ما كان في الحسبان يقوى الهجر أعز انسان//للكاتبة:بنت بلادي

27

البارت السابع والعشرين :

&
:
&
بسم الله..استغفرالله.. لاحول ولاقوة الا بالله..سبحان الله
_____

يذبحني الشوق ان جيتك ولا شفتك
كافي تكبر علي اليوم واسمعني ؟

البارحه جيت كلي يوم انا اشتقتلك
ابيك تسمع سوالف حيل تفرحني

وباخذ دقايق من وقتك ومن وقتي
واحس باجمل سنيني وانت تسعدني

.....
بعد يومين
جلست فيهم نوره بالمستشفى كا مرافقه مع ريم
شالت طاولة الاكل بعد ماتفطرو: ودك نشوف فلم..؟
تراكت ريم بعد ماحطت مخدتين وراها
وتركت يدها الي فيها ابرة المغذي بحضنها: ما اقو...
رفعت راسها على صوت الباب الي قاطعهم
ناظرت لعمتها بستغراب:مين جا بهالوقت
لبست نوره طرحتها :اتوقع الدكتور ولا مين غيره بيكون
مشت متوجهه لباب تفتحه لكن تجمدت مكانها
بصدمه لفت لريم بقلق:ا..
انفتح الباب تارك نوره ترجع كم خطوه على ورا
ودخول ابو سعد وام عادل معه:السلام عليكم
شدت ريم على طرف البطانيه بتفاجئ :وعليكم السلام
سكرت نوره الباب من بعدهم
وراحت توقف قدام سرير ريم بقلق
من جيتهم بهالوقت..
ناظرت ريم لام عادل الي جلست على الكرسي
وتاكلها بنظراتها وعلى صوتها من غير نفس:كيفك يا ريم
ريم ردت بهدء واختصار:بخير..
ابو سعد بجديه: مالك بطويله يا ريم
انا وعمتك جينا نكلمك عن ولد عمك
حنا اهل وذا مهما يكون ولد عمك
وماهي حلوه بحقك ولا حقنا الفضايح
تنازلي عن القضيه والمبلغ وطلعيه
تفاجئة ريم من وقاحتهم وسهولة طلبهم
انربط لسانها ولاهي عارفه كيف ترد
تخاف.. تخاف من الي شافته وعاشته
الرعب ياكلها منهم ومن كل خطوه غير متوقعه
يسوونها لها بكل مره...
"احتاجك...سلطان"الدنيا ضاقت عليها
نظراتهم ناحيتها ينتظرون اجابه منها
وترتها..همست بلعثمه:م ما اقدر..
فزت برجفه على ضربت ام عادل لطرف السرير
بقوه وكيف قربت لها بنظرات حاده:وش الي ماتقدرين
مهبولهه انتيي ولد عمكك ذا فضحتيناا
يا ما ناس عاشو وشافو لكن مافضحوو في اهلهمم
وش تبين الناس تتكلم عنك وعنا بكرا هاه..؟
هذا موضوع بينن اهل ماهو لازم الشرطه تتدخل فيه
اشتري سلامة روحكك وتنازلي ياريم وبلاش الفضايح
قربت نوره لاختها تبعدها بسبب قربها الشديد لريم
لكن دفتها ام عادل بعصبيه:وشش بعد انتيي الثانيه
لفت لريم وبحده رفعت يدها:علم يوصلك ويتعداك
يا بنت فهد..تتنازلين يعني تتنازلين..
يالجاحده ضفيناك عن الشارع حول الخمس سنين
وكلناك وكبرناك وقبلها اميي شالتكك وتعبت
فيك وهذي جزاتك لها تحذفين حفيدها بسجن
وجزاتك فينا الي شلناك عندنا يوم موتها
تحسبين خلاص اعرستي ورحتي تلغين
نفسك من عايلتنه..؟ تبدين الغريب
على اهلك... في بالك انه بيدوم لك ..؟
مهما يروح ولا يجي يظل غريييب عنكك
وبيجي ذاك اليوم الي يرميك فيه وترجعين لنا
زييي الكل..
قاطعتها نوره بغضب:بسسسس
عيب عليككك.."ناظرت اخوها بقهر"عاجبك
كلام اختك..؟ البنت تعبانه وهي تسمعها كذاا
وقف ابو سعد بغير اهتمام: ماقالت الا الصدق
حنا اهلها..ولازم تبدينا عن الغريب
وترد جميلنا فيها..وتطلع ولد عمها
وعهدآ علينا مايقرب لها مره ثانيه
همست ريم بخنقه وغصه:ثالثه..
ضحكت ام عادل بسخريه:زين سمعنا صوتك
ساكته ولارديتي على كلامي اشوف..
ناظرت ريم يدها الي كانت ترجف
مقهوره ومخنوقه تحس بضغط همست:اتركوني لحالي
ابي انام...
ام عادل:هه اي بنتركك اليوم
لكن بنرجع لك يا ريم ونسمع ردك قريب..
وقفت ام عادل طالعه لاحقها ابو سعد
تاركين ريم تجمع انفاسها
قربت لها نوره تحضن ارتجافها:ريم هدي مافي شي
شدت ريم على حضنها تخبي نفسها عن الدنيا
كلامهم يشتتها ويتعبها وخلا الافكار
الكثيره تتضارب براسها همست:تعبت..
مسحت نوره عليها:بسم الله عليك من التعب
ماعليك ياريم منهم...
نزلت يدها لبطنها وضغطت عليه عالخفيف تهدي نفسها
"ماحتاجهم دامك وابوك معي"