ما كان في الحسبان يقوى الهجر أعز انسان//للكاتبة:بنت بلادي

8

البارت الثامن:

&
:
&
بسم الله..استغفرالله.. لاحول ولاقوة الا بالله..سبحان الله
_____

يوم كنا صغار في ربوع الدار
نرسم الاذكار ورد وياسمين

عازف الاوتار لا تزيد النار
في القلوب أسرار وأشواق وحنين

....
بعد مرور ثلاث اشهر

وقفت بتعب وهي ترفع بنتها الي تبكي
وتتوجه للمطبخ تسوي لها الرضعه
وقفت تنتظر المويه تغلي وبيدها بنتها تهزها عالخفيف
سرحانه تفكر بأخوها
قبل شهرين بس ولدت وجلست عند امها فترة النفاس
كانت بهالفتره تراقب اخوها ثامر بخوف انه يسوي شي
ولاحظت عليه كرهه الغير مبرر لعمر وغيرته من طاري زواجه
الهالات الي اسفل عيونه وسرحانه الكثير
ولما تجلس مع بنتها وتنيمها يجيها يبكي انه عمر مايستاهلها
شرحه لها عنها وكيف مدقق بأقل تفاصيلها
تعبت كثير وكثيير خايفه ومرعوبه من اخوها ومن ايش ممكن يصير بعدين
زفرت انفاسها بقلق وهي ترفع المويه وتحط شوي منها بالرضعه
ثم بعد ماحطت حليب البودر حركة الرضعه اللين امتزج
ومشت متوجهه لسريرها مع بنتها
حاليا خلصت النفاس وببيت زوجها يعني ماتقدر تراقب اخوها مثل قبل
لحد الان الامور هينه لكن خوفها لما تجي ريم لبيتهم عروس
جلست وهي ترضع بنتها
وتدعي بقلبها انه مايصير شي يضرهم كلهم

.....
في بيت ام عادل
جالسه مقابل التلفزيون وقدامها القهوه والشاهي والحلا
وبيدها فنجان القهوه ترشف منه شوي وترد على الي بالجوال
والابتسامه مو راضيه تروح عنها:ياهلا والله...الله..الله يبارك فيك ا...ايي هههههه......ان شاءالله......ماتقصرين ياعمري انتي نردها بلافراح......مع.....مع السلامه ياهلا ياهلا
سكرت الجوال وهي تاخذ من الحلا وتحطه بفمها ثم ترد ترشف من القهوه:اخخ الحمدالله ياربي الي شفت فيه بنتي قمر عروس
دخلت قمر للمجلس بخجل وهي تجلس مقابل امها وتاخذ الفنجان والقهوه
ناويه تتقهوى وتسولف شوي
ونظرات امها لها مليانه حب وقبل تكلم بنتها
قاطعهم جوالها الي رد يتصل
رفعت ام عادل الجوال وهي ترد على اهلهم ومعارفهم الي يباركون لها بملكة بنتها قمر على ولد اخو زوجة ولد عمها
سكرت من الحرمه وهي تناظر قمر:هاه يا قلبي رحتي المشغل
قمر بخجل وهي تاكل من الحلا وبيدها القهوه:اي يمه
تأملتها ام عادل بحب:اييه يزين الحيا والسناعه بس تزيني بيجون يباركون عمانك ابيك مرتزه عندي ماهو بعض الناس "بكرهه" يوم
ملكة وكبرت المخده ونامت لاحشمت الناس الي تبارك ولا حشمتنا
مدت قمر يدها للشاهي تحط لها ولامها:وش لك بطاريها الا
وش رايك نشوف فستان لزواجي في تصاميم روعه

.....
نزلت وهي تدندن بفرح وبيدها كوب قهوتها الي خلصت
دخلت للمطبخ وهي تحط الكوب وتطلع لغرفتها تتجهز
قبل شهر ونص ماريا ردت اتصلت عليها بعد هالمده ذي كلها
بعد ثلاث سنين ونص
سمعت صوتها وبشرتها بسلامة ولدها وانهم راجعين لسعودية
وظلت تتواصل معها خلال هالشهر ونص
تاخذ اخبارها وتعلمها بأحوالها
اليوم كملت ٢٠ سنه وقبل تقريبا اربع سنين ونص بس
كان اول لقاء لها مع الي يتسمون اهلها وكان وقتها
موت جدتها ولما بعدو ماريا عنها ولما تركت حياتها الحلوه
وسلطان الي كان فيها
تنهدت بضيق وهي تناظر من شباك غرفتها
سلطان..اخر خبرها فيه لما كان عمرها ١٥
مرت السنين بسرعه لكن ماهي سهله ابد
وش هي احواله؟ قد مر يوم وطرت على باله
او حتى فكر فيها؟
ضحكت بسخريه اصحي ياريم الرجال تلقينه اعرس
وخلف ولاهو بداري عنك وانتي باقي تفكرين فيه
تنهدت بضيق من طاري العرس
بكل مره تستوعب انها ملكة تحس انه كذب ماهو حقيقي
مكسوره كيف ملكوها غصب عنها حتى رايها ماخذوه
كله من تحت راس لمار وقمر لولا الي سووه
ولو انه عندها دليل ضدهم ماكان صار الي صار
بعدت الافكار السلبيه ذي عن بالها
وسكرت الشباك متوجهه لدولابها تدور على لبس حلو
اليوم اتفقت مع ماريا تلتقي فيها واخيرا بعد ما ماريا وزوجها
قدرو يحصلون شقه وتمت امورهم صار وقت تلتقي فيها
والاكيد ماراح تعلم عمتها لانه لو درت ماراح تتركها تروح