ما كان في الحسبان يقوى الهجر أعز انسان//للكاتبة:بنت بلادي

25

البارت الخامس والعشرين :

&
:
&
بسم الله..استغفرالله.. لاحول ولاقوة الا بالله..سبحان الله
_____

وعدٍ وعدتك فيه والله لوفيه
لو حاربوني الناس كل ليلة

ولو كايدو قلبي ولو نارهم فيه
بردٍ عليك وحرها أنا كفيله

.....
الساعه٥ الصباح
يضرب برجله الارض ويدينه شابكهم
تأفف بانزعاج وهو يصرخ فيها: بسسس اجلسي صدعتي راسي
لفت له ام عادل الي كانت تروح وترجع ولا جلست:ماقدر
ذابحني الخوف على ثامر يويلي لايسجنونه
ضحك ابو سعد بسخريه:لايسجنونه..؟
بيسجنوونه ابشرك انتي تحسبين القانون فوضى
متهجم على البنت وهي معرسه ماهو بصاحي هالولد
كبر ووصل الثلاثين ولا عقل خبلن جاب المصايب لنا
تنهد فارس بضيق وهو يناظر لام ثامر الي
جالسه على جنب صاحت :يبه امه هنا
ناظر ابو سعد بطرف عينه لام ثامر
الي متغطيه بعباتها و ولدها سيف يهديها
لف لولده بستفسار: ماتصل عليك عمر ولا عمك..؟
فارس: لا..انا اقول اروح لهم المركز احسن اشوف
وش الي حاصل بضبط
بلع ابو سعد بريقه بضيق وتفكير وهو يناظر
بام عادل الي جلست وام ثامر و ولدها سيف
عقد حواجبه :الا عادل ولدك وينه فيه
ام عادل من غير اهتمامه:وانا وش يدريني
ربنا وربه الله هايتن مايجلس بأرضه
في نفس البيت
بطابق الثاني تحديدا
طلعت من غرفتها بستغراب للانوار والاصوات
لفت انتباها الشغاله الي كانت تمشي بستعجال
سحبتها من كتفها :تعالي تعالي..
وقفت الشغاله لها:نعم مدام
تكتفت لمار وهي تتراكا على الجدار وراها:وش فيه
لي كله نور شغال وفي صوت تحت هاه
وانتي لي مافي نوم ساعه ٥
الشغاله:مدام هذا في بوليس يجي قبل ممكن اربعه ساعه
وهذا تحت كلو في خوف وماما نوره في غرفه سكر باب
انا في يبي يروح يفتح حق هو..
عقدت لمار حواجبها بقلق:بوليس..؟ ليه وش صاير
الشغاله:هذا بابا ثامر بوليس ياخذ
دفتها لمار بصدمه:طيب روحي روحي..
عضت شفتها بتوتر "يويلي وش مهبب عشان تاخذه الشرطه"
ردت بستعجال لغرفتها سحبت عباتها وطرحتها
لبستهم بهمال وقبل لاتطلع
رجعت مره ثانيه ووقفت قدام المرايه تعدل شكلها
"اكيد عمر تحت مو ناقصه يشوفني مب مرتبه
وبعدين انا وش دخلني خذته الشرطه ولا لا
مصيبه هو سواها بيده هه اهم شي مايدخلني فيها"
بعد ماضبطت شكلها اخذت المسكره والمرطب
حطت منهم شوي وطلعت بعد ماتسبحت بالعطر
تمشي على روقان وهي تذكر نفسها انها
مالها دخل واهم شي نفسها وبس...
في نفس الطابق نهاية الممر كانت غرفة نوره
والي فتحت لها الشغاله الباب بعد ماحرقتها اتصالات
بعدت الشغاله بفجعه من خروج نوره السريع:وش فيه
ليه شرطه يجي هاه...
تنهدت الشغاله بأنزعاج:هذا بوليس في ياخذ بابا ثامر
هو في يسوي مشكله كبير...ماما بابا ولد كلوو تحت سوا سوا
نزلت نوره بستعجال بعد ماسمعت اسم ثامر
ويدها على قلبها يخوف"يويلي لايكون ريم فيها شي"
خففت خطواتها بعد ماوصلت للمجلس والي
الكل كان فيه ضغطت على يدها بقهر تدري اذا سألت
او تكلمت محد راح يعلمها..كيف بتتطمن على ريم
....:بنت اخوك وش صار عليها
قربت نوره تتسمع لاخوها بتركيز
على صوت اختها ام عادل:وانا وش يدريني
ابو سعد رد بنرفزه وصراخ:وانتي كل شي ماتدرينن
صرخت ام عادل بانزعاج:اقوووول لاتجلس تصرخ علي
انا مالي دخل عيالي وكلهم عندي والحمدالله لاتدخلني
بالموضوع حالي من حالك وبنت اخوك روح انت
يا المهتم وقم اسأل عنها بعد سوات ثامر فيها
ولا انا مايهمني غير عيالي وهذا هم كلهم حولي...
شهقت نوره وهي تغطي فهمها بيدها بخوف على ريم
"وش سوا فيها ياربي احفظها..حسبيى الله عليك ياثامر"
طلعت جوالها بقلق وهي تبعد عنهم وتروح للحوش
تحاول تتصل على ريم لعل وعسى احد يرد ويطمنها
بينما يدها على قلبها...