မည်သို့ပင်ဆိုစေကာမူ ခွန်းမောင်၏ အနိုင်လိုစိတ်ကလေးကိုတော့သူမထိန်းချုပ်နိုင်ပါချေ။ ထိုနေ့ကအဖြစ်ပျက်ပြီး မိုးထက်ဝဠာ ခွန်းမောင်တပည့်တွေကြားမျက်နှာပင်မပြရဲ။ဆေးရုံက ဆင်းလာတဲ့အခါ မိုးထက်ဝဠာက သူ့အိမ်ကိုသာပြန်လေသည်။ညရောက်တဲ့အခါတံခါးခေါက်သံကြောင့် အိမ်ပြင်ထွက်လာတော့ ခပ်တည်တည်နှင့် အိမ်ပြင်တွင်ရပ်နေသောခွန်းမောင်ကိုမြင်လိုက်ရ၏။
ဘောင်းဘီအိတ်ကပ်ထဲ လက်ထည့်ကာ၊ အောက်ကနေ ခပ်ချေချေကြည့်နေပုံမှာ အလွန်ကိုအထက်စီးဆန်လွန်းသည့်အကြည့်ဖြစ်လေသည်။
"ဘာကိစ္စရှိလို့လဲဟင်"
"ကိစ္စရှိမှလာရမယ်ပေါ့!"
"အဲ့လိုလဲ မဟုတ်..."
"အဲ့တာဆို အကြွေးပေး!"ထိုစကားပြောပြီးနောက် ကလေးများမုန့်တောင်းစားသလို လက်ဝါးကိုဖြန့်တောင်းနေ၏။မိုးထက်ဝဠာ ဘာလုပ်ရမည်တောင်မသိ။
မိုးထက်ဝဠာမှာသူ့ရုပ်ကလေးအတိုင်းအနေအေးပြီးစကားနည်းတဲ့ မအူမလည်လေးသာဖြစ်လေသည်။တစ်စုံတစ်ယောက်က သူ့ကိုအခက်တွေ့အောင်လုပ်တဲ့အခါ စ နေတာသိရင်တောင် သူဘာလုပ်ရမည်မသိ။
ခွန်းမောင်သည် ထိုအမူရာကိုကြည့်ကာ အနည်းငယ်မျက်နှာလွှဲသွား၏။ ရယ်သံတိုးတိုးလေးကြားတဲ့အခါ မိုးထက်ဝဠာပို၍အရှက်သည်းသွားမိသည်။
အိမ်ပေါ်ခေါ်တင်ပြီးနောက်တွင် ခွန်းမောင်က သူ့အိမ်၊ သူ့အိုးလို နေထိုင်ကာ မိုးထက်ဝဠာကတော့ကြုံ့ကြုံ့ကလေး။
"မင်းဘာစားပြီးပြီလဲ"
"ဘာကျွေးချင်လို့လဲ"
"......."
ခွန်းမောင်က ဘာသဘောနှင့်ပြောသည်မသိပေမဲ့မိုးထက်ဝဠာကတော့ရှက်ကိုးရှက်ကန်းဖြစ်ရပြန်သည်။ ထို့နောက်မီးဖိုဆောင်ထဲဝင်ကာ မွှေနှောက်ရပြန်သည်။
အိမ်မှာမနေတာကြာပြီမို့ ထွေထွေထူးထူးစားစရယ်လို့မရှိ။ ရေခဲသေတ္တာဘာညာလည်းမရှိသည်မို့ အခြောက်အခြမ်းအချို့သာရှိလေသည်။
ESTÁS LEYENDO
ပြန်ချစ်လေဗျာ လိမ္မာပါ့မယ် (My Universe)
RomanceMY Creditor Side Story ပါ။ Parallel Universe သဘောမျိုးပြန်ပြီး Creation လုပ်ထားတာမို့ main story နဲ့ မသက်ဆိုင်ပဲ အရင် character ကို ရသအသစ် တစ်မျိုးနဲ့ထပ်မံဖတ်ရူနိုင်မှာဖြစ်ပါတယ်ရှင့် 🤎 Cover Artist - B Ka Lay 🖤