ما كان في الحسبان يقوى الهجر أعز انسان//للكاتبة:بنت بلادي

29

البارت التاسع والعشرين :

&
:
&
بسم الله..استغفرالله.. لاحول ولاقوة الا بالله..سبحان الله
_____

محدٍ يخليني على مفرق طرق
‏انا الطريق من اوله لين آخره ..

......
بعد مرور اربع ايام
جلست فيه ريم مع سلطان بالمستشفى رغم
الرسايل الي كانت توصل لها من اعمامها تجاهلتهم
بقلق من انه سلطان يعرف بالموضوع
وانشغلت فيهم اماني بتجهيز لملكتها مع امها
بينما باقي البنات كانو مصدومين من خبر الملكه المفاجئ
باركو فيه لاماني وراحت كل وحده تلحق عمرها وتتجهز
في بيت ابو رائد
طلعت اماني من الحمام لابسه قميص علاق
وشورت علت صوتها بسبب صوت الاغاني:بنااتت
وين المرطب حق الوجه حقي مالقيته
لفت لها دانه وعيونها مدمعه تحاول تلبس
العدسات: تعالي عنديي هناا..
تنهدت اماني وهي تناظر للبنات اولا لدانه الي
ماخذه مكانها بتسريحه تحط ميك اب ولمى الي على السرير
ماخذه مرايتها ناويه تبدا بالميك اب وساره بلارض
تستشور شعرها وعند المرايه الطويله كانت فرح
والي تحط ميكبها وتغني: انا بفهمم منو الي بتملك
انا ولا انتوو....وش ذي العفسهههه
رفعت لمى راسها لها وهي تقصر على صوت اغنيتها:حبيبتي
ملكتنا قصدك... كل شي لك يعني لنا
وبعدين نسوي لك تعزيز عشان تتحمسين وانتي تتزينين
ملل اذا كل وحده بتتزين ببيتها وتجي للملكه قلنا
نجي لك نونسك يا بعد قلبي انتيي يا عروسه
ضحكت اماني بارهاق منهم: مامنكم فايده..طيبب
سوي لي مكان بجلس عندك اضبط الميك اب
بعدت لمى تاركه لها مجال:فضل فضل بيت ييتكم
جلست اماني وهي تسحب المرطب وتقرب
من المرايه بهمس وهي مندمجه:اكيد بيتنا
طولت لمى على صوت الاغاني وجلست تكمل
بينما فرح قربت لدانه اختها:دودو حبي وين
الكونسيلر ذاك الحلو الي حطيتي منه قبل
رفعت دانه الكونسيلر لها بدون لاتلتفت وهي تسوي
بالماسكارا : هذا قصدك..؟
اخذته فرح:ايواا ذا..والله فنان يغطي عدل
ردت دانه ولي كانت مندمجه للاخر بعد ماخلصت
من المسكارا وانتقلت للايلاينر:ايي فعلا هو ونارس
تركتها فرح راده لمكانها تكمل ميكابها
عند ساره والي كانت الي الان تسوي
بشعرها :لمى اول ماخلص تعالي ضبطي
لي الكيرلي من تحت...
تنهدت لمى بانزعاج وهي تركب بالرموش:ساره
مو منجدك ترى تعبت سوي انتي...
ساره بقهر: حبيبتي ماعرف وبعدين اليوم مناسبه
مو يوم عادي اخاف اجرب ومايضبط..
لمى صدع راسها من تذمر اختها: طيب طيب خلاص
بس اركب الرمشه الثانيه واسوي لك
داهمتهم ام مشاري ببتسامه : السلام عليكم
"زادت ابتسامتها لاماني" ياهلا ياهلا بعروستنا
وقفت اماني بحراج وهي تسلم عليها: هلا فيك عمه
ردت تجلس تحت مدح ام مشاري: عز الله انه
تنقى الزين واختاره...الا ماخلصتو انتم..؟
ماباقي شي ويملكون...
