ما كان في الحسبان يقوى الهجر أعز انسان//للكاتبة:بنت بلادي

15

البارت الخامس عشر:

&
:
&
بسم الله..استغفرالله.. لاحول ولاقوة الا بالله..سبحان الله
_____

صبّ لي فنجال ضيقك يارفيقي
بشربه عنَك وتنسى كل ضيق

دامك الوافي وميقافك حقيقي
والله ان اطيق لأجلك مالا اطيق..

....
في اعماق الصحراء
نيران ضوهم تتحرك بسبب الرياح
بيده غصن كان بتراب الصحرا موجود
يحرك فيه جمر نارهم لهليله
متدفي بحرارة النار وفروته لافها حوله لكن قاطعه: وش تهوجس فيه
تكلم سالم والي كان جالس بجنبه ومتغطي بروفته من برودة الجو
موجهه سؤاله لسلطان السرحان بلهيب النار
والي انتبه له وبدون لايلتفت : بشغل
تنهد سالم وهو يتراكا على جنب: يا شينه من طاري ابك طالعين
نستانس خل عنك الشغل شوي
قاطعهم سعود الي كان يجمع له كم غصب بلارض: الا ياشينكم انتم
مقابلكم هنا وبالشغل
رفع سالم العصا الي بيده وهو ياشر لاقرب جهه لشارع:شف هذاك هو الخط
شغل سيارتك وامسكه لبيتكم
جلس سعود وهو يسحب فروة سالم بالغصب بغضب ويلفها حوله:على كبدك ماخليك قلها من اول تبي فراقي
سالم والي قام يسحب بفروته:جبها لي رح خذ حقتك بصندوق السياره
رفع سلطان نظراته لسالم وسعود الي يسحبون بالفروه:بس انت ويا
اهجدوو...اشهدنكم بزران متى تعقلون لا تخلوني
اخصم من رواتبكم الحين...
وقفو سعود وسالم سحب بالفروه ونطقو بصدمه:سلاماات...خيرر
عدل سالم جلسته بضيق:اقول استهدي بالله وصب لي من الشاهي
ادري فيك ماتستغني عني
ابتسم سعود بانتصار وهو يلف الفروه حوله: صب لي معه وتذكر
فايدتي لك المفروض تزيد راتبي ماهو تخصم فيه
سلطان ناظرهم بستخفاف ثم وقف مقرر انه يمشي له شوي
ويدخن تاركهم بمكانهم ...
سالم ناظر لسلطان الي راح بعيد شوي:شف سحب علينا
مد سعود يده للشاهي وهو يصب لنفسه:اخدم نفسك بنفسك
سحب سالم فروة سلطان الي تركها:صب لي معك هذا وانا معطيك فروتي
ناظر له سعود بستمتاع:متى؟؟
توسعت عيون سالم بتفاجئ:اقول لاتجحد وصب بس
مد سعود الشاهي الي صبه لسالم ناوي يصب لنفسه ثاني:خذ بس
لا تبكي علينا بعد مب ناقصين
ضحك سالم بستخفاف واخذ الشاهي يرتشف منه
بينما سلطان رجع جلس مكانه وبيده الدخان :جب فروتي الجو بارد
سالم كمل يرتشف من الشاهي :ماسمع ولا ارى ولا اتكلم
سلطان طف الدخان بالتراب بجنبه وهو يطلع جواله
ويتصل على رقم ثم مد يده لسالم بتهديد يعطيه الفروه :الووو
ياهلا بالغاليه...بالبر مع العيال....ايهه
ابشري لاتوصين حريص....هههههههههه لا ماعليك
اي والله وانتي الصادقه....هاه حليو ماهو بشين....يبيله والله اجيبك على يوم......اذا خلصت شغلي تبشرين بأحلى طلعه للبر يأم صالح....اييه....
ان شاءالله...ماني بناسي....فمان الله
سكر سلطان الجوال وهو يناظر لسالم:ماتفهم اقول لك جيب الفروه اخلص
ولاتجلس تتمسكن لي على راسي
وقف سالم تارك الفروه مكانها:خلها لك اصلا انا بمشي للبيت
لف سعود لسالم الي منجده بيمشي:ابك هييهه تعال وخذ فروتك
"لف سالم له ناوي يرجع لكن وقف على كلمة سعود"بعدين امش هههههههههههههههههههه لاتناظرني كذا ماقلت شي
انت الي تبي تمشي محد اجبرك هههههههه وش وشش
قام سعود بسرعهوهو يرفع ثوبه لما حس بخطوات سالم السريعه
والي واضح انه ناوي عليه اليوم وبيرجع مضروب
ابتسم سلطان بستمتاع وهو يرتشف من الشاهي الحار
بينما سعود مدفون بالتراب من سالم
ماتغيرو هذا هم من ايام المتوسط كانت بيوتهم جنب بعض
وحارتهم وحده يروحون للمدرسه على رجلينهم
ويرجعون والثوب معدوم من المضارب الي كانو
يسوونها مع باقي العيال وكل مره ذي كانت حالتهم
اللين وصلو الثانوي وبدا كل واحد فيهم بطموحاته
سالم كان وده قانون وصار محامي
سعود راح مع سلطان ادارة اعمال وكملو مع بعض اللين الوظيفه
مرت عليهم مشاكل وضغوطات وهموم الشغل لكن
رغم ذا كله جلستهم نفسها ماتغيرت...