البارت الرابع عشر:
&
:
&
بسم الله..استغفرالله.. لاحول ولاقوة الا بالله..سبحان الله
_____
الله عطاني من غلاه وعطيته
وغيره بغى مني ولانيب معطيه
قالوا هويته قلت ايه هويته
قالوا تركته قلت ماني مخليه
....
مرت ذيك الليل بسلام على ريم
ولأول مره بعد فتره تنام بدون تفكير او حاجه لحبوب منومه
بين احضان من كان ولا زال مصدر أمانها سلطان
باليوم الثاني
أصرت ام رائد فيه انه يبقون لين الليل
لانها بتسوي عشا لريم ومن بعدها طلعو للمطار
ومثل ماوعدها على اطهر بقاع الأرض مكة المكرمة
خرت ريم ساجده أمام اعظم مكان ومشهد
بكت لربها شاكيته من الي ظالمينها
دعت للغالين عليها والي راحو تاركينها بالدنيا
دعت لنفسها ولتشتت تفكيرها ومانست سلطان من دعائها
بينما هو ترك لها مساحتها الخاصه على راحتها
اللين حست بانه همها راح واحسن من قبل بكثير
اخذت من ماء زمزم وطلعو بعد عمرتهم للفندق
واقفه بالمطبخ بعد ما مرو السوبر ماركت
اخذت مكونات الباستا ناويه تسويها
بعد مارفضت انه سلطان يطلبها من مطعم تحبها من ايدها
دخل سلطان للمطبخ الخاص بالفندق وجلس يناظرها
بتدقيق كيف تطبخ تراكا على كف يده وهو يلاحظ
طريقة قصها للخضار وشوي تروح تحرك الباستا المسلوقه
تذوق حبه تتأكد اذا صارت جاهزه ابتسامته تشكلت بهدوء
على ملامحه وجهه بكل مره تدهشه ابد ماكانت ريم
الي توقعها بتكون لما تكبر: ماشاءالله لاحظتك تعرفين تطبخين
رفعت ريم الباستا على جنب بعد ماخلصت:اي علمتني
ناظر لها سلطان بتأمل :مين
ريم خلطت المكونات مع بعض الخضرا والباستا مع الكريمه
الي سوتها سكتت لثواني ثم ردت عليه:الدنيا..
لفت له وهي تحط عينها بعينه قبل ترد تكمل الطبخه:لاتظن اني على خبرك
لو هذا ظنك فتراك غلطان
بعد يده الي كان مراكي وجهه عليها وبجديه:ريم
قصرت على النار وهي تناظر الباستا ردت بهدوء:نعم
تقدم سلطان منها وسحبها من يدها لجهة الطاوله الرخام ثبت يده
حول خصرها ورفعها يجلسها عليها تحت نظراتها المستغربه
راكا يدينه حولها بينما وجهه
قريب من وجها وعينه بعينها تكلم بجديه:عمر الانسان ماكانت حياته
مليانه سعاده ولا مليانه حزن...
لنا نصيبنا في هالدنيا من السعاده والحزن
الدنيا عسر ويسر ثم عسر ويسر مافي شي دايم
والتعب والتجارب السيئه هذي كلها حولتك لريم اقوى
لريم تعتمد على نفسها مو على الناس لانسانه ماراح تحتاج بيوم
لشخص بتقدر تشيل نفسها بنفسها انتي بنظري
انسانه كامله والكامل الله نظرتك للي مريتي فيه
خليها نظره ايجابيه قولي اي انا مريت بذا كله
عشان اتعلم اعتمد على نفسي واعرف اشيل نفسي بنفسي
ولما اكبر انا الي بستفيد من ذي الخبرات كلها
تدرين في الي بعمرك بيضه ماتعرف تكسرها؟
معتمده على الي حولها هالشي ماهو نافعها الا ضارها
لكن انتي غير ريم رغم الي مريتي فيه مافكرتي بطريقة سلبيه
حاولتي تعتمدين على نفسك ذا كله يدل على انك قويه
وانا افتخر انه هالانسانه الي قدامي هي حرمتي
وباذن الله" ابتسم بحب للي طرا على باله" أم لعيالي
ناظرت ريم له والابتسامه زينة وجها على كلامه
وغمازاتها الي اعتاد سلطان قبل يشوفها ردت لمكانها: كلامك حلو كثير
ماجا ببالي بيوم اشوف الموضوع من هالناحيه ابد...
بعد عنها وهو يرد ينزلها علأرض:أجل شوفيها كذا دايم
ويالله تراني ميت جوع
ناظرت بخجل ليده الي كانت لحد الان على خصرها
بعد مانزلها عن الرخام:طيب ابعد اول
بعد سلطان يده اول مانتبهه لها :احمم طيب انتظرك
كتمت ضحكتها بعد ماطلع من المطبخ وهي تتذكر كلام بنات اخوانه انه نفسيه ومايبتسم :هههههه حرام عليهم والله طلع مو نفسيه لازم يشوفونه
وهو كذا منحرج
VOCÊ ESTÁ LENDO
ما كان في الحسبان يقوى الهجر أعز انسان//للكاتبة:بنت بلادي
Romanceرواية : ما كان في الحسبان يقوى الهجر أعز انسان للكاتبة: بنت بلادي مكـتمـلـة
