اخذه قوي وتركه
بسم الله ما شاء الله عليج مرت الغالي
مرت الغالي ؟!
اي يمة شبيج غير انتي مرت سيوفي
ها
يمة سيف خاف راسها مضروب هم شو تعال
جرتني وخلت ايدي على راسها وضلت اتحركها جريت روحي منها
- اني راح اطلع وانتوا اتعرفوا بيناتكم
طلعت اركض احس كلبي يدك سريع خبصتني خالتي وخبصت الابنية هم
- ها سيوفي تعال
- وين
- امشي انروح للبستان مال البرتقال هسة اترد روحك
- يلى مشينا
عدلت شعري هي كعدت مقابيلي على الجرباية
- اني خالة سيف اخت امة عندي يوسف اكيد شفتي هذا المجولح
-ههههههههه شفتة
- يمة شلون ضحكة
- تسلمين خالة اني ايفين
- يمة حلاة هلاسم يخبل مثل صاحبتة شكد عمرج يا بعد خالتج
- عمري ١٨
- ما شاء الله اي هم يلى زواج وان شاء الله ب١٨ ونص خلفة وجهال
- ها
- شنو الها انتوا مو متزوجين
مردت اصدمها او اذذيها فكلت خلي اعبرها
- ان شاء الله خير
- شلونة سيوفي وياج هما ياذيج هو شويونة عصبي بس كلش حباب
وكلبة طيب
- اي بالضبط
- يلى اني راح اروح اسويلكم غدة يخبل
خالتة كلش لطيفة بس يمكن متدري شنو الي بيني وبين سيف خاف متدري بابو شيسوي لااا ما معقولة
صدك سيف وين
اوف ملل شنو ليش عافني وراح
- سيدي جبت المعلومات الي ردتهن
- كمل
- اسمة سيف نورالدين عمرة ٢٤ سنة طالب بجامعة....... قسم ......... عدة هواية شغلات باسمة وعندة حساب بالبنك هم
- وين هو هسة
- مكدرت اندل لا بيتة ولا كدرت اندلة وين هسة
- ليش!!
- ماكو حتى سيم باسمة حتى اتبع موقعة وكن اليوم الي اخذ بي ايفين الى اليوم مختفي مكدرت اندل اي شي عدة هلمعلومات
- ماشي اطلع
- سيدي اكو شي غريب من سالت عنة بالجامعة ماكو نادرا يداوم وبس الامتحانات وترك سنتين وشوية
- شنو قصدك
- اي جامعة حكومية اذا الطالب هلكد يغيب يفصلوا ليش هو ليهسة ممفصول حاولت استفسر اكثر بس ماكو احد يعرف ويكلولي الفصل عند العميد وبالوكت الي رحت مجان موجود
- هاي حتى اذا سالت راح يكلك شغلات بالجامعة محد يدخل بيها عوفها حاليا
- احترامي سيدي
- مليكتوا ليهسة ؟
- لا سيدي ماكو اي شي يوصلنا الة اعتقد من اطيب يرجع
- دمشي ولي ولا بيكم خير وصلت الشحنة الجديدة
- اي وصلت ووزعناها
- اظاهر العقيد خسر
- طبعا سيدي منو يكدر عليك
جنا متمددين بالبستان
- سيف
- سيف
- شبيك دحجي
- يعني الة اكول ها يلى تحجي
- اي عبالي نايم
- كول
- شلونة كلبك
- شبي
- يعني شلونة هلفترة
- شتقصد
- سيفف يوسف تعالوا الاكل صار
- يلى كوم كوم
كمنا طبينا للبيت رحت بست راس خالتي
- تعبناج
- يمة تعبكم راحة وين اني حتى مشايفة وجهك صالي اشكد
- لا هاهية بعد ما اختفي عليكم
- ايفين متكدر اتجيبها
- لا يمة خليها يطيب جرحها ويلى احركها فد كم يوم
- لعد خلي اسويلكم صينيتكم
- لا اكل وياكم
