"အစ်ကိုဝဠာ ညနေပြန်ရင်ဒါလေးယူသွားနော်"
"ဘာလဲဟင်"
"ဟင်းပါဗျ။ ပြန်ရင်မိုးချုပ်တော့အစ်ကိုချက်မစားဖြစ်မှာဆိုးလို့"
"အာ ... ကျေးဇူး"
ဟင်းဘူးကိုသိမ်းပြီးတဲ့အခါ နယုန်သည် ပြုံးရင်းတခြားအလုပ်ကိုသာလုပ်နေ၏။ ဂစ်တာလာကြည့်ကောင်မလေးနှစ်ယောက်၏အကြည့်တွေမှာရွှန်းရွှန်းဝေနေတာမို့ မိုးထက်ဝဠာ နည်းနည်းပင်ကြောင်အသွားရလေသည်။
ဆိုင်ကိုများသောအားဖြင့် မိန်းကလေးတွေလာတာများလေသည်။တချို့ကတော့ ဆိုင်အတွင်းပိုင်းကလှသည်မို့ဓာတ်ပုံလာရိုက်တာဖြစ်သလို၊တချို့ကတော့သင်တန်းလာစုံစမ်းတာလည်းဖြစ်၏။ သင်တန်းတက်ပြီး ၃ရက်လောက်ဆို ပျောက်ပျောက်သွားကြတာကလည်းမနည်းလှ။
ညနေဆိုင်သိမ်းပြီးတဲ့အခါ နယုန်က ဆိုင်ကယ်ဖြင့်ရောက်လာ၏။ ပုံမှန်ဆို မိုးထက်ဝဠာစက်ဘီးဖြင့်သာပြန်တတ်တာပင်။ အရင်တစ်ခါကိစ္စပြီးကတည်းကစက်ဘီးပြန်မနင်းရဲသေးမို့ လမ်းလျှောက်ပြီးအသွားပြန်လုပ်နေတာပင်။
"ကျွန်တော်လိုက်ပို့မယ်"
"ရပါတယ်၊ အစ်ကို ဒီတိုင်းပြန်လိုက်မယ်"
"မဟုတ်တာ၊ တက်ပါ အစ်ကိုဗျ"
မိုးထက်ဝဠာနောက်ဆုံးတွင် ဆိုင်ကယ်ပေါ်သို့တက်ထိုင်လိုက်ရ၏။ နယုန့်ပုံစံကနည်းနည်းလေးထူးဆန်းလာပေမဲ့ ထိုကောင်လေးက လူချစ်၊ လူခင်ပေါအောင်နေတတ်တာမို့လည်းဖြစ်လိမ့်မည်။
အိမ်ရှေ့ရောက်တဲ့အခါ မီးပိတ်ထားတဲ့အိမ်ကလေးကိုကြည့်ပြီး အထီးကျန်မှုက ရင်ထဲလှိုက်ခနဲ။သတိရစိတ်လိုလို၊တမ်းတစိတ်လိုလိုခံစားချက်ဟာရင်ထဲလေးလံလှ၏။
"အရင်ရက်က လူတွေကဘယ်သူလဲဗျ"
"အစ်ကို့ အသိတွေပါ"
"ဪ... နည်းနည်းထူးဆန်းကြလို့လေ!"
မိုးထက်ဝဠာ ရယ်ပြလိုက်ရင်းသာ နှုတ်ဆက်၍ အိမ်ထဲဝင်လိုက်သည်။ မီးဖွင့်ပြီးနောက်တွင် နယုန်ထည့်ပေးလိုက်တဲ့ဟင်းအား နွှေးကာ ထမင်းအကျန်နှင့် ရောထည့်လိုက်၏။
VOCÊ ESTÁ LENDO
ပြန်ချစ်လေဗျာ လိမ္မာပါ့မယ် (My Universe)
RomanceMY Creditor Side Story ပါ။ Parallel Universe သဘောမျိုးပြန်ပြီး Creation လုပ်ထားတာမို့ main story နဲ့ မသက်ဆိုင်ပဲ အရင် character ကို ရသအသစ် တစ်မျိုးနဲ့ထပ်မံဖတ်ရူနိုင်မှာဖြစ်ပါတယ်ရှင့် 🤎 Cover Artist - B Ka Lay 🖤
