#عشق_طفولتي

البارت الاول

#؏ــشق_طفولتي
البارت الاول
سراج مواليد 1987
من سكنه بغداد
حالياً بسنه2024 رتبة رائد
عائلتي تتكون من امي
واخويه سامر مواليد 90
ابويه شهيد من سنه 91
عشنه اني وامي واخويه جانت حياتنه صعبه بس الحمدالله محتاجينه لاحد رغم هواي عمامي وخوالي رادو نعيش عدهم بــَس امي رفضت من جنه صغار عيشتنه جانت تخبز وتخيط للناس وبيتنه ملك الحمدالله ولحد ما اني كبرت ووعيت على الدنيه بقيت اشتغل وادرس ومعيش امي واخويه

سنه 2020 تحديداً شهر السابع الجو حيل حار رجعت من البيت للدوام تلكاني الملازم اول حسين

حسين/سيدي اكو ابنيه الصبح اجتي علمود دعوه ابتزاز وماكدرت اتصرف كلتلها الضهر يجي الرائد مدير المركز وتعالي وهسه اجتي واكفه بلباب ادخلها سيدي

سراج/كعدت على الكرسي وهزيت راسي هم ابتزاز دخلها خلي نشوف شنو سالفتها

حسين/سيدي هنا دونت كلشي بخصها اذا تحب اتطلع عليهن بين متدخل الابنيه

سراج/تمام
اخذت الملف منه ومدنك اقره شنو الشكوى مالتها منتبهت على اسمها بــَس الي عرفته ابتزاز من شخص مجهول سمعت صوت ابنيه كالت مرحبا
رفعت راسي عليها ابنيه لابسه جبه سوده وحجاب اسود ناعمه وبيضه مدنكه راسها حيل بحيث ماشفت شي من وجهه وتطكطك باصابيعها عرفت متوتره او خايفه طبيعي داخله لمركز شرطه وبشكوى ابتزاز كلت بكلبي الله اليعلم شنو قصتها رجعت للملف حته اقرى اسمها
وهنا جانت الصدمه
الاسم
سجى علي كاظم
بقيت صافن على الاسم وفاتح عيوني معقوله هي لو تشابه اسماء لاا مستحيل هي احس حيلي نهد وجسمي يرجف اكثر منها اريد اوكف على طولي مااكدر
رفعت راسي عليها حجيت بصوت يرجف وكوه تطلع مني الحجايه

رفعي راسج

سجى/اول مره بحياتي ادخل مركز شرطه متت من التوتر والقلق والخوف بقيت بــَس آٌني والضابط مدنكه راسي سمعته كال رفعي راسج واني من الخوف عيوني بقت تدمع مسيطرت على نفسي عادها مره ثانيه كال سجى ارفعي راسج
هنا رفعت راسي بدون مااباوع عليه بقيت اتخايل شكله رجال جبير وحته استحي مااعرف شحجي وياه اباوع على غير زاويه وعيوني مدمعه كوه مسيطره على نفسي

سراج/من رفعت راسها صارت عيوني على عًـٍُُيُِِِِونها كلت بكلبي اييي هي والله هي سجى هي نفسها بقيت صافن بوجهه رغم هي ابد ماخلت عينها عليه ولا باوعتلي بس ركزت بعيونها شكد بيها دموع ووجهه صاير احمر وعركانه وتطكطك باصابيع ايدها هاي الحركه الي تسويها من تخاف اريد احجي وياها مااعرف شكد عندي جرائه اني والكل تهاب مني بــَس احس نفسي صرت طفل من شفتها رجعت لهذاك الطفل ابن العشر سنوات الي جان يلعبها وهي بكماطها
صفنت بعيونها وتذكرتها من جانت طفله وتنام بحضني

نرجع لسنه 1997

سراج/عٍـﻤري 10 سنوات هنا
جانت الدنيه ليل والجو بارد برقتها تحديداً شهر ال12 جنت صف خامس ابتدائي ساعه 11 بليل واني مدنكه اقره على ضوه الفانوس الكهرباء طافيه ومشغل يمي الصوبه امي وسامر نايمين سمعت صوت الباب اندك حيل طلعت اركض اصيح منوو سمعت صوت جوارينه علي كال سراج صيحلي امك خالتك كوثر صارت عدها ولاده ومحد يمنه خلي تجي ويانه للمستشفى
طبيت اركض كعدت امي وراحت وياهم رجعت اني اقره بس ظليت افكر بجوارينه كوثر راح يصير عدهم طفل شكد حلوو اتذكرت العصر شفتها جانت بطنها حيل جبيره اني كلش احبها دائماً تحتاج شي زوجها بالشغل تدزني للسوك اتسوكلها وكل متسوي كيك تدزلي منها لان تدري بيه احب الكيك الي تسوي بقيت سهران لل1 بليل هم اقره وهم افكر بجوارينه
لحد ما نعست وغفيت
كعدت الصبح على صوت طفل يبجي جان بوقتها دوامي ساعه12 الضهر فزيت على صوت الطفل ب9. كمت افرك بعيوني باوعت ليغاد مني اكو طفل ملفلف بلحاف ابيض ويبجي تقربت عليه طفل كلش صغير ابيض وايده صغيره يبجي لزمت ايده شكد صغيره وناعمه سمعت صوت امي اجتي
كالت هاا يمه سراج كعدت