لمى اخذت الهايلايت وهي تحط فيه:عمه بنخلص والله
ماعليك في وقت...
ام مشاري بعتب وهي ناويه تطلع:والله مدري عنكن
انا بروح وانتن كيفكن...
طلعت ام مشاري مسكره الباب وراها
تاركه دانه لفضولها: الا صدق امون
اماني:هممم
دانه لفت لها:حطي عينك بعيني
واعترفي انا لحد الان مو مصدقه موضوع انه
سالم خوي عمي خطبك كذا قولي الصدق صاير شي
ناظرت لها اماني بصدمه:لا طبعا...على كيفك
ماصار شي قلت لكم قبل يومين..لما
صار موضوع البر وضاعو كنت اروح مع
ريومه للشركه ولانه ماكانت متاكده من شغلها
اودي ل احمم سالم الملفات يتاكد منهم اكثر
فا اتوقع وقتها يعني يمكن..يووه....
وش بكم كلكم تناظرون ترى استحييي
فرح:هههههههههه بعدك ماجاك شي
لمى وهي شافه الابتسامه:الله حركاات رومنسيه وكذا
ساره:ام الرومنسيه تعالي يالله خلصت سوي شعري
دانه:اماني عاد بعدين اذا اعرستي دلعيه
قولي سلوميي...حبيبي عمريي..جربي عندنا
غطت اماني وجها بحراج:لاا طبعاااا مو منجدك
تخصرت دانه لها:حبيبتي اجل وش ليكون
بتقولين سالم كذا حاف..خبله عاد انتي من الله
كيوت ونعومه مفروض تكملينها بدلع مره يليق عليك
لمى والي كانت تسوي بشعر اختها:ايي اتفق
يمكن انا ودانه الله يستر علينا ههههههه مدري كييف
بنتدلع بس انتي اماني من الله دلعك رباني
اماني هفت على وجها بحراج:طيب خلاص هههه
وصل مدحكم اسكتو وكملو تزيين..
تركت لمى شعر اختها:شوفي كذا تمام سويت لك
مثل ماتحبين بس من تحت كيرلي
ناظرت ساره بتدقيق للمرايه:ايوا كذا تمام
وقفت لمى وهي تنزل الفير:بنات انا خلصت
بروح اطلع فستاني واللبسه...
دانه نزلت الروج:اخذيني معك خلصت بعد
اماني:ماشاءالله عليكم انا باقي عند الايلاينر
فرح:معك معك امون عند رسمت الحواجب..
رفعت اماني جوالها بتوتر بعد ماوصلت لها
رساله من رائد اخوها:"عالبركه ملكتي رسمي"
صرخت اماني برعب: بنااااتتتتتتت
لفت فرح لها مع ساره:وشش
بينما لمى طلعت من غرفة التبديل ومعها دانه:بسم الله
لمى:وش بكك
رفعت اماني راسها لهم ويدها ترجف:م م..
صرخت لمى بحماس:ملكناااااا..اقصدد ملكتييي...!؟؟
اماني عضت على شفايفها يتوتر:يمهه اييي
قاطعهم الباب الي انفتح ولولشت ام رائد
ابتسمت اماني بخجل وهي تبادل امها الحضن:الف الف
مبروك يا نظر عيني انتي....
ردت بحراج:يبارك فيك يا يمه
بعد امها عنها بفرح: ياعمري عمرك..
لفت للبنات بتنبيه:انا وامهاتكم تحت
استعجلو نبي نرقص ونستانس..
لمى:ابشري يا عمه انا ودانه الحين بننزل
ساره: انا بعد معهم..
ام رائد وقفت عند الباب قبل تطلع:يالله ننتظركم
ماقدرت اتحمل يوم يبشرني اخوك قلت
لازم اجي ولولش لك فوق...
طلعت ام رائد تاركه البنات والي هجمو عليها
يحضنون فيها ويباركون لها
بعدت دانه عنها: ياحليلك يا امانيي والله وكبرتي