البارت 15 الاخير
#عشق_طفولتي
سراج/نصدمت ليش سجى كذبت عليه بسالفه الحمل
اخذت العلاج والتحاليل وطبيت للغرفه طبيعي شفتها كاعده ومخلين مخاد ورا ضهرها
باوعت عليها ودرت وجهي
كلت لامها هاي ادويتها وعلمتها على اوقاتهم
ودرت وجهي وطلعت بره
سجى/من فتحت عيوني شفت سراج كبال عيني عبالي اتحلم صحت باسمه بــَس تعبانه ماادري بروحي رحعت نمت
ماادري شكد مر وقت فتحت عيوني لكيت امي وام سراج يمي
حاولت اكوم
اجني ساعدني امي كعدتني وام سراج خلت مخده ورا ضهري
اباوع اريد المح سراج ماكو ولا سالت عليه كلت يمكن مساع اتخايل شفته
ماادري شنوو الي صار وياي ومنو جابني للمستشفى
جسمي كله تعبان وعيوني كوه فاتحتها
طب سراج صار كدامي بــَس ماخله عينه بعيني جايب ادويه وحجه وي امي وطلع
انهضمت حيل واحس الوضع صار ضعف عليه مشتاقله ومشتاقه السوالفه والشوفته والحنانه بــَس شسوي ابتعد عنه من حًـبي اله وخوفي عليه
طلع حته بدون ميباوع بوجهي
عيوني دمعت
كلت ماما شوكت اطلع اريد ارجع للبيت
امي/يمه خلي يخلص المغذي وتشوفج الدكتوره هي تقرر اذا تطلعين
بقيت كاعده وعيوني على الباب شوكت يجي سراج
سراج/بقيت بالحديقه وادخن جكاره ورا الثانيه احس حته اعصاب ماظلت عندي والتفكير اكل راسي
بقينه الليل كله بالمستشفى والفجر قرب يطلع
صارت ب7 وعندي دوام ب8 لازم رايح
طبيت للدكتوره الخفر تريد تطلع طلبت منها تشوف حالتها اذا مستقره حته نطلع
راحت الدكتوره فحصتها واني بقيت واكف بره
اجتي امي كالت يله راح نطلع فحصتها الدكتوره كالت زينه بــَس لازم تنتبه الاكلها لان عدها نقص فيتامينات
سراج/ماشي يمه حطلع كدامكم بــَس استعجلو شويه عندي دوام ترى
طلعت باب المستشفى
انتضرتهم شفتهم طلعو مشيت كدامهم للكراج مال سيارات صعدو ورجعت بوجهي لبيت سجى امشي سريع وعيوني على الطريق اتجاهلت وجودها ويايه بالسياره لان الي سوته وياي موو شويه كذبت عليه وهملتني ولاحسبتلي اي حساب واني احس هواي تنازلت الها وهي تخلت عني بلا سبب
وصلت الباب طبكت السياره واني ساكت
امها بقت تشكر مني قبل لتنزل
نزلو واني بدون وااخلي عيوني عليها ابد اول نانزلت مشيت سريع
وصلت امي للبيت وبدلت ورحت للدوام
سجى/احس سراج بي شي مو طبيعي او يمكن تقبل فكره ابتعادي عنه خلاص الي يريده خالد الحقير صار
اني متاذيه نفسياً اكثر من جسدياً
وكلشي سويته وي سراج وكل تصرف جان غصب عني بــَس حته احمي من خالد
وصلت للبيت وهو راح بقيت واكفه بلباب وعينه على سيارته يمشي سريع كأنما يريد بس يخلص مني ويروح
أنت تقرأ
#عشق_طفولتي
Romanceتدور احداث القصه بين شاب وفتاة حيث احبها منذ نعومة اظافرها ولكن هل ستكون ملكً لهُ ام ماذا؟؟؟
