ရုပ်ဖျက်ရမယ်ဆိုပြီး အမျိုးသမီးလိုပြင်ဆင်ပေးခံလိုက်ရတာကြောင့် လူကသိပ်မနေတတ်။လုံးဝကွဲထွက်ချင်လျှင် အမျိုးသမီးလိုပြင်မှရမည်ဆို၍ မျက်စိမှိတ်ကာလက်ခံခဲ့သည်။
ပြင်ဆင်ပြီးချိန် နောင်းညိုကအရမ်းသဘောကျနေသလို သူကိုယ်တိုင်ကလည်းအဆင်ပြေသဖြင့်ထိုအတိုင်းသာသွားဖြစ်လိုက်တော့သည်။ပွဲသို့ရောက်တော့ ပျားပန်းခတ် ပြည့်နှက်နေသူတွေကြောင့် သူသိပ်အဆင်မပြေ။
နောင်းညိုလက်မောင်းကိုမလွှတ်တမ်းဆွဲထားမိတော့ နောင်းညိုကခါးကိုသိုင်းဖက်ကာ ထိန်းထားပေးရသည်။တော်သေးသည်ဖိနပ်အမြင့်မစီးခဲ့၍။မဟုတ်လျှင် ချော်လဲနေပေလိမ့်မည်။
အားလုံးရဲ့ချီးမွမ်းသံတွေကြားသူမနေတတ်ပေမယ့် နောင်းညိုကတော့ရယ်ချင်စိတ်ကိုမြိုသိပ်လို့ ကျေးဇူးတင်စကားတွေပြန်ဆိုနေသေးသည်။ပြီးလျှင် နားနားကပ်ကာတိုးတိုးဆိုသေးသည်။ဒီလိုချောနေတာ မိန်းကလေးမဟုတ်ဘဲယောကျ်ားလေးမှန်းသာသိပါက မိန်းကလေးတိုင်းDepressionတောင်ဝင်သွားနိုင်ပါသည်တဲ့။
ဖယ်ရိုမုန်းပေါင်းစုံကြောင့် ခေါင်းကိုက်လာ၍ လေကောင်းလေသန့်ရှူချင်လာသည်။ထို့ကြောင့် နောင်းညိုကဝရံတာတစ်ခုဆီခေါ်သွားပေးလေသည်။ထိုနေရာကသီးသန့်ဖြစ်ပြီး လူရှိနေလျှင်အပြင်မှဆိုင်းဘုတ်ချိတ်ထားလိုက်ရုံပင်။မည်သူမှဝင်လာမည်မဟုတ်။
လေတစ်ချို့ရှူရှိူက်လိုက်မှ ဦးနှောက်တစ်ခုလုံးလန်းဆန်းသွားရသည်။မျက်လုံးတို့ကိုမှိတ်လို့ လေညှင်းသဲ့သဲ့မျက်နှာပေါ်ဖြတ်သွားတာကိုခံယူလိုက်သည်။
"ဟယ်လို အလှလေးတစ်ယောက်တည်းလား"
အနားကထွက်လာတဲ့ ကြားဖူးနေကျအသံသြသြကြောင့်သူလန့်သွားရသည်။အဲ့ဒီလူကဘာလာလုပ်တာတုန်း။အသံမထွက်ဘဲ ထိုလူကိုသာမော့ကြည့်နေလိုက်သည်။သူမှန်းသိသွားလို့ တမင်လာရှာတာလား။အပြင်မှာဆိုင်းဘုတ်ချိတ်ခဲ့တာတောင်ဝင်လာတယ်ဆိုကတည်းက သူကအရမ်းစည်းကမ်းမဲ့တဲ့လူပဲ။
"အလှလေးက ကိုယ့်ကိုမကြိုက်ဘူးလား"
သူဘာမှပြန်မပြောချင်ဘူး။အသံထွက်လိုက်တာနဲ့ သူမှန်းသိသွားလိမ့်မယ်။သိပြီးသားဖြစ်နေနိုင်ပေမယ့်လည်းစကားမပြောချင်ဘူး။
YOU ARE READING
OCEAN (သမုဒ္ဒရာပိုင်တဲ့လခြမ်းငယ်) (Complete)
Paranormalမင်းကိုပိုင်ဆိုင်ခွင့်နဲ့ပတ်သပ်လာရင် ကံကြမ္မာကိုတောင်စိန်ခေါ်ပစ်မယ်ငယ်ငယ် မင္းကိုပိုင္ဆိုင္ခြင့္နဲ႕ပတ္သပ္လာရင္ ကံၾကမၼာကိုေတာင္စိန္ေခၚပစ္မယ္ငယ္ငယ္
