#عشق_طفولتي

البارت الرابع

البارت الرابع
#عشق_طفولتي

ابن عمي
من سكنت ذي قار مواليد 90 اسمه خالد

بعد ماضربني دنك ولف شعري على ايده كال ولج حيوانه عار وي منو صار ساعه تتغزلين وحبيبي وعمري ابوج بعده ترابه اخضر شوكت لحكتي تحبين وتتمعشكين
شمرني للكاع ووكف يكلب بالفون دخل على الرسايل بقى يقره بيهن وكل شويه يدفرني دك الفون بيده انطه رفض وغلقه  قفل باب الغرفه عليه ونزع حزامه ظل يضرب بيه اول مره بحياتي انضرب اول مره شخص يرفع ايده عليه بابا بعمره مضاربني حسيت جسمي خدر من الضرب مثل الذبيحه جواه لااكدر اعيط ولااكدر احمي نفسي منه لحد ماتعب طلع وقفل الباب عليه
بقيت بالكاع وجسمي كله يون عليه

سراج/جنت احجي وياها ونغلق الجهاز رجعت اتصلت مغلق ظل بالي عليها للعصر وهو مغلق اتصلت بامي تروح تشوفها خابرتني كالت مموجوده جوه سالت عليها وكالو بغرفتها بقه كلبي ينغزني استاذنت من الدوام ورجعت بقيت واكف بلباب وهمه عمامها باقين يمهم واحد من ولد عمها يباوع عليه ويخزرني مافهمت شنو قصته وشبي ويايه ورا شويه تقدم يمي وكف وحجه وياي بنترا
كال اعرف عندك علاقه ابنت عمي وضاحك عليها ومستغلها وهي صغيره لاعب بعقلها ابتعد عنها لااسويها وياك كوامه واسويها دم ديري بالك توصل لصوبها بعد وراساً عافني ودخل جوه
هنا عرفت شنوو سبب انغلاق الفون بقه بالي يم سجى ياربي شسوي لابيه اتقدملها وابوها صار8 ايام من متوفي ولاهو يتفاهم حته اتفاهم وياه وافهمه اني احبها مااضحك عليها
بقيت افتر ياربي شسوي وشصاير هــًـًســًه بيها بليل شفته طلع تمشيت يمه كتله خويه بــَس خلي افهمك اني لابنيه رايدها زواج الله شاهد عليه ولو وفاة ابوها عندي استعداد من اليوم اخطبها

خالد/كتلك ابتعد عنها ومتصير الك لويبقه اخر يوم بعمري  انسى امرها واذا فتحت وياي الموضوع بعد لووي واحد غيري من كرابتنه اسويها دم وياك واحنه ناس عشاير ترى وهاي تعتبر بصمة عار علينه اكتلك واكتل سجى واغسل عارها

سراج/لنوب هذا ميتفاهم ويحجي بس بالكتل لنوب خفت على سجى لايأذيها بقيت حاير بزماني سولفت لامي بقت تضرب على وجهه تكول هــًـًســًه يكتلون الابنيه شكد مسولفتلي ام سجى على طبعهم ناس عشاير وخصوصاً عدهم الشرف يموتون زلم علموده يمه بــَس لايسون بيك شي وين انطي وجهي

سراج/يمه اني طبني مرض بــَس سجى لا يأذوها فدووه بــَس شوفيها
كل متروح امي وترجع تكول فوك متنزل مر 3 ايام بعدها سمعت من امي راح يروحون للناصريه وي عمامهم كلبي ظل يفرفح عليها راح ياخذوها مني ويروحون بــَس شوكت راح يروحون ماادري

سجى/3 ايام اني محبوسه بالغرفه يجيبولي لاكل والمي نسوان عمي عرفن بالسالفه و طبكن ضدي بحيث اكلهم اريد اشوف امي يكوليلي متنزلين امج سالت عليج وكلنالها متقبل تنزل جوه مالها خلك
ورا ال3 ايام اجتي مرت عمي كالت يله تحضري راح ناخذكم ونرجع ويانه انتي وامج هنا حسيت الدنيه سودت بعيني اني منتضرتهم يروحون حته اشوف سراج لنوب راح ياخذوني وياهم واني حيل اكره العيشه هناك بس بلافايده جانت دموعي تواسيني وتصبرني اجه خالد لزمني من شعري كال اذا فتحتي موضوع وي امج هذا الميته عليه اله اكتله حلال واعلمه شلون يتقرب العرضنه تكومين تبدلين وتحضرين حالج بدون ولا كلمه
خفت على سراج لان اعرف بي شكد حقير ويسويها
كمت لبست جبتي وحجابي اخذت ملابسي السود بجنطتي مال المدرسه طلعت الكتب منها بقيت اكلب بيهن وابجي اتذكرت ايام الدراسه شكد جنت اتعب وسراج يهون عليه وجنه ناوين بس استلم النتيجه يخطبني ونعيش بسعاده كلشي خططنه اله وحلمنه بي راح اخذت جنطتي واخذت الكلاده الجابلياها بعيدميلادي ودعت غرفتي الي بيها كل ذكريتي وي سراج شكد سولفت وضحكت وبجيت كل ركن بيها احسه يسمعني بجيت وبجيت بــَس بلا فايده طلعت وسديت الباب احس كلبي بقه بيها نزلت افتر ابيتنه وذكرياتي وي بابا كلها بي احس نفسي مثل المحكوم ودا ياخذونه للعدام طلعت صارت عيني على باب بيت سراج شفت امه طلعت امي راحت سلمت عليها بــَس سراج ماكو بالدوام ردت اروح اسلم عليها واوصيها على سراج بــَس خالد خزرني واشرلي اصعد بالسياره صعدت وبقت عيني على بيتهم لحد ما مشت السياره واني عيني عليهم اباوع الامه واكفه وتباوعلنه لحد ماطلعنه الفرع الطريق كله مخليه راسي على الجامه واتذكر ذكرياتي وي سراج شلون يحبني ويخاف عليه ويشجعني على الدراسه وشكد دللني باصعب ايامي واكثر شخص كلت راح يهون عليه فراق بابا هو سراج بس صارت الكسره كسرتين بابا وسراج اثنينهم فاركتهم صرت تحت رحمت خالد وهو اله سلطه على الكل والكل يسمع كلامه لان هو جبير ولد عمامي حته عمامي يسمعون كلمته شكد كرهته تمنيته يموت واخلص منه وصلنه للناصريه وحضرولنه غرفه ابيتهم اني وماما نعيش بيها ماما لزمت عده وخلصتها بالغرفه متطلع. جان حته الحمام داخل الغرفه
احسها سجن مو غرفه