ما كان في الحسبان يقوى الهجر أعز انسان//للكاتبة:بنت بلادي

12

البارت الثاني عشر:

&
:
&
بسم الله..استغفرالله.. لاحول ولاقوة الا بالله..سبحان الله
_____

مرحبا ياغاية الروح يانور الحياه
جعل قلبٍ مايحبك يموت من القهر

افهم ان البعد شين ومقابلتك غناه
ولا فقدتك يوم واحد علي كنه شهر

انت تقدر تفرح صدور وتضحك شفاه
وانت تقدر تجعل العين يعميها السهر

....
اليوم الثاني
بعد العصر
في بيت ام مشاري
تقدمت دانه وبيدها البخور تنفخ عليه
اللين يجمر شوي:يمهه وين البخور الي بتحطينه المبخر معييي
راحت لها ام مشاري الي كانت تعدل بشكل الجلسه: جايبتن بخور
يهووول ريحته حلوه بحط منه
دخلت فرح والي كان معها المويه البارده والكاسات وهي تحطهم على جنب:يمهه تكفين اول بشوف ريحته لايجي ريحة عجايز
ردت ام مشاري بضيق:لييه وش فيها ريح العجايز احسن من بخوركم"وهي تقلد اسماء بخورهم بسخريه"لافندر ومدري وشو
فرح تخصرت بقهر بينما دانه مرت بجنبها
طالعه بستعجال:يمهه والله لافندر حلو حطي مكس مع الملكي يجي يجنن
طلعت ام مشاري بخورتها وهي تحطها بالمبخر
وتنفخ عليه بتسليك لبنتها:اييه ايييه حلو..روحي جيبي الشاهي
والقهوه هذا هم وصلو حريم عمانك وجدتك والعروس بتجي اكيد بعدهم
دخلت دانه وبيدها الحلا والفطاير الي طالبتهم وهي تصفهم
وترتب فيهم:يمهه شوفي ذا الي طلبته حلو؟
لفت ام مشاري وهي تمشي بالمبخر حول المجلس:ايواا هذا هو حلو
قامت دانه:خلاص اجل انا بروح اللبس
لفت لفرح الي كانت تعطر:اخلصي وتعالي معي اللبسي
لفت لها فرح المندمجه بتعطير:طيب...
وقفت ام مشاري بعد ماتأكد من كل شي
وخاصه الذبيحه الي جايبتها للعشا على شرف ريم حرمة سلطان
تناظر بكشختها اللين قاطعها صوت الباب:فرح..
روحي شوفي اكيد حريم عمانك وصلوو
لفت فرح لامها وبيدها العطر بصدمه:يمه وشوو افتح لهم
وشكلي كذا مبهذل ... بروح اللبس وبنادي لك الشغاله تفتح لهم
تركت فرح العطر طالعه من المجلس بستعجال:سيتااا افتحي باااب
ناظرت لها ام مشاري بنتقاد:الحمدالله وشكر

.......
بعد المغرب
واقفه وبيدها المبخر
لابسه فستان احمر ضيق من الخصر اللين نص الساق
فتحت الصدر سبعه الكمام طويله ونازله من الجنبين
والكعب المرتفع تبخر شعرها على طوله ستريت الا بنهاية كيرلي
نزلت المبخر وهي تعدل شكلها وتتأكد من الميكب الناعم
ركزت على انها تزيد الهايلايت بس يبرز ملامح وجها
مدت يدها تعدل عقدها الذهب الي على نحرها
سحبت عبايتها السوده سوادها كان حلو ويجذب
بعد مابخرتها ولبستها ثم الطرحه والنقاب
اخذت شنطتها وهي تلبسها
رجعت على ورا تتأكد من شكلها برضا
طلعت بعد ماسكرت النور نازله لسلطان الي ينتظرها
تروح لعزيمة زوجة اخوه ام مشاري
طلعت وهي تناظر لسلطان الي كان بسياره
ومرسم بالشماغ والثوب والساعه الي كانت بيده
رافعها يعدل نسفته بتدقيق بنظراته للمرايه
تناظر له بسرحان كالعاده يسحرها بهيبة طلته
نزلت راسها بخجل بعد ما انتبه لها تناظره وهي تنزل رايحه له
دخلت بهدوء:تأخرت عليك..؟
حرك سلطان السياره بعد ماتاكد انها سكرت الباب
وهو يناظر للمرايه يرجع على ورا تحمحم: لا...
