Ne mendjen time, Ksavieri me çonte ne nje restorant te shtrenjte, me lejonte te shikoja menune dhe te zgjidhja pjatat qe doja, e paguante faturen marramendese dhe pastaj, me çonte ne plazh dhe me propozonte. Por ne realitetin e felliqur, sigurisht qe nuk ndodhi kjo. Te dy ne u kthyem ne shetitoren prane plazhit dhe vetem, ecem nje cope here. Floket i rregullova aq shume here se mos me shihte kufjen e vogel qe kisha ne vesh, sa po mendoja se kishte filluar te dyshonte qe s'po fliste.
-Kinsi, zemer, -degjova zerin e mamit, -flit ti e para. Pyete nese deshiron te pije ndonje gje.
-Thuaji se ke etje, -nderhyri Kluki.
-Jo, se ashtu ngjan keq, sikur po i kerkon gje tjeter, -kundershtoi menjehere babi.
Por mami kishte te drejte. Mbase duhej te flisja e para. Mund ta pyesja se per çfare me thirri, por nuk isha e sigurt se kjo ishte menyra e duhur per te hapur temen. Mund ta ftoja per te pire ndonje gje, por nuk besoja se do te pranonte. Kisha vertet nevoje te ulesha, fustani i ndyre i Klukit sikur po me merrte frymen dhe kisha frike se po shkeputeshin goglat. Ja, njera syresh sikur te me kishte lexuar u rrezua.
-Pra, ti je femija i madh apo jo, Kinsi? -foli papritur Ksavieri. Ide e mire si ta hapte temen. Mund ta kisha pyetur edhe une nese ishte femije i vetem, apo kishte moter e vella.
-Po, -mermerita. U degjua nje shfryrje nga ana e Klukit, por nuk foli kush. -Po ti?
-Kam pasur nje vella , -me tha. Kam pasur. Koha e foljes qe ai perdori sikur me theri ne zemer. Une s'e njihja Ksavierin, por njerezit qe njihja une nuk kishin pasur asnjehere kontakt me vdekjen, prandaj u ndjeva keq dhe nuk dita çfare t'i thoja. -Ishim binjake.
Nuk foli me gjate. Ktheu koken andej nga shtrihej deti. Une u ndjeva budallaqe qe e kisha pyetur. Ide shume e keqe te flisje per familjen. Asnjehere s'e dije jeten e dikujt. Me kujtohej se si dikur, e pata pyetur Danielin per kusheririn e tij, qe qelloi te ishte ne burg. Qe prej asaj dite, nuk pyeta me kurre per njerezit qe e rrethonin. Ne nje lidhje, shoqeri ose çfaredo te ishte, doja te isha vetem une dhe personi tjeter.
-Pyete sa vjeç e kishte vellain, -foli Kluki.
-Po e kishte binjak, moj, -degjova fill pas saj, zerin e babit. -Kjo s'merr vesh. Binjake. Jane ne te njejten moshe.
-Eshte me minuta, -kembenguli Kluki.
-Jane ne nje moshe, po te them. Mos me bej ta kerkoj ne internet.
-Kerkoje po deshe, ashtu siç them une do te jete.
-Sa vjeç ishte vellai yt, -pyeta, -kur... kur u largua?
Heshtje. Edhe Kluki me babin nuk folen me. Duhej te kishte qene pyetje idiote nga ana ime. Nuk mund ta pyesje dike per nje person qe i kishte vdekur. Por une nuk e perdora ate fjale, apo jo? Kishte nje ndryshim te madh.
-Nentembedhjete vjeç. Java e fundit perpara fillimit te shkolles, -mu pergjigj. E kuptova se do te fliste akoma. Nuk u gabova. -Ai po ngiste makinen. Une isha ulur ne sediljen e pasagjerit.
-Pyete njehere ku ishin prinderit. Si i lene femijet keshtu? -degjova zerin e Klukit.
-Po pusho ta degjojme çfare i ka ndodhur, -u nxeh mami.
-Po ta pyesi per prinderit, moj. -Insistimit te Klukit nuk iu pergjigj njeri. Ra heshtja ne anen tjeter te celularit.
-Po i tregoja nje video ne celular, -vazhdoi. Kisha frike se do te fillonte te qante dhe s'do dija si ta ngushelloja, por pastaj u kujtova qe ai nuk ishte Danieli. -Nuk e pame makinen qe erdhi drejt nesh. Siç me thane me vone, ai kishte vdekur ne vend.
-Po... po makina qe ju perplasi? -pyeta me ze te ulet. Kluki beri nje shfryrje, qe me erdhi mu ne vesh.
-Nuk e kapen kurre, -tha. Ktheu koken nga une. -Prandaj, kam zgjedhur kete profesion. Per vellain tim.
DU LIEST GERADE
Ters ne hotelin "Tersi". ✔
HumorHelbruket ishin lodhur nga çmendurite e shumta dhe donin te gjenin pak qetesi gjate veres se nxehte. Ata kishin rezervuar ne hotelin me te shtrenjte, duke zgjedhur suiten me te madhe dhe mendonin se hoteli "Tersi" do i mirepriste me luksin qe mezi p...