البارت 12
#عشق_طفولتي
سراج/سمعت صوتها وجن جنوني شغلت السياره وشخطتها من الهبطه الي صارت عندي حته ضربت سياره اني وماشي وكملت طريقي بقه الخط مفتوح اسوق واسمع صوتها تعيط وتستنجد باسمي بقيت اضرب الاستيرن اصيح لااا يااربي لااا ماريد يسويلها شي ماريد يلمسها وصلت لبيتهم طبيت لكيت الباب مفتوحه بس مردوده
طبيت اركض جوه اصيح بعلو صوتي خالد خالد
دورت البيت جوه ماكو احد والبيت هدوء حيل
صعدت فوك لغرفه سجى هاي اول مره اصعد فوك البيتهم شفت باب الغرفه مفتوح من وصلت الغرفتها رجلي ثكلت صرت كوه امشي الخطوه عليه بالف متر لحد مـا طبيت للغرفه بــَس شنوو الي شفته
نرجع الوقت لنصف ساعه
سجى/من صار فوكايه وبي ريحه كحول كريها حيل
عيني صارت على التليفون
شفت الخط مفتوح كمت استنجد بأماني الوحيد تذكرت اول ليله عرس من جنت مفكره راح يتقربلي بداخلي اصرخ سراج ساعدني بــَس بداخلي اما هــًـًســًه صرت اصرخ بعلو صوتي سررراج سررراج
ولان صرخت باسم سراج خالد مخمور مو بوعيه
لزم راسي ولطخه حيل بحافة الجربايه بقه الدم ينزل على وجهي ورغم الالم بقيت اقاومه احاول ادفعه واصرخ بس بلا فايده مثل الجبل فوكايه واني ضعيفه لاحوله ولاقوه كدرت احاول ادفعه بكل ماعندي من قوه واذا اخرمشه او اعضه انضرب حيل من كثر ماحاولت وهو لازمني جسمي كله اثار زرك صار لحد ما اخذ الي يريده بكل قوته يـعـنـي الحقير (ا غ ت ص ب ن ي)
من شدة الالم والوجع والحراره الي تطلع من جسمي والدم الي نزل من راسي ترس وجهي بـٍْْـعد ماادري بنفسي بــَس اخر شي اتذكره جنت الفظ اسم ماما الحكيلي وسراج ساعدني
اخذ الي يريده وهو يصيح عليه تحلمين الضابط مالتج ياخذج اله اكسرج واشمرج وغصباً ماعليج وهوايه غلط وسب وشتم كمت مااحس الوجع منين من جسمي من راسي من كلامه عافني مثل الجثه الخامده واني بلا ملابس عافني وراح اخر شي من الالم حسيت جسمي كله يرجف مثل ما نكول لزمتني رجافه واحنه بالصيف وبنفس الوقت تطلع حراره قويه من جسمي و عيوني غوشن ودم نزل مني بكثره ومن بعدها فقدت الوعي محسيت بشي
سراج/الي شفته هو سجى بالكاع وجسمها كله اثار زرك والدم على وجهه وجواها دم
ماادري شنوو الي صارلي بــَس من الصدمه بقيت واكف صافن عليها ودموعي تجري بنيتي مثل الطير المذبوح كدام عيني جسمي كله ثكل واحس رجليه بعد متحملني وكعت للكاع يمها كعدت سحب من على الجربايه شرشف وغطيتها جسمها كله يرحف من انتبهت للدم الي بالكاع عرفت الحقير مغتصبها وكدامات على جسمها وجهه دم دموعي نزلت على وجهه واني امسح بي واحاجيها اريدها تكعد بلحضه حسيتها ماتت بس جسمها جان حيل حار
اطبطب على وجهه واحجي بصوت مخنوك سجى بنيتي سجاوي بويه تسمعيني
البيت فارغ لاامها ولا خالد الحقير لو الزمه بوقتها اله مااخلي شي صاحي بي مااعرف شلون نهزم
نسيت كلشي وفكري كله بهاي الطفله اليتيمه استجمعت قوتي وشلتها نيمتها على الجربايه واني امسح بدمها الي على وجهه وامسح بدموعي لحد ماصار. صوت سمعت امها تصيح
YOU ARE READING
#عشق_طفولتي
Romanceتدور احداث القصه بين شاب وفتاة حيث احبها منذ نعومة اظافرها ولكن هل ستكون ملكً لهُ ام ماذا؟؟؟
