بارت 41
- ايفين هاج هذا البسي وتعاي
اخذت العلاكة وطبيت للحمام الحمام وردي كلش عجبني اثاثة طلعت الملابس شفتة فستان لبستة ابيض دانتيل ناعم كلش حاولت اسد السحاب بس مكدرت فتحت الباب
- سيف حبيبي تعال سدلي السحاب
اجة مبتسم امبدل ملابسة ولابس سترة على قميص ابيض وبنطرون اسود بلون السترة اجة وراية
- ليش هلكد متانق
- احلى يوم بعمري وما اتأنق
حسيت بشفتة على ركبتي انفاسة الدافية ايدة الي حاوطت خصري رجعت راسي علي احس بهدوء احس بسعادة احس براحة غمضت عيوني مشاني لمسافة
- افتحي عيونج
باوعت كدامي مراية وهو وراية يباوعلي ويبتسم شفت الفستان
- ناعم
همهم الي وضل يتلمس ببشرتي لافني علي
-تحبيني ؟
-احبك
اخذ ايدي حطها على شفتة اتقرب اكثر علية صارت المسافة معدومة بينة انفاسنا قريبة عيونا بعيون بعض
-تقبلين بية وبعيوبي ؟
فتحت عيني
-كل هذا حلم اوففف
ضليت كاعدة على الجرباية احاول اطلع من النومة الثكيلة الي نمتها ومن الحلم الغريب والحلو سمعت صوت كمت من الجرباية
- سيف
محد جاوبني
ضليت امشي وصلت للمطبخ شفتة على الطباخ كاعد يطبخ لابس بدي نص ردان وبجامة شعرة نازل امبين هستوة طالع من الحمام رحت على كيفي حضنتة
-كعدتي ؟
-لا بعدني نايمة
-ارتاحيتي ؟
-اي بزيارتك انرت الحلم مالتي
-شحلمتي
ضليت ساكتة
-فدشي حلو ؟
- همم
-الحمدلله اذا هيج
- روحي غسلي حتى ناكل
- الساعة ابيش
- ب٣
- وامي ؟
- دزيتلها رسالة انتي يم يارا
رحت للحمام غسلت وعدلت شعري ورجعت للاستقبال كعدت واباوع لسيف وهو يشتغل ويصب
- سيف
-نعم
-اتحبني ؟
- احبج
- تقبل بكل عيوبي ؟
التفت علية وعلى عيونة هواية اسألة
- شنو هلسوال
- جاوب
-اقبل
-تمام اني هم اقبل
- انتي مو صاحية
ابتسمتلة حبيبي سيف اكيد اقبل بكل عيوبك كلشي مريت بي انت مو السبب الظروف اذتك اني مراح ااذيك اني وياك
ورة مخلصنا اكل راح هو كعد وشغل التلفزيون رحتلة وصلت يمة كعدت عيوني علي اباوع كلشي بي رفعت ايدي ودخلتة بشعرة ضليت العب بشعرة
- يرادلة كص مو
- لا حلو عوفة
نمت على جتفة وخرت الريموند من ايدة وحطيت ايدي بايدة
ضلينا هيج هدوء شعور حلو راحة مخايفين من شي ولا انفكر بشي مجرد اني نايمة على جتفة وهو حاط راسة علية ايدي بايدة
- اتمنى يوكف الوكت هسة
- لا بعد ورانا احلى من هيج
- ابقى وياية لتسوي شي بدون علمي الله يخليك
- لو اموت ما اهدج اتضل روحي اتزورج
- هههه اسم الله حبيبي
- ها مطلع وياك شي
- والله سيدي ماكو عبالك مختفي ماكو اي شي علي ولا اي دليل وكل الي يشتغلون جوا ميقبلون ينطقون بحرف واذا ذكرت اسمة يكولون منعرفة والحجي عبالك متفقين علي ماكو اي فراغ انطب منة
- ذكي ذكي يعرف شلون ينقذ روحة والمخبر ؟
- ماكو اي شي علي
- مثل متوقعت معناه بس اتكسرت ايدة ورجلة بس راسة بعدة
- سيدي اذا اتاخرنا حيجبسهن وكلشي محنحصل من الي سوينا
- الله كريم
YOU ARE READING
أخذه قوي تركه ضعيف
Mystery / Thrillerهذهِ الرواية للكاتبة المجهولة رواية خيالية لأ تمت بالواقع 🖤 حذفتها الكاتبة اعتقد لكن ناشرينها بالفيس ومن حُبي ألها قررت أنشرها واحتفظ بيها لأن عزيزة عليه كُلش 🖤🖤