بينما كان متوجهه لبيت ام مشاري القريب منهم
حطت ريم رجل فوق رجل وهي تعدل عبايتها
وشنطتها بجنبها خلتها
جذب انظاره الخلخال الي كان فوق كعبها
واظافرها بلون الاحمر ماسكه شنطتها وتضرب باصبعها
عالخفيف فيها بتوتر واضح له:متوتره..؟
لفت له ريم بانتباه:وش
ناظر لعيونها المكحله ثم لطريقه:اقول متوتره منهم؟؟
ابتسمت ريم بهدوء وهي تلعب بخاتمها:لا مين قال
وقف قدام بيت اخوه وهو يلف لها بتدقيق:متأكده؟؟
رفعت انظارها له بتأكيد بعيونها الي جذبته بنظراتها الحاده:ايوا..
ابتسم سلطان بهدوء لشخصيتها الي صايره تعجبه وكثير :طيب...
هذا هو البيت اذا خلصتي اتصلي اطلع لك
فتحت ريم الباب وهي تنزل بشويش وقبل تسكر الباب:سلطان...
لف لها سلطان باهتمام:نعم..
ردت بسرعه واحراج:كنت متوتره منك مو منهم..
سكرت الباب وهي تمشي بهدوء عكس الي قالته اللين دخلت
تحت نظرات سلطان المصدومه :ههههه ليه طيب
بينما ريم
دخلت عند باب الاستقبال وهي توقف قدام المرايه تفتح
نقابها باحراج تهوي بيدها على وجها الاحمر همست:له وجه يسأل
متوتره ...انا زين ما مت امس..
ناظرت للباب الداخلي بوهقه:الحين كيف ادخل من هنا ولا وشوو
ردت ناظرت عبايتها والطرحه الي مانزلتهم فقط النقاب
بتفكير رفعت جوالها بهمس:يوهه حتى ماعندي رقم خالتي
عضت على شفتها بتفكير واحراج:يعني لازم اتصل عليه اوف
رفعت جوالها وهي تدخل لرقم سلطان
مسميته بأسمه لحد "سلطان" ماعرفت وش تكتب غير كذا
اخذت نفس وهي ترفع الجوال ثواني وصلها صوته الي
اللتمست نبرة الخبث فيه:مايصير كذا تقولين شي بدون السبب ...
وش سويت انا...؟
بعدت الجوال بصدمه وهي تناظره ثم رجعته
باحراج وبدون لاترد على سؤال:سلطان ممكن تتصل بخالتي
تقول لها اني انتظرها ماعرف وين ادخل بضبط...؟
وصل لها صوته:الحياة اخذ وعطاء..
ناظرت لظافرها بتوتر:طيب.؟
رد سلطان بخبث:ردي على السؤال وانا اتصل على امي وقتها
همست ريم باحراج:سلطان وش بك ماهقيتك كذا..
سلطان بستمتاع رد:وش سويت انا..؟
بعدت ريم الجوال وهي تسكر بوجهه بحراج اخذت نفس
وهي تعدل شكلها وتناظر للباب ناويه تدخل والي يصير يصير
لكن وصل لها صوت مسج
رفعت الجوال وهي تشوف رقم ام صالح الي ارسله لها سلطان
ابتسمت برضا وهي تدخل وتخزن رقمها عندها
ارسلت لسلطان"شكرا"
اتصلت برقم وهي تنتظر ثواني اللين وصل لها
صوت ام صالح وواضح عندها سوالف الحريم:الوو
ردت بخجل:هلا خ..يمه معك ريم
ام صالح:ياهلا ياقلبي انتي
شدت ريم على شنطتها وهي تناظر للباب:انا واقفه عند المدخل
ولا عارفه وين ادخل بضبط
ام صالح:يالله هذي هي دانه بنت ام مشاري الحين جايتك
ريم:ان شاء الله..
بعدت الجوال عنها وبس سكرت وصل لها صوت مسج سلطان
"مابيننا سوالف الرسميات ذي الشكر والعفو الله يرحم ذيك الايام بس.."
ابتسمت بهدوء على دخلت دانه:سلامم..
رفعت راسها وهي تسكر الجوال
وتقدمت تسلم على دانه:وعليكم السلام
دانه:اخبارك
ردت ريم والي الي الان تسلم:الحمدالله تمام اخباركم انتم
بعدت دانه عنها ببتسامه وهي تناظر بملامحها:اخبار خير
تفضلي حياك
ريم بستفسار:بس بنزل عبايتي هنا او داخل؟
دانه:لا هنا عادي المدخل لمجلس الحريم سيدا
ريم وهي توقف وتنزل الطرحه والعبايه:تمام...
