البارت الثالث
#عشق_طفولتي
سراج/خرررب رووح سراج ولج واخيراً سمعتها منج يابعد طول سراج انتي بنيتي فدددوه اروحلج هلكد خفتي عليه
سجى/لك شنوو خفت صار 3 ايام مماكله شي والله عيوني راحت من البجي اريد بــَس اشوفك
سراج/سدي شويه واخابرج
سديت الخط وصحت امي كلتلها يمه اريد سجى تجي لهنا اريد بــَس اشوفها
آٌمي/يمه شلون اجيبها وشاكول لاهلها
سراج/ماادري يمه عود محتاجتها بشي ايي شي المهم تجي اشوفها
امي/راح اروحلهم اكول لكوثر اريد سجى تصعد وياي الفراش لان بــَس اني بلبيت سامر طالع وسراج نايم
سراج/يي والله كفوو منج نبع الحنان
لبست امي عبايتها وراحت تمددت بالصاله انتضرها تجي احس كلبي يريد يطلع من مكانه
سجى/جنت بالغرفه انتضر اتصال من سراج وسمعت صوت امي تصيحني نزلت لكيت ام سراج سلمت عليها امي كالت لبسي جبتج وررحي وي خالتج ساعديها بلبيت
صعدت اركض البس بالجبه واضحك عرفت سراج ورا السالفه هاي رشيت عطر ع السريع ونزلت وياها طبيت البيتهم وجسمي يرجف من المستحى كالت خاله اكو فراش بالصاله طبي جيبي فتحت الباب ولكيت سراج واكف كدامي سد الباب ورجع وكف مقابيلي وبينه قرابة الشبر الواحد اول مره اكون قريبه منه لهل درجه ووحدنه شفت ايده كولها ملفوفه كلبي عصرني عليه دنكت راسي اباوع للكاع واطكطك باصابيعي من الخجل سالته ايدك تاذيك
سراج/اباوع عليها شلون صارت حمره من الخجل وتطكطك باصابيعها
من سألتني اذا ايدي تأذيني كلتلها ايي تاذيني بــَس اذا تلزمينها يروح كل الألم
سجى/خليت ايدي على وجهي من الخجل
كتله عفيه سراج خلي اروح
سراج/كل عقلج اخليج تطلعين هيج بسرعه ماصدكت امي كدرت تجيبج واشوفج عبالج تطلعين هيج بسهوله
سجى/سررررراج لعد شتريد
سراج/بـہٍّكيفج حته لوبوسه
سجى/عزززا شتحجي وخر خلي اروح لبيتنه
سراج/ههههههه تمام راح اخليج تروحين بس اله اسمع منج الكلمه الي كلتيها اليه بالتليفون والي كتبتيها بالرسايل
سجى/امممممم غمضت عيوني وكولت بصوت ناصي احبك
سراج/قربت دنكت قريب عليها خليت اذني يم شفايفها وكلت شنوو ماسمعت واني مغمض عيوني واستنشق عطرها
سجى/همست باذنه احبببك
سراج/همست وياها واني احبج واعشقج وامووت بيج
بعد عمر العمر انتي
سجى/هسه هاا اروح
سراج/روحي يابعد طولي بنيتي فدووه اروحلج
YOU ARE READING
#عشق_طفولتي
Romanceتدور احداث القصه بين شاب وفتاة حيث احبها منذ نعومة اظافرها ولكن هل ستكون ملكً لهُ ام ماذا؟؟؟
