وبعد متطبين الة نهائيا انتي وعائلتج الج الاختيار
انصدمت اكثر بكلامة هذا مجنون بس اني متاكدة كل الي ديكولة صح ايفين فكري صح سمعتج وسمعت اهلج والجامعة وحياتي كلها لو سيف زين اذا اخذت سيف واكلة على كلشي اكيد هو حيحصلهن ويمسحهن ايفين وين عايشة انتي بيا احلام عايشتها
اذكرت حباتي بدون سيف متسوة متسوة اي شي وكاني ميتة ماكو غير اعيش احلى اسبوع ويا وبعدين اموت ومحد حيتاذة اكيد محد المهم سيف يمي

- ها ايفين اقرة شغلات بعيونج مطمن
- اي والله ابد مطمن وينة سيف
- جوابج
- على شرط اليوم مينحسب من الاسبوع لان اليوم طار
- يعني اختاريتي سيف ! متاكدة ؟ ليش؟
- هههه ساعة ساعة وحدة وية سيف تسوة عمري بدونة الحب تضحية محد يحصل السعادة بدون تعب هاي شغلات محتفهمها انت لو اشرحها الك يوم كامل
سمعت صوت التفت شفت سيف واكف
- سيف !!
ركضت علي
-وينك انت وينك
نزلت ادموعي بمجرد مشفتة ما اعرف ليش اضعف يمة
- مخبلة
- هلة بسيف ابني سمعت الي صار
- سمعت
- اي من باجر حيبدي اسبوعكم اتونسوا بي عود
- انت تعرف محيصير شي من الي كلتة
- هههههههه طبعا بنتي ترة سيف يكره التصوير والكاميرات
- يعني ؟
باوعت على سيف انتظر اجابة منة
- هذا جان اختبار واتفاق بيني وبين ابوية وهو كال اذا اختاريتي هذا الاختيار حيتركنا سوة ويعوفني للنهاية
وخرت عنة
- كل هذا لعبة شنو اني لعبة بايديكم تتحكمون بية وبمشاعري بكيفكم
- ايفين
- هذا الي البارحة

كلتلي عليّ التغير انو اكون لعبة  
عفتة وطلعت
-ايفين
اجة ولزمني
-هدني سيف هدني هدنييييي كافي
- حبيبتي باواعيلي بس باوعيلي باوعي لعيوني
باوعت علي جنت كوة لازمة ادموعي
- شنو
-هاهية انتهى كلشي احنا سوة
وخرت وجهي عنة رجع لزم وجهي وخلاني اباوعلة
-عمري انتي اختاريتني
- اي متوقعتك  هيج شنو يعني جان عدك استعداد عادي تنشر
- طبعا لا شنو مخبل اني شفتهم اخذوج ملحكت عليج بس اعرف انتي حتجين لهنا فكلت اسبقكم اجيت
- وينها وينها اااا
- سيف منو هي
- ايفين وين
- بعدها بالطريق وماطول اجيت انت اسمع جوابها بنفسك 
- جوابها
-  اي

- والله يا ايفين ما اعرف شنو السؤال
حظنتة وبجيت جنت بين المنتهية من الخوف وبين الي حسيت بسعادة انو انتهى كلشي صعب وبين الي مشتاقتلة وجنت مرعوبة علي شالني واني بعدني حاظنتة غمضت عيني وحاولت اهدئ وارتاح اني بحظن سيف وصلنا للسيارة صعدت ما اريد افترق عنة صعد هو واني نمت على جتفة ولازمة ايدة
- يعني سيف كلشي خلص ماكو شي اخاف منة هاهية
- لا حبيبتي لا كلشي خلص
ما اعرف ليش بس نعست بشكل غريب
-ايفين ايفين
فتحت عيوني
-يلى كومي
لزمت ايدي بدون حتى ما افتح عيوني ونزلت من السيارة ضليت امشي حتى بدون ما اباوع وين رايحين سمعت صوت فتح باب فتحت عين وحدة شفت شقتة
التفت علي ورفعت ايدي ما بية حيل امشي اريدة يشيلني
شالني ورة شوية  نزلني  على الجرباية
-لتروح
اجة نام بصفي جريت ايدة وخليتها على راسي 
-اني تعبانة ونعسانة كلش
- نامي عمري

🫂🖤🖤