تقدمت دانه لها :عطيني اعلقهم لك داخل
مدتهم لها ريم
وهي تاخذ شنطتها وتدخل الجوال:بتعبك معي
مشت دانه ومعها ريم:لا عادي
دخلت ريم مع دانه للمجلس الي كان مليان :السلام عليكم
مشت بهدوء تسلم على ام صالح :ياهلا بالريم
ابتسمت بهدوء وهي تسلم على ام مشاري:ياهلا والله معك ام مشاري
ردت ريم السلام ببتسامه:ياهلا فيك
كملت سلمت على ام ماجد ومن ثم ام رائد
وانوار والي عرفت انها اخت سلطان ومن ثم البنات الباقي
وكل وحده تعرفها على نفسها
بينما نظراتهم اكلتها بتدقيق لتفاصيلها كا شخص جديد عليهم
سحبتها ام صالح وهي تجلسها بجنبها بصدر المجلس
بينما اماني تقدمت وبيدها الفنجان والقهوه
مدت ريم يدها وهي تاخذ الفنجان:تسلمين..
نزلته بحضنها وهي ترد ببتسامه على ترحيبهم
ام مشاري:تو مانور بيتي ياريم
ردت ريم بخجل:منور بأهله
مسحت ام صالح على ظهر ريم بحب وهمس:شلون سلطان معك
ناظرت فنجانها بحراج:الحمدالله..
ابتسمت ام صالح بهدوء بينما ريم مدت يدها لفرح الي بيدها الحلا
ارتشفت من قهوتها وهي تستمع لسوالفهم وتناظر لهم بتدقيق
وترد عليهم ببتسامه واختصار اذا كلموها
مرت ساعه بين سوالفهم بعضها الي يضحك
والبعض يحمس نقاشاتهم كثيره لكن اجوائهم كانت مليانه فرح
غير كثير عن الي كانت بينهم نفسهم كانت بشوشه
هذولي اهلك يا سلطان...تنهدت بضيق
صحيح ماعاشت بين اهل من كانت صغيره
وكانت امنيتها تعيش هاللحظات...لكن الي جربته
كان عكس الي تبيه..كثير
قاطع سرحانها صوت دانه
الي جلست بجنبها:ياحلوه وش رايك تجين نجلس داخل
ناظرت لها ثم للبنات الواقفين ناويه يروحون للمجلس الداخلي
يناظرونها ببتسامات
لكن قاطعتها ام صالح:وينك ماخذتها
وقفت دانه وهي تسحب ريم توقفها معها:جده سوالفكم سوالف عجايز
زين مانامت عليكم بندخل نسولف داخل معها
ام صالح مسكت بريم:اقول حرمة ولدي ابتمقل بزينها خليها عندي
شدت دانه على ريم وهي تتصنع الهمس:جده وش بك والله كذا
من الملل بكرا تنحاش من عمي سلطان المسكين عاد يووه ماصدقنا اعرس
ام صالح:يويليي الا بتنحاش من سوالفكم الماصخه
ناظرت لهم ريم بصدمه وهي ماسكه ضحكتها:يمه اذا تبيني
بجلس معك
تخصرت دانه:ماشاءالله يمه وحركات
ناظرت ام صالح لريم وبحب:لا وانا امك روحي مع البنيات تونسي معهم
"ناظرت لدانه"وانتي العقل هالله هالله لاتفجعن البنت
مشت دانه وهي تسحب بريم بهدوء:ماعليك جده لاتوصين حريص
دخلت ريم مع دانه
للمجلس الي البنات كانو فيه
وقدامهم عصاير والحلا وجالسين جلسه ارضيه
لمى:حيالله عروستنا
نزلت ريم كعبها وهي تجلس ببتسامه:الله يحييك
اماني صبت عصير:ريم تبين واحد
ناظرت للعصير:ايي والله ياليت
مدت لها اماني واحد وكملت تصب لنفسها:مين يبي
ساره:انا عطينيي
ناظرت ريم ل لمى ودانه بتدقيق صوتهم كان مألوف لها
قاطع تدقيقها انوار اخت سلطان:ماشاءالله ياريم
تهبلين.."غمزت لها"سلطان طاح على شي زين
ابتسمت ريم بحراج:شوي من زينك
ساره:فوق الزين لسان حلو راح عمي سلطان
ابتسمت بهدوء على ضحك البنات وحشهم بسلطان
اماني:عاد عمي سلطان معروف عندنا نفسيه
ناظرت لهم ريم بستغراب:صدق..؟
اماني وهي ترشف من العصير وبتأكيد:ايوا من جدك مسبب لنا رعب
ناظرت ريم للعصير الي بين ايدها صحيح زمان كان كثير
تصير مواقف بينها وبين سلطان ومايقصر فيها
بس ماكان نفسيه كثر ما انه كان يترادد معها
وهي ماتقصر وقتها لسانها وش طوله
وصل لها صوت دانه بخبث:الي ماخذ عقلك يتهنى..
