မိုးထက်ဝနာ နိုးလာတော့ခွန်းမောင်၏အခန်းထဲတွင်ဖြစ်၏။ သူ့ခန္ဓာကိုယ်တွင်းရှိ ပွန်းပဲ့ရာတချို့သည်ဆေးတွေကြောင့် အပေါ်ယံတွေပင်ခြောက်လုလုဖြစ်နေလေသည်။
ခွန်းမောင်သည်အခန်းတွင်းရှိမနေပဲ အခန်းထောင့်တွင်တော့ ခြေသည်း၊ လက်သည်း အချောတိုက်နေသည့် တပည့်တစ်အုပ်သာရှိ၏။
"နိုးပြီလား ဘောဇ့်ရဲ့ဝနာ"
ပူးပေါင်းနာမ်ကြောင့် မိုးထက်ဝဠာခေါင်းပင်မူးဝေဝေဖြစ်သွားရပြန်သည်။ထိုငဂျစ်ပတည့်ရွေးတုန်းက ကျောက်တုံးတွေလိုတစ်ရုပ်ထုတည်းများထုထားလေသလားမသိ။ တစ်ဂိုဏ်လုံး စရိုက်တွေက တစ်ထပ်တည်း။
"မင်းတို့ ဘောစ့် ဆိုတဲ့ဟာလေးရော"
"ဘောဇ့်က သူဆေးရုံတက်ရတယ်ဆိုတာကို မပြောဖို့မှာထားပါတယ်"
"...."
ထားလိုက်ပါ ငါမကြားလိုက်ဘူးပဲ။
သေချာပြန်စဉ်းစားကြည့်မှ ထိုနေ့က ခွန်းမောင်၏ဖြူဖျော့နေသည့်မျက်နှာနှင့်သွေးတစိမ့်စိမ့်ယိုနေသည့်ဝမ်းဗိုက်။
မိုးထက်ဝဠာယခုကဲ့သို့ ပြန်ပေးဆွဲခံရသည်မှာပထမဦးဆုံးမကြိမ်မဟုတ်ချေ။ဥက္ကာခွန်းမောင်နှင့်ပတ်သက်လို့ မကျေနပ်တဲ့လူတွေ၊ ရန်ငြိုးရန်စရှိတဲ့လူတွေက မိုးထက်ဝဠာကိုသာ လာလာသုတ်သွားကြတာလေ၏။
ထို့နောက်တွင် ဥက္ကာခွန်းမောင်၏ တပည့်တစ်သိုက်ကြောင့် ဆေးရုံမှာလူပင်မဆံ့။
"ကျွန်တော့်ကိုဆေးရုံလိုက်ပို့ပေးပါလား"
"ဘယ်နေရာဘာဖြစ်လို့လဲဗျ၊ကျော်တို့ဆီက ဆရာဝန်ကအရမ်းတော်တာ""....."
ဘောဇ့်ပြန်နိုးလာတဲ့အချိန် ဘောဇ့်ဝနာမရှိရင် သူတို့တစ်အုပ် တစ်ကျင်းဝယ်၊ တစ်ကျင်းလက်ဆောင်နှင့် မြေတူးထားရုံသာ။
"ကျွန်တော်ဘယ်မှမသွားပါဘူး။ခွန်းမောင်ရှိတဲ့ဆေးရုံကိုသွားချင်တာပါ"
"ဪ ... ပြောပြောကစောပေါ့"
"....."
တဟီးဟီးတဟားဟားနှင့်ရယ်ပွဲကျသွားသောထိုတစ်အုပ်ကိုကြည့်ကာ မိုးထက်ဝဠာခေါင်းသာခါလိုက်မိ၏။
YOU ARE READING
ပြန်ချစ်လေဗျာ လိမ္မာပါ့မယ် (My Universe)
RomanceMY Creditor Side Story ပါ။ Parallel Universe သဘောမျိုးပြန်ပြီး Creation လုပ်ထားတာမို့ main story နဲ့ မသက်ဆိုင်ပဲ အရင် character ကို ရသအသစ် တစ်မျိုးနဲ့ထပ်မံဖတ်ရူနိုင်မှာဖြစ်ပါတယ်ရှင့် 🤎 Cover Artist - B Ka Lay 🖤