#عشق_طفولتي

البارت الثاني

البارت الثاني
#عشق_طفولتي

سجى/من كلي احبج كلبي ظل يدك سريع اول مره اسمع هالكلمه من شاب ومن منو من سراج من الخجل ماعرفت شاسوي راساً سديت الخط وقفلت الجهاز اباوع على عيوني بالمرايه يلمعن شعور مااكدر اوصفه احس نفسي طايره الشاب الي صديقاتي يتمنن بــَس نضره منه كلي احبج
من الفرحه بقيت حاضنه اللعابه واركص

سراج/كلتلها احبج محسيت اله طوط طوط انسد الخط بوجهي رجعت اتصلت عليها مغلق
انقهرت حيل معقوله متقبلت فكره حبي الها لو يمكن اني استعجلت المفروض مو هسه اكلها احبج
ثاني يوم الصبح سحبو التليفونات من عدنه اتصلت بامي بلغتها راح ياخذون التليفون حته ميضل بالها اتصلت بسجى بعده مغلق ايست كلت لابنيه محابتني واني استعجلت شكو اكلها احبج وصار بــَس اسبوع نحجي

سجى/ثاني يوم رحت للمدرسه من رجعت قررت افتح التليفون واني اعترفله باعجابي بي لان استحي اكوله احبك

اتصلت عليه لكيته مغلق كل مااتصل مغلق مرت يومين وهو مغلق احس شي بيه ناقص رغم بس اسبوع حجينه بس تعلقت بي وتعودت صرت احس بفراغ صرت اصفن واتذكر سوالفه من يسولفلي شلون جنت صغيره يشيلني ويلعبني ويخليني على جتفه يسويلي طياره وشلون آنام بحضنه مْْـر اسبوع وهو مغلق احس روحي تفرفحت عليه وظل بالي لَيــِْش مغلق معقوله لان اني سديت الخط وغلقته هو غلقه بس هو صار هواي مر شهر كامل وهو مغلق حته امه جانت تجي گـِْـِْلِْ فتره يم ماما صاير هواي مجايه واذا تجي تصدف اني بالمدرسه

سراج/خلصت الدوره وصار وقت ارجع للبيت استلمت تليفوني فتحته واتصلت بامي انطيتها خبر باجر الصبح اني يمها  ردت اتصل بسجى بــَس ترددت كلت خلي تشوفني بدون مااتصل اريد اشوف شنو ردت فعلها
وصلت للبيت ساعه11 الصبح اعرف هيج وقت هي بالمدرسه ب12:30 تطلع اكلت وسبحت وبدلت صارت ب12 وربع طلعت وكفت بلباب لحد ما وصلت سيارة الخط مالتها نزلت رادت تطب للبيت صافرتلها دارت وجهه شافتني واكف راساً ابتسمت حسيت بيها فرحت من شافتني مشت خطوات باتجاهي وجان الشارع فارغ وكفت مقابيلي  كالت سراج سراج شوكت رجعت

سجى/من نزلت من الخط وردت ادخل للبيت سمعت صوت صفير ورايه حسيت بي سراج راساً درت وجهي وشفته واكف اباب بيتهم عيوني رادت تدمع من الفرحه بقت تلمع احس ردت الروح بيه من شفته تجرئت وبدون تفكير راساً مشيت باتجاه وكفت مقابيله فرحانه حيل بقيت اكوله سراج سراج اريد احس هو واكف كدامي
هو طويل واني كدامه مثل النمله رافعه راسي واباوع بعيونه ومبتسمه

سراج/يي سراج شبيج ههههههه الصبح رجعت جان تليفوني مغلق لان سحبو من عدنه بس انتي لَيــِْش تليفونج مغلق

سجى/تذكرت من كلي احبج وغلقت التليفون خجلت دنكت راسي وبقيت ساكته

سراج/ردت امد ايدي الزم ايدها بــَس ترددت كلت بكلبي سراج هاي مو سجاوي الطفله الي تشيلها وتحضنها وتبوسها هاي سجى ابنيه شابه وميصير بعد تلزم حته ايدها فركت شعري بيدي وكلتلها يله طبي لحد يشوفج واكفه يمي روحي سجاوي بدلي وتغدي واتصلي بيه