رفعت ريم راسها بحراج:هههه لا معكم
لمى اخذت حلا:اييه واضح
فرح:الا صدق انتي بالجامعه صحيح؟
ريم:ايوا
انوار:ماشاءالله وش تخصصك.؟!
ريم :ادارة اعمال
اماني:ايوا صح قال عمي سلطان مره تمسكين شغل الشركه
الله يعينك اكيد لازم تدرسين لها
ريم بضيق ماكان ودها تدرس وتمسك شركه مو هذا حلمها:ايي لازم
دانه بفضول وهي تاكل فصفص:بالله ريم بما انك تعرفين
عمي سلطان من قبل ماعلي صارحينه انتم متزوجين
عن حب صح..؟؟؟
ضربتها انوار يعتب:هيه اعقلي امي وش قالت لك
تحت نظرات ريم الي متفاجئ من سؤال دانه
بينما البنات يناظرونها بفضول قاطعهم دخول سلطان:ماشاءالله
مستلمين حرمتي تحقيق انتم ولا انا اتخيل..؟
لفت ريم تناظر له بحراج بينما هو تقدم بهدوء وهو يجلس
بجنبها وبجديه:ايوا وش تحشون فيني بعد
سكتو البنات وكل وحده تعدل جلستها
تحت نظرات ريم لهم بينما سلطان اخذ العصير الي قدامه
همس لريم:حقك؟
ناظرت له بستغراب:اي
مد يده للعصير وهو يزيد منه ويشرب شوي:كملو وش بكم سكتو
ضحكت ريم بداخلها على وضعهم تذكرت ايام
لما كانت تخاف من سلطان
دانه تجرأت وهي تتكلم بينما انوار قتلتها بنظراتها والبنات مصدومين من جرئتها مع عمهم سلطان:كنا نسأل اذا تزوجتو عن حب
نزل سلطان العصير وبجديه:طيب وش دخلك انتي
ردت دانه بصدمه:هاه
سلطان :اقول وش دخلك بخصوصياتنا
ناظرت له دانه بضيق وهي تهمس قاصده يسمعها:صدق نفسيه
نزلت ريم راسها تحاول تكتم ابتسامتها بفشل
تحت صدمة سلطان من دانه:اقول تراني عمك لاتنسين
ردت دانه بضيق:صدقني ماراح انسا وانت تذلني عليها بكل مره
اخذ سلطان من الحلا بغير اهتمام وهو يمد لريم منه:تبين
مدت ريم يدها باحراج وهي تاخذ حبه
قربت وهي تهمس له:تبي الصدق
ناظر لها وبهمس:وش
ردت همست وهي تتصنع الابتسامه:تراك نشبه ماتخلي البنات يسولفون
على راحتهم
لف لها بصدمه:امداهم خلوك من حزبهم ترى ذولي متعاونين علي
ضحكت لمى بستمتاع:شكلنا هكرنا حرمتك
مسح سلطان يده بالمنديل:ماهو من زين جلستكم بقوم اخدر لي
شاهي على الجمر مع الشباب احسن لي
دانه ردت بعناد:الزين عندنا والشين حواليينهه
سلطان والي كان واقف عند الباب ابتسم بخبث:اكيد قصدك بعندنا حرمتي وحولكم مايحتاج اقول
وطلع على ضحك البنات بينما دانه منصدمه
كتمت ريم ضحكتها بينما كانت تناظر سلطان الي طلع وهي
متاكده بداخلها انه نيته يتطمن على الوضع عندها ويطلع من الاول
فرح:ريم تعجبيني والله كيف كذا خليتيه يمشي وش قلتي له
ريم ناظرت لفرح :امم قلت له انه نشبه هههه
ناظرت لها لمى بصدمه:اوف هههههههههههه كيف ماخفتي
ردت ساره قبل ريم:حبيبتي قال هي الزين وحنا الشين تبين يعصب عليها
لمى بحسره:اي والله..اخ لو تدرين وش كان يسوي فينا قبل
ردت ريم بفضول:وش
على ضحكت انوار ونظرات البنات لها بقهر
لمى وهي تعدل جلستها:الله يسلمك قبل يوم كذا اعمارنا ١٠ ولا ٨ سنين
تعرفين كذا اعمارنا متقاربه فا نلعب وكذا وصراحه كنا كثير
مغاميرات كانت وقتها عمتي انوار عمرها ٢٠ كذا تقريبا
وعمي سلطان ١٤ كانت جدتي تطلع للعزايم مع امهاتنا
