البارت العاشر
#عشق_طفولتي
سراج/بعد الكلام الي كالته سجى والشي الي صار سنين ياكل بكلبي والغيره الي مشتعله بصدري من عرفته صرت مااعرف شلون اعبر عن فرحي بــَس گـِْـِْلِْ الي طلع مني دموعي رغم دمعتي متنزل بسهوله بــَس وي سجى دمعتي فضحتني واني اباوع بعيونها شريط كامل مر كدامي من اول يوم شفتها بيه بالكماط لحد مااخذوها مني غصب
سجى/بقيت اباوع عليه وهو دموعه تجري وصافن عليه
هزيت راسي كتله شبيك سراج
سراج/صحيت على صوتها
فركت وجهي بيدي مابيه شي
يله نامي وارتاحي وانشالله باجر خير
سجى/باوعت الشقه كلها فارغه مابيها غير فراش واحد ومخده وحده كوتله وانت وين راح تنام لعد
سراج/انام بأي مكان المهم انتي نامي وارتاحي
عدلت الفراش وكولتلها يله بنيتي نامي خلي اغطيج لان السبلت مفتوح واخاف لا تاخذين برد
سجى/ابتسمت بوجهه
تدري سراج صار شكد مسامعه كلمة بنيتي جنت اسمعها بــَس من بابا ومنك وصار شكد انحرمت منها
تمددت وغطاني وكانما حنية اب على بنته الصغيره
طفى الضوه وتمدد بالطرف الثاني من الغرفه بينه مسافه وخله ايده جوه راسه ونام
واني من التعب راساً نمت ماادري بروحي بعد
سراج/سويت نفسي نايم حته هي تنام وتطمن
من حسيت بيها غفت رحت كعدت يم راسها وفتحت ضوه خافت صافن على ملامحها مثل الملاك ونايم
اريد اشبع عيوني بشوفتها ممصدك سجى كبال عيني بعد ماايست اشوفها مره ثاني رفعت راسي ليفوك وحمدت رب العالمين ياااارب الف الحمدالله والشكر ما خيبت املي ورجعتلي سجى صدك الحب النضيف والكلوب الصافيه مهما تبتعد من بعضها يرجع رب العالمين يجمعهم والقدر رجعلي حبيبتي بقيت افكر بــَس بقه هالزفت خالد شلون اخلص منه مستحيل ابقي سجى عنده بـٍْْـٍْعد كل هالاذيه الي شايفته منه ومن زوجته واهله
مااخلي ياخذها مني بـٍْْـٍعد لو اعرف اكتله واخلص منه
ثاني يوم الصبح فزيت على صوت التليفون باوعت الساعه 10
من جماعتي الي كلفتهم يكشفولي هوية الرقم
انطاني الرقم باسم منو والعنوان الي مسجل بي الرقم
كتله دزلياهم برساله
سديت الخط
رحت يم سجى شفتها غاطه بالنوم وخصلات شعرها طالعه من الحجاب ونازلات على وجهه مينطيني كلبي اكعدها بــَس لازم ابشرها وارجعها لامها
سجى سجى اكعدي
سجى/فتحت عيوني على صوت سراج ابتسمت بوجهه وكتله صباح الخير
سراج/صباح الورد والعسل حبي..
ردت اكلها حبيبتي بــَس سكتت
كومي يله عرفت منو صاحب الرقم
DU LIEST GERADE
#عشق_طفولتي
Romantikتدور احداث القصه بين شاب وفتاة حيث احبها منذ نعومة اظافرها ولكن هل ستكون ملكً لهُ ام ماذا؟؟؟
