ရှောင်းကျန်း || မြန်မာဘာသာပြန် ||

Chapter 8

|| Unicode ||

အပိုင်း ၈ - သူ၏ ဤကဲ့သို့ ပြောသမျှ အယုံလွယ်တတ်သူတစ်ဦးနှယ် တွေးခေါ်ပုံမှာကား တင်းကျိအား အင်မတန် ရင်ထဲထိသွားစေသေးဆဲ။
____________

တင်းကျိ၏ ခန့်မှန်းမှုက သူ့ကို နှလုံးခုန်နှုန်းတို့ စည်းချက်တစ်ချက် လွဲသွားစေခဲ့သည့်တိုင် လင်ဝူယွီက တင်းခံနေသေးဆဲ။

"မင်း တွက်ကြည့်လို့မဘူးလား"

"မမေးဘဲနဲ့ ငါက ဘယ်လို ခန့်မှန်းလို့ရမှာလဲ"

တင်းကျိသည် သူ့ကို ကြည့်ကာ အချိန်ခဏကြာသည်အထိ စောင့်နေခဲ့သော်လည်း လင်ဝူယွီက မည်သည့်စကားမှ ဆိုမလာခဲ့ပေ။ သူက ကျစ်တစ်ချက်သပ်လိုက်သည်။

"ကောင်းပြီလေ။ ငါ တွက်ကြည့်မယ်"

ထို့နောက် သူက ကောင်တာမှ ဘောပင်နှင့် စာရွက် သွားတောင်းသည်။

".... မင်း အခု တွက်တာက"

လင်ဝူယွီက သူ့ကို ကြည့်လိုက်သည်။

"ဖော်မြူလာတွေ သုံးဖို့ လိုတာမျိုးလား။ ဘောပင်နဲ့ စာရွက် လိုတာလား"

"ငါ့ကို လာမနှောင့်ယှက်နဲ့"

တင်းကျိက ပြောလိုက်သည်။

"အွန်း"

လင်ဝူယွီက အင်းသံ တုံ့ပြန်၍ ဘီစကစ်သေးသေးလေးတစ်ချပ်ကို ယူကာ ဖြည်းဖြည်းချင်းစားနေလိုက်သည်။

တင်းကျိက စာရွက်ပေါ်၌ မျဉ်းကြောင်းများ စဆွဲလေ၏။ လင်ဝူယွီ တစ်ချက်ကြည့်လိုက်တော့ သူက ဂမ္ဘီယ ၈ စိတ်အကွက်* ရေးဆွဲနေခြင်းဖြစ်ကြောင်း သိလိုက်ရသည်။ မည်သည့်အကွက်အမျိုးအစားမျိုး ဆွဲနေကြောင်းကို အတိအကျမဆိုနိုင်သည့်တိုင် တင်းကျိက အလိမ်အညာတော့ အတော်လေးတော်လှသည်ဟု တွေးလိုက်မိ၏။

"ငါ့အဘွားသာဆို မျက်လုံးလေးတစ်ချက်မှိတ်လိုက်ရုံနဲ့ ရတယ်။ ငါက ဝါသနာရှင်အဆင့်ပဲမို့ ပုံကြမ်းတစ်ခု ဆွဲဖို့လိုတယ်"

ခဏအကြာ၌ တင်းကျိက ဆွဲ၍ပြီးသွားခဲ့ပြီး စာရွက်ကို ခဏမျှ စိုက်ကြည့်နေခဲ့ပြီးနောက် မော့ကြည့်လာခဲ့သည်။

လင်ဝူယွီသည် ဘီစကစ်ကို ပါးစပ်ထဲ ထည့်လိုက်ပြီး အနည်းငယ် စိတ်ဝင်တစားနှင့် မေးလိုက်၏။