وتخلي عمتي انوار اشراف علينا ويووه لاتشوفنيها
دلوعه وتغث كانت وكله تصرخ علينا اسكتو ازعجتوني
تبينا مانلعب وتتابع مروقه
قاطعتها انوار بضيق:حرام عليك والله كنتم مزعجيين مره
لمى بزعل:اشش لاتبررين..المهم ويجي يوم قررنا ننتقم منها
قام وليد اخوي كان صغير معنا جاب صرصور ميت
وحاصرناها بزاويه يقال يعني ننتقم ليش تسكتنا وتجلسنا مانلعب
شهقت ريم بصدمه:يمهه حرام عليكم
ردت دانه:والله عاد كنا بزران لاتلومينا
لمى:خلوني اكمل..المهم وتجلس تصيح وتبكي وتتصل بعمي سلطان
اخخ ياريم ذاك اليوم ما انساه دخل علينا وعمتي انوار
راحت تتخبى وراه وهو يقوم ويقفل الباب ويسحبنا وحده وحده
و وليد معنا وقال لعمتي تجيب حبل وربطنا بطرف الكبت
ضحكت ريم :هههههه تبين الصدق زين يسوي فيكم
دانه :اقول سالفتك ذي ولا شي اسمعي مني تعرفين وش كثر
كان معذبنا في مره كنا نلعب مصارعه طيب
وكان وقتها عمره ١٦ وحنا بين١١ و٩ كذا يعني نص بزرات
ونص بداية مراهقه لكن نعتبر صغار عمتي انوار كالعاده
كانت اشراف علينا ومعها اللاب حقها على ايام المنتديات والشات
تسولف مع خوياتها وقامت تصرخ علينا وازعجتوني وبس
عاد تبين الصدق البيت ماكان فيه احد
تعاونا وانتقمنا وربطناها مثل مانربطنه قبل لكن قبلها تصارعنا معها
وتقعد تصيح مره ثانيه ومدري كيف فكت الحبل وتتصل على جدتي
وهي تصيح انا تعبت خلااص شوفو عيالكم
عاد جدتي وش سوت؟
ريم ردت بحماس:وش سوت
دانه:اكيد اتصلت على بوديقارد عمتي انوار سلطان
ويجي وهي تجلس تصيح عنده يووه كانت تغثنا قبل ويوم علمته
اخذنا لغرفته وقال انه بيلعب معنا ولما دخلنا تخيلي هو جد
لعب معنا لكن مصارعه اكلنا ضرب ذاك اليوم الله لايوريك
من ذاك اليوم مانسميه غير النفسيه مغير يكفخنا ويربط فينا
والله كنا مسكينات
ردت ريم بضحك:هههههه مره ماشاءالله..عاد تبين الصدق
انا قبل هم ماكنت اسلم منه
ناظرت لها دانه بحماس وبجنبها لمى:احلفي سولفي وش
تحمحم ريم وهي تتذكر ذاك اليوم:طبعا سلطان لما كان عمري١٥
مره كان يزعجني يتحكم في روحاتي وطلعاتي وكله يعلم جدتي
لاتسوي كذا او كذا وترى ماهو زين
وفي يوم خوياتي يبون يطلعون بعد المدرسه مع سواق وحده منهم
وانا ادري جدتي ماراح ترضا قمت طلعت من وراهم
وتاخرت برجعه وعرفو قامت جدتي علمت سلطان ومدري كيف
عرف مكاني يومها اكلت تهزيئه محترمه منا يووه ما انساها
ناظرت لهم كيف يناظرون لها وعيونهم قلوب حب:هههه وشوو
لمى:اخخ من الحب من ايام الثانوي اثاري مخطط عليك
مايبيك تروحين وتجين بروحك
دانه:يوه بسس الله يرزقنا
ضحكت اماني على بنات عمها:هههههههه بس يا مشافيح
ابتسمت ريم بخجل:وين يحب الا قولو يكرهني كنت اغثى وقتها
قاطعتها فرح:لا ماتوقع لو يكرهك ماهتم لك وقتها
صدقيني عمي واعرفه مير هو ماكان مستوعب نفسه وقتها
ابتسمت ريم بتسليك وهي بداخلها متاكده وش كثر
كان بنظرها يكرها ولحد الان كل الي ببالها انه تزوجها شفقه
لا اكثر ولا اقل
قالو يحبك قلت لاتظلمونه
قالو يبيك وقلت يا ناس تكفون