البارت السابع
#عشق_طفولتي
سجى/مرت ثلاث اشهر وخلال هالثلاثه اشهر خالد وزمن يجهزون العرسهم طبعاً جابلها اشكال النيشان جنط جنط ملابس ومكياج وتخم ذهب واحلى غرفه تركيا وفخمه قبل ليجيبون الغرفه
اجه خالد كال فرغي الغرفه اريد اجيب نجار يفتحها ويحولها بالغرفه الصغيره طبعاً هذيج غرفه صغيره حيل عباره عن مخزن وقديم وحياطينها تعبانه حيل والكاع هم تعبانه حول غرفتي بيها سكتت ومحجيت شي لان احس صبري نفذ هو يجهز العرسه واني بس اباوع بعيوني لاحوله ولا قوه خلاني بغرفه جنه قفص مال طيور واخذ غرفتي جاب صباغين سواها تجنن كولها ديكورات ونصب الغرفه والسبلت وبلازمه اكبر حجم جهزها اخر تجهيز ماما كل متشوفني دموعها تنزل واني ابين نفسي قويه ومامهتمه عقدو محكمه صفنت وي روحي اني حته محكمه معقدلي بــَس مجرد سيد حته حقوق ماعندي يمه جريت نفس واحس عايشه بكابوس ندبت حضي المفروضه هــًـًســًه اني اداوم جامعه واحقق حلمي بــَس كلشي انعكس عكس الي حلمت بي وخططتله
قرب موعد زواجهم وطبعاً امه وخالته الدنيه مساعيتهم قبل شهر هنا يركصن ويغنن وعروستنه وعروستنه خبصونه حجزو للعرس قاعه والحنه سوها بلبيت ال زلم وبيت العروسه النسوان
كلهم راحو بقينه اني وماما بالغرفه وسادين الباب علينه صليت وكعدت اقرا قران حته نفسيتي تتحسن وكولت انـ شـاء الـلّه اخلص منه يلتهي بمرته وميوصل صوبي بـٍعد
ثاني يوم العرس هم بقينه بــَس احنه بلبيت وطبعاً اجوي كرايبهم وكرايب بابا واكثر الموجودين يسالون شعجب يتزوج عليها شو حلوه وصغيره سمعت هوايه حجي واني بلمطبخ انضف واغسل واخبز بليل زفو خالد وزمن للغرفه مالتهم اني بيومها بقيت نايمه يم ماما بغرفتها وطبعاً نص كرايبهم فارشيلهم بالغرفه يمنه غطيت وجهي وغمضت عيوني مسويه روحي نايمه واني سرحانه بخيال وبحلم وي سراج صرت اتخايل شكله صار شكد مشايفته كلبي طك عليه ومن اصحى وارجع للواقع واشوف الوضع الي اني بي اظل ابجي على نفسي
ثاني يوم العرس الكرايب كلهم راحو بقينه بــَس احنه نزلت زمن المكياج والشعر فاتحته مبينه عروسه
مواصفات زمن
طويله وتارسه بشرتها بين لحنطاويه والسمره
شعرها طوله وسط وصابغته اصفر
اول مانزلت ووياها خالد لابس الدشداشه البيضه امه وخالته بقن يهلهلن ويطشن جكليت عليهم اني كاعده بالهول واباوع عليهم
جان تنتر بيه امه صاحت كومي سوي ريوك للعرسان ردت اكوم وماما وكفت كالت ام خالد ماكو داعي تصيحين على بنتي وبعدين بنتي موخدامه لجنتج متسوي سجى ريوك ومتخدمها
هنا ام خالد مثل الي ماصدكت وتريد بــَس عركه
ام خالد/وانتي شعليج هي جنتي واني اتأمر عليها وبعدين مسويه ريوك لرجلها
امي/لرجلها بــَس بالخدمه تذكرون هذا رجلها شنو الي سواه الها ابنج وشنو الي قدمه الها غرفة ذهب نيشان ملابس عرس حفله مثل ماسوه المرته الثانيه لو بنتي شنوو زايده عندي كااافي لهنا وكافي هواي تحملت وصبرت واني اشوف بنتي وحيدتي يوم ع يوم تذبل كدام عيني الله واكبر عليكم عود هاي من لحمكم ودمكم وهيج عذبتوها لعَـدْ من اموت اني شراح تسون بيها
YOU ARE READING
#عشق_طفولتي
Romanceتدور احداث القصه بين شاب وفتاة حيث احبها منذ نعومة اظافرها ولكن هل ستكون ملكً لهُ ام ماذا؟؟؟