- شنو لا وية مرتك خطية
- ماشي
اخذت الصينية وطببت حطيتها على رجلها هي امددتها وكعدت يمها
- هما دتاذين
-ايفين دا احجي وياج
مترد علية
لفت راسها علية
- ليش متجاوبين
وخرت ايدي واخذت خاشوكة اتريد تاكل اخذتها منها
- احجي لتخليني اتصرف غير تصرف
- تضربني مثلا ؟
- شبيج
- هسة اهتميت صالك شكد حتى مكلت يجوز محتاجة شي رايدة شي جوعانة عطشانة اي شي
- مو كلت خالتي يمج
- خالتك حجت شوية وراحت واني استحي منها
- ومتستحين مني
- اي
- ماشي اسف مو قصدي التهيت عنج محتاجة شي لو تاكلين
- حمام
- ماشي
شلت الصينية حطيتها على صفحة وخرت الغطة وهي رادت اتكوم اني شلتها وهي بايد وحدة جلبت بملابسي
- الزمي زين
وديتها للحمام كعدتها وحطيت كلشي قريب عليها وطلعت سديت الباب ابتسمت من اذكرت وجهة احمر واتكول ما استحي منك
- ها شنو شغلك اليوم حارس الحمام
-انجب
- زين شكو مبتسم مثل المخبل وحدك
- انجب والله لوما ملتهي جان دفنتك هنا
- ها اي حقك ملتهي
راح يركض
-احم اني خلصت
فتحت الباب على كيفي وطبيت اخذتها ورجعتها على كيفي نزلتها
- يلى خلي نتغدة حتى انظفلج الجرح
- الصبح سوينا
- لازم كل اربع ساعات
- ماشي
اتغدينا اني وياها بهدوء محد جان يحجي شلت الصينية رجعتها ورجعت عليها
كلبتها على بطنها وبديت
- ما شاء الله هواي متحسن
- صدك
- اي
عفتها لميت الغراض وهي انكلبت
-اه
- ها
- شوية بالحركة
- اي عادي هسة كلشي يتحسن
من شفتة يريد يطلع
- وين
- ليش رايدة شي
-سيف شبيك ما اريد ابقى وحدي
- احنا كلش بعيدين لتخافين
- شكد مكروه روح ما اريد اشوفك
- شبيج
انكلبت وانطيتة ظهري سمعت صوت الباب
شكد مكروه وحقير ميحس ما اعرف بس كلش انقهرت وبجيت
ورة شوية حسيت بايدة على جتفي فتحت عيني جان نايم يمي
-شبيج ليش بجيتي
- انت مو طلعت
- لا ما اعوفج وانتي ضايجة
-اتريدين نشوف فلم سوة
- اني اختارة
- ماشي
من شفتها ضايجة مني ما اعرف ليش محبيت اهدها وهي ضايجة سديت الباب حتى احجي وياها بس سمعتها تبجي حسيت كلبي انعصر عليها جانت مثل الطفلة حطيت ايدي على جتفها
اخفف عنها يمكن مشتاقة لامها صالها هواية مسامعة صوتها
دزيت رسالة ليوسف انو مراح اجي لا متفقين ورة الغدة نروح على جماعة انطيتها التلفون وهي اختارت فلم براحتها وضلينا انشوفة سوة من شفتها تضحك يلى ارتاحيت واحس اطمنت عليها
من خلص الفلم شفتها نامت اني اعرف راح اتنام لان عدها بالدوة واحد منهم مهدئ ومنوم اني هم حسيت بنعاس ونمت
🖤🖤🖤
YOU ARE READING
أخذه قوي تركه ضعيف
Mystery / Thrillerهذهِ الرواية للكاتبة المجهولة رواية خيالية لأ تمت بالواقع 🖤 حذفتها الكاتبة اعتقد لكن ناشرينها بالفيس ومن حُبي ألها قررت أنشرها واحتفظ بيها لأن عزيزة عليه كُلش 🖤🖤
