البارت الثامن
#عشق_طفولتي
سجى/جريت نفس وكمت للجربايه تمددت بكلبي مطايقته ولا طايقه شوفته بس مجبوره اسايسه بــَس حته ياخذني البابا
غمضت عيني حاولت انام حسيته بده يتقرب مني صار نفسه قريب عليه جمدت بمكاني الى ان مد ايده على شعري بقه يمسد بي
خالد/من رجعت بليل وجنتي بلمطبخ تنضفين وفاتحه شعرج اول مره اشوف شعرج هلكد حلوو
سجى/بلعت ريكي وكتله شكرا
خالد/شبيج ترى راح توكعين من الجربايه
سجى/نعسانه حيل واريد انام حته الصبح يجي بسرعه واروح البابا
حضنت نفسي بنفسي وغمضت عيوني ماريد يتقرب مني اكثر اريد احافظ على نفسي
فزيت الصبح على صوت تليفونه دك منبه كعدته كال تحضري وسويلي ريوك وكعديني
كمت ع السريع بدلت وسويتله ريوك كعد بدل وتريك الكل نايمين جانو طبيت الماما بستها وكولتلها راح اروح
كالت روحي يمه واقري لفاتحه لابوج نيابة عني تروحين وترجعين بالسلامه طلعت وصعدت يمه بالسياره الطريق كله مخليه راسي واباوع على الشارع صافنه وحسيت مد ايده فوك ايدي راساً فزيت وسحبت ايدي
خالد/شبيج فزيتي
سجى/مابيه شي بس جنت صافنه واباوع على الطريق شوكت نوصل
خالد/بعد ساعتين تقريباً
سجى/تمام
سراج/رجعت من السفر وهنا قررت اخطب كلت لامي شوفيلي ابنيه
بس ياابنيه تجيبلياها واشوفها ابقه بيني وبين نفسي اقارنها بسجى بعيونها بشعرها ابياضها بطولها بشفايفها مااشوف اي شبه بينهم واتردد بقيت ابالي الي اخذها كون تشبه سجى تقريباً 7 بنات شوفتني من طرف مريم ومن جوارينه الجدد ومن اقاربنه ولاوحده حلت بعيني ولاوحده بيها روعه من سجى اخر شي امي بزعت مني وضاجت وزعلت
سجى/وصلنه القبر بابا نزلت تمددت فوك قبره بجيت بجي وصرخت ولطمت بفاتحته مسويت هيج هلكد ما مشتاقتله كمت اخذ من التراب الي يم قبره واشم بي ادور ريحة بابا بي تقريباً ساعه ضبط اني نايمه على قبره وبجيت وحجيتله كولشي عشته بـٍْْـٍعد وفاته نسيت وجود خالد اصلاً وهو هم متقربلي واكف مسافه مترين تقريباً عني ويدخن جكاير شكيت همي البابا وكتله شكد مشتاقتله وشكد محتاجته وشلون انذليت بعده
اخر شي من تعب البجي وعيوني تحركني غمضت عيوني حسيت بخالد يهمس يمي
سجى سجى اكعدي بيج شي
فتحت عيوني وكتله لاا مابيه شي بس اريد احس بلامان غمضت عيوني واني اتخايل نفسي نايمه بحضن بابا محتاجته حيل ومحتاجه الحنانه والحبه اليه والخوفه عليه اتمنه يرجع
خالد/شفته نزلت دموعه كال كاافي ولج والله زرفتي لكلبي كومي غسلي وجهج واقريله قران شويه حته اخذج تزورين وترتاحين شويه
YOU ARE READING
#عشق_طفولتي
Romanceتدور احداث القصه بين شاب وفتاة حيث احبها منذ نعومة اظافرها ولكن هل ستكون ملكً لهُ ام ماذا؟؟؟
