ပန်းချီကားကိုလက်စသတ်ကာ အကြောဆန့်လိုက်သည်။နေ့လည်စာစားပြီးကတည်းက ဆွဲနေတာမို့ ညနေစောင်းထိဆိုတော့ခါးတွေညောင်းနေပြီ။အပျင်းပြေသရေစာစားဖို့ပြင်တော့ ရေခဲမုန့်လေးစားချင်လာရော။
လက်ကျန်ရေခဲမုန့်လေးကမနေ့က,စားလိုက်တာမို့ရေခဲသေတ္တာထဲမှာမရှိတော့။အညောင်းအညာပြေလမ်းလျှောက်ရင်း ရေခဲမုန့်သွားဝယ်စားဖို့စဥ်းစားမိသည်။နောင်းညိုကအိမ်မှာမရှိတာမို့ သူခိုးထွက်လို့ရလောက်သည်။
ဟိုကိစ္စဖြစ်ပြီးသွားကတည်းက အပြင်ထွက်ခွင့်မရတာ၂ပါတ်ပြည့်တော့မည်။ချုပ်ချယ်တယ်လို့မခံစားမိဘဲ နွေးထွေးမှုတွေခံစားရတာကသူတို့ရဲ့မေတ္တာတွေကြောင့်။သူစိမ်းတွေဆီကမိသားစုဆန်ဆန်မေတ္တာတွေရထားတဲ့သူဟာသိပ်ကံကောင်းပါသည်။
စတော်ဘယ်ရီသီးလေးတမြုံ့မြုံ့ဝါးလို့ စတိုးဆိုင်ရှိရာဆီထွက်ခဲ့သည်။ဆောင်းဝင်လာပြီမို့ နေဝင်စောသည်။ယခုလေးနာရီကျော်ပြီမို့ မကြာခင်အမှောင်ထုလေးစိုးမိုးလာတော့မည်
။
လမ်းဘေးသစ်ပင်မှ မမှီမကမ်းသစ်ရွက်လေးကိုလက်ဖြင့်ခုန်ခူးလိုက်ပါသေးသည်။သစ်ရွက်လေးကကျီစားသလို လေနှင့်လွှင့်ကာသူ့လက်မှရှောင်တော့ သူသဘောတကျရယ်ပစ်လိုက်သည်။အကောင်းမြင်တတ်တဲ့စိတ်ရှိရင် သစ်ရွက်လေးတစ်ရွက်ကြောင့်လည်း ပျော်ရွှင်မှုကိုရှာတွေ့နိုင်ပါသည်။
ဆိုင်ထဲရောက်တော့Betaအစ်ကိုကပြုံးပြသည်။ဒီနေ့လည်းလူရှင်းနေပြန်ပါပြီ။
"ဘာလိုချင်လို့လဲညီလေး ဟိုတစ်ယောက်ကောမပါဘူးလား"
"သူကမအားလို့မလိုက်လာဘူး စတော်ဘယ်ရီရေခဲမုန့်လိုချင်လို့"
ပြောရင်း ရေခဲသေတ္တာထဲမှစားနေကျဗူးလေးတစ်ဗူးထုတ်ယူလိုက်သည်။ဗူးကိုချက်ချင်းဖောက်စားတော့ခံတွင်းထဲမှာကျင်ခနဲ။ခန္တာကိုယ်လေးတုန်ခနဲဖြစ်သွားတော့ Betaအစ်ကိုကသဘောတကျရယ်လေသည်။
ပိုက်ဆံရှင်းရင်းမြင်မိတာက ဘေးမှာတင်ထားတဲ့နှိပ်မီးခြစ်အနီရောင်လေး။ရုတ်တရတ်မျက်ဝန်းတွေဝေ့ဝဲရှာမိတာက စီးကရက်တွေတင်ထားသည့်စင်ဘက်။
YOU ARE READING
OCEAN (သမုဒ္ဒရာပိုင်တဲ့လခြမ်းငယ်) (Complete)
Paranormalမင်းကိုပိုင်ဆိုင်ခွင့်နဲ့ပတ်သပ်လာရင် ကံကြမ္မာကိုတောင်စိန်ခေါ်ပစ်မယ်ငယ်ငယ် မင္းကိုပိုင္ဆိုင္ခြင့္နဲ႕ပတ္သပ္လာရင္ ကံၾကမၼာကိုေတာင္စိန္ေခၚပစ္မယ္ငယ္ငယ္
