#اخذه قوي تركه ضعيف -
#part 15
- سيدي
- شبيك ولك
- الشحنة الشحنة
- شبيها احجي شبيها
- اتصادرت
- شنو
- هسة قبل نص ساعة وكل العمال انلزموا
- منو الكلب الي عدة الجراءة يتحارش بية
- نفسة الي لزم ذنيج الاثنين
- العقيد محمد مو
- اي سيدي
- دكلي على ابو ياسر
- امرك
.......
- تفضل
- الو شلونك وزيرنا
- الحمدلله ها ابو سيف اتفضل
- سمعت بالي صار
- شنو
- هاي ثالث شحنة تلزم والخسارة فضيعة ولتنسة انت فلوسك بيها
- ليش ما اجيت ليش على التلفون
- ما عدي وقت
- شنو المطلوب هسة
- المطلوب انت عدك علاقة بوزير الدفاع
- ليش
- اريد اطيرة لهذا
- عساس متكدر تكتلة هو عقيد
- ميطلع من المركز ودائما حمايتة ويا ماكو فرصة
- هددة باهلة
- كلهم خارج العراق ماكو احد الة هنا والظاهر حاط راسة وياية النذل
- ماشي اني اتصل واشوف
(ابو سيف واحد الوزراء الي عدة مصالح ويا )
- حققتوا وياهم ؟
- سيدي ولا واحد ينطق بشي كلشي مدنحصل منهم
- ههه خوش سادين حلكهم عوفوهم علية
-ها شلونك عقيدنا
- هلة هلة بالصديق الصدوق
- مزاجك عالي حقك عمي ثالث شحنة تلزمها خبلتة لهذا الكلب
- بعد وبعد الة انهي وانهي الي يشتغلون ويا واحد واحد بس اصطبرلي
- ان شاء الله بس دير بالك على نفسك هذا اهم شي
- لتخاف علية
(العقيد والضابط)
ضليت بالحمام انتظرة بس كلش اتاخر سمعت دكة الباب ركضت علي فتحت نص الباب
اخذت العلاكة وطبيت فتحتها جايب ملابس هم
سبحت وبدلت وشلت شعري
اخذت نفس وفتحت الباب وراسا التفت للغرفة كبل اني عبالي هو بالمطبخ هو صار بوجهي
ابتسم
- باقي الغراض هنا وتعالي حتى تاكلين راح اسوي الاكل لان ميصير اتعبين نفسج
وطلع يضحك الحقيررررر
رحت شمرت روحي على الجرباية
ورة قترة ما اعرف شكد
-وينج تعاي اكلي
مجاوبتة
-مراح اتحارش بيج
ضليت ساكتة بلكت عبالة نايمة
-تعاي لا اشيلج
كمت ورحت
كاعد مقابيلي شكد مكروه
- اكلي
عود جايب معلاك
خلصنا اكل ورحت على الكرويتة كعدت بدت تلعب روحي اني مشكلتي ضغطي ينزل وادوخ والم بسيط اتمددت
- وجهج اصفر محتاجة شي
شفت قلق بعيونة مجان يتحارش او يضحك علية
- لا شكرا
كعد بصفي وضل يفرك براسي
- الو هلو اسومي اكلك ابيتكم عدكم جهاز ضغط
-اي فدوة
-ماشي جايك
-لا والله الحمدلله بس شوية صديقي تعبان ودنشوف ضغطة
-تمام بيباي
وكام لزمت ايدة
- عوفة لتروح
- ماكو بيتهم قريب هسة اجيبة واجي ما اطول
راح وصدك مطول داقايق واجة كعد بصفي وسحب ايدي وقاسة
- نازل صدك دا اكول وجهج اصفر كلش وشفتج بيضة
راح للمطبخ جاب اخيار وملح
- كومي اكلي هسة يصعد
اكلتة بالكوة بس اريد اخلص من هلاحراج
دا اروح للغرفة بس لزمني
-اكعدي حتى اشوفج خاف يصير شي
اتغطيت ونمت
كعدت على اصوات هوسة فتحت عيني شفتة ديغسل المواعين ومخبوص
بس شنو شكلة فدوة شهل جمال شهل طول نيالها لمرتك ولو هو معتزل البنات
بس الله يطيب جرحة
كمت رتبت شعري ورحت يمة
- اساعدك بشي
- ها
دفعني انتي روحي ارتاحي دفعني للميز
- شلون صرتي
- الحمدلله
- ميخالف اكعدي
كعدت وهو راح يكمل وبعدين جاب كلاص فدشي كبالي
- شنو هذا
- اشربي قريت زين للمعدة
- شنو هذا
- دارسين ودبس
عبالك امي ردت اضحك بس سكتت وشربتة وهو جاب الجهاز وقاسلي مرة لخ طلع طبيعي
- كتلك ما بية شي
- اذا خلصتي الكلاس هذا اطلعج لمكان
-والله !!
- اي
شربتة دفعة وحدة
- روحي البسي حذائج
رحت عدلت نفسي ولبست حذائي وهو راح للغرفة يبدل من خلصت رحت للغرفة
سمعتة يحجي
- ها حبيبتي شلونج
- والله اني مشتاقلج اكثر بس شوية مشغول
- ان شاء الله ديري بالج على نفسج بيباي
من خلص ركضت حتى ليشوفني وكعدت
منو هاي شوكت ارتبط حجية ذيج الفترة يبين انو ممرتبط اوي اني شلي علاقة
احس بالخيانة لان مكلي انو اتعالج وكدر يطب بعلاقة جديدة
- يلى كومي
- ها
- كومي
- اي اي
طلعنا و وداني على مدينة مال الالعاب باوعتلة
- مدينة الالعاب ؟
-اي مكان اطلعين الضغط الي جان عليج طول هذي الفترة تعاي وياي وراح اطلعين كل ضوجتج
رحنا ودخلنا لمكان كلة العاب الالكترونية
بدينة نلعب اني ويا ونسيت روحي ونسيت كلشي صدك راحت كل الافكار السلبية
صعدنا بالسيارة
- شلونة اليوم
- يجنن
حرك السيارة
- منو الي جنت تحجي وياها
- منو
- الي بالغرفة كلتلها حبيبتي مشتاقلج
- شنو تسنطين علية
- بالصدفة
- مالج علاقة
- هسة دكول قابل راح اكلها
- ايفين كافي
- اوكي اسفة لان اتسنطت بدون قصد
- اختي الي بالخارج
- اووو فدوة شنو هلتعامل حبيبتي ومشتاقلج
- شنو اجذب عليج
- لا والله مو قصدي بس اخوية كلة يعيب وعمرة مكلي احبج او شي
- عادي هم لو قريبة علية جان نفس الشي و ..... اخوج ترة راد يكتل واحد منا من رحنالهم اندور عليج فلاعبالج ما يحبج
- والله
- اي
All the love 🖤🖤🖤
YOU ARE READING
أخذه قوي تركه ضعيف
Mystery / Thrillerهذهِ الرواية للكاتبة المجهولة رواية خيالية لأ تمت بالواقع 🖤 حذفتها الكاتبة اعتقد لكن ناشرينها بالفيس ومن حُبي ألها قررت أنشرها واحتفظ بيها لأن عزيزة عليه كُلش 🖤🖤
