𝐖𝐢𝐬𝐡 𝐔𝐩𝐨𝐧 𝐚 𝐒𝐮𝐧𝐬𝐞𝐭 (Gemstones Series #1)

21: Something Fishy

Alas dose na ng hapon nang magising ako sa aking paputol-putol na tulog. Pakiramdam ko ang bigat ng ulo ko, epekto siguro sa puyat, tapos nasobrahan sa tulog buong araw.

I checked my cellphone, marami akong messages and call notifications na galing kay Ravi.

From: Ravi Matsunagi

-Nyx, nandito ako sa NBS, sabi mo bibili ka ng art materials. Nasan ka?

-Nyx? Hintayin kita dito.

-Nyx? Asan ka na?

-Lumabas ka ba?

-Nyx?

-Nyx, Mag-reply ka naman, kinakabahan ako sa 'yo.

-Nyx? May nagawa ba akong mali?

-Ayos lang ba tayo?

-Galit ka ba?

-Nasa dorm ka ba? Pupuntahan kita.

'Yong last message niya ay na-receive ko around 15 minutes ago. For sure, parating na iyon. Hindi ko rin naman ma-reply-an si Ravi dahil wala nga pala akong load. Nakonsensya tuloy ako. 

Nagmadali akong pumunta sa banyo at naghugas ng mukha para naman hindi halatang bagong gising. Hindi muna ako lalabas ngayon, gusto ko munang tumambay dito sa dorm mas lalo at kakauwi lang ni Sapphire.

Nagbihis lang ako ng mas maayos na damit 'saka ako lumabas ng aking kwarto. Dumeretso ako sa kusina upang magtimpla ng hot choco. Nakita kong nagluluto si Sapphire ng pagkain habang kumakanta, kaya naman napangiti ako. Looks like she's in a better mood today.

 "Naks ganda pa rin kahit bagong gising. Nagluto pala ako ng itlog at Hungarian sausage, kunwari breakfast," she chuckled as she handed me the plate with the Hungarian sausage and egg.

Napatitig ako sa ulam na nasa plato ko, unti-unting nag-init ang mga pisngi ko. Shet. Sa dinami-rami ng pwedeng iluto, bakit ito pa kasi naisipan ni Sapphire. Jusko naman.

"N-Nyx? Ayos ka lang ba?" Tinakpan ko ang aking mukha gamit ang mga kamay ko para kalmahin ang sarili ko. Nakakahiya ka Nyx.

"W-Wala, may naalala lang kasi ako" natawa nalang ako 'saka agresibong hiniwa ng maliliit ang Hungarian sausage.

"Hoy, Nyx. Kung maka-murder ka naman ng hotdog akala mo may kasalanan sa 'yo." Natawa nalang din ito at saka ako sinamahan sa lamesa upang kainin ang kanyang hinain.

Habang kumakaen kami, sumagi nanaman sa aking isipan ang aming naging usapan ni Sapphire kanina. Kailan ko kaya malalaman ang mga tinutukoy niya? Ang tanong, gusto ko ba talaga malaman? 

Kinilabutan naman ako ng si Miss Turner ang pumasok sa aking isipan. Ano kaya ang sinasabi nitong may sagot siya sa mga tanong ko. At paano niyang nalaman na may mga tanong ako? Wait...related kaya ang mga tanong ko tungkol sa sinasabi ni Sapphire?

Nah. Maybe it's just a coincidence. Alam ko naman na walang magagawa si Sapphire na sobrang bigat to the point na itatakwil ko siya bilang pinsan at kaibigan.