ما كان في الحسبان يقوى الهجر أعز انسان//للكاتبة:بنت بلادي

9

البارت التاسع:

&
:
&
بسم الله..استغفرالله.. لاحول ولاقوة الا بالله..سبحان الله
_____

لم أطلب يد تمسح دموع الفزع
ولم اوقظ احد ليعانقني كي اهدأ
علام يجب ان اكون ممنونا؟
لقد عشت اسوء اللحضات بمفردي...

....
بعد خمس شهور
في غرفة مظلمة الا من إضائه خافته بوجه شاحب والهالات خذت مكانها جالسه على سرير المستشفى براس مايل بسرحان والتعب ظاهر على ملامحها تناظر بهدوء قاتل للجدار وعيونها ماذرفت دمعه بعالم اخر بعيد عن الكل

خارج الغرفة وعيونه عليها من خلال الشباك تكلم بأسى:هذا حالها من ٥ شهور ماتتكلم ولا نزلت حتى دمعه الوضع لو طول اكثر احتمال نسوي لها تحويل لطب النفسي
ناظرت له الي موجهه لها الكلام بصوت متألم:لاتقولها يا دكتور..بتتشافى باذن الله
الدكتور ناظر لها بقلة حيله:انتي شفتي معنا كيف حاولنا معها اخذنا لها موعد مع الدكاتره المختصين بالعلاج النفسي ولا رضت حتى تتكلم الصدمه او الحاله الي هي فيها جدا قويه ولربما مع استمرار كبتها حالتها تؤدي للجنون كيف تبين تتشافى

بعزم ناظرت له ثم لها وهي ناويه تسوي الي ببالها بعد ماطفح الكيل:بتتكلم يادكتور بتتكلم...

.....
بأجواء شهر يناير البارده
بين ذيك الرمال والصحاري
متوقفه سيارته وقدامها عزبة البر والنار الي لهبها القوي
يتحرك مع حركة الريح
والشاي الي عالجمر يقند لك الراس
الظلام الي مسيطر على الصحرا تارك متنفس للقمر والنجوم تقوم بدورها
بشكلها البهي الي يخطف الانظار تنور فيها الصحرا واهلها
لاف فروته عليه من البرد وبيده بيالة الشاهي جالس
وعينه على الحطب والنار سرحان يفكر
مر ١١ شهر من ملكة بتمام
من ذاك اليوم الي كان متوقع يوصل له فيه اتصال منها
تنهد بصوت مسموع بيننا سعود الي جالس بجنبه يناظره:وش بك
لف له سلطان بضيق:لو ادري قلت لك مير كل الي اعرفه اني ماني مرتاح
نزل الشاهي وهو يمسك المسباح ويلعب فيه بهدوء:من حلمت ذاك اليوم
فيها وهي تناديني وتقول لاتخليني ياسلطان وانا قلبي ماهو متطمن ابد
تنهد سعود على حال خويه:يا رجال مغير حلم يوم انك تفكر كثير
تلقاها اعرست ويمكن بتولد بعد تفاول لها بالخير
ضغط سلطان على المسباح بضيق ورد سرح بالنار
بينما سعود اخذ الشاهي وهو يحركه بشويش ويفكر بخويه الي من شهور
ماهو بمثل حاله قبل
لف له وهو ناوي يطمنه:طيب هي كلها ٧ الشهور قلت لي وتكمل٢١
يوم تسلم لها ادارة الشركه بتشوفها اصبر وبتشوف كيف مابها الا العافيه
ناظر له سلطان بتفكير همس: ان شاءالله انك صادق وانه حلم وبس
مد يده ناوي يزيد له من الشاهي الي بالجمر
لكن قاطعه صوت جواله
نزل الشاهي بستغراب وهو يدخل يده داخل الفروه في جيب ثوبه
طلع جواله وهو يناظر بستغراب للرقم الغريب
خفق قلبه لثواني وهو يكذب نفسه"لا تظن وتأمل ياسلطان ماهي هي لاتظن"
سعود تكلم باستغراب:وش بك ماترد ؟
رفع سلطان الجوال بعد ما رد وهو يناظر لسعود لثواني:لانه رقم غريب
عدل جلسته وبشك رد:الوو؟
.....:الوو السلام عليكمم
رد سلطان بستغراب للصوت الانثوي
الغير مألوف له:وعليكم السلام..مين معي؟
نوره:معك نوره يا سلطان
سلطان بستغراب اكثر:نوره؟ مين
نوره بجديه:عمة ريم يا سلطان ...ريم محتاجتك افزع لها طالبتك
فز قلبه من طاري اسمها وبقلق من كلامها:ريم؟ وش بها
وصل له صوت نوره الباكي:ريم تعبانه..تعبانه كثيير
وقف سلطان من مكانه والفروه طاحت من عليه بقلق
وسعود وقف معه باستغراب وهو ياشر له يعلمه وش السالفه
نزل سلطان ياخذ مفتاح سيارته واشر لسعود على النار والعزبه يشيلهم: هدي الحين وعلميني وينك انتي؟؟
اخذت نوره نفس وهي ترد: بمستشفى ال...
ركب سيارته وهو يناظر سعود الي طفى النار ويشيل عزبتهم ويده تضغط على الدركسون بقلق على ريم:طييب يالله سكري هذا انا بجيك
سكر منها وهو يعض على شفته بتوتر
وتفكيير همس بضيق:وش الي صار معك ياريم