الشوارع طفت والناس اختفت
والمدن سكرآنه
ادور يانشد وين انته وين آنه
تقي محمد
﹌﹌﹌﹌﹌﹌﹌﹌﹌﹌﹌﹌﹌﹌﹌
يمكن اصعب سنة مرت علية هاي السنة من مشاكل من تعب من ضغوط نفسية مــا اعرف اذا راح تنتهي هاي السنة بــ معاناتها
جــنت حيل تعبانة وزعلانة وماخذ من خاطري عليه بس ڪُلشي تبخر من شفتة شلون تعبان هو ابوية الــي رباني ومستحيل انكر فضلة ابدا انا هسة واڪُفة بــ طولي بــ نجاحي بــ فضلة هو وبس
لحظة ڪُال الدكتور انو شاڪُ بي هل مرض مــا تحملت وكعت من الطولي
فكرة يصير شي بي مــا أڪُدر اتقبلها لذلك مــا كدرت استوعب الــي كالة
صحيت بــعد فترة على ڪُلام الدكتور هو يكول::- كلبها حيل تعبان بــ الاضافة الى المضاعفات الــي صاير الها بــعد العملية و غير هيج عدها نقص حاد بــ الحديد البنية حيل تعبانة وين جنتو عنها مــا حسيتو بــ تعبها
نزلت دموعي الوحيد الــي حس بــ تعبي مّرَيَـضّ وتعبان شلون بية يا ربي اخذ من عمري وانطي الها
هـــمست بــ صوت واهن::- الأيــسر وينك
التفتلي بسرعة مهرول ناحيتي::- روحــة للـ الأيــسر
بجيت::- صدك بيك هل مرض
تنهد::- لا تبجين الكاتبة الله يصير
::- لا تعوفني
باوع بــ عيوني عيونة مدمعة عافني وطلع اجة أصــيل دموعة بــ عينة بــاوعلي واردف::- ايـــة لا تعبي فوك تعبة صيري سند الة لا تصيرين تعبة محتاجج ومحتاجنا كلنا
بجيت::- صدك بي هل مرض
دنك راسة دموعة تنزل مسحهن مــا يريدني اشوف دموعة::- راح اخذة لبغداد اشطر الاطباء واذا لزم الامر نروح للخارج مــا عوفة
هزيت راسي مختنكة::- لا تبجين كدامة صيري قوية وكومي على حيلج اذا شافج بــ هل وضع يتعب اكثر
هزيت راسي وكمت ساندة روحــي راح يلزمني بعدت روحــي عنة::- أڪُدر امشي
جر حسرة وكام يمشي وراي يخاف اوكع طلعت لڪُيتة ڪُاعد على الكراسي الموجودة برة وصافن بــ الفراغ عضيت شفايفي مــا أريــد ابجي مو وقتها ايـــة
رفع راسة من شافني امشي ناحيتة ابتسم وكام وكف عيوني تفتر على ملامحة ذاك هو التعب والمرض مبين علية لا يا ربي لا يا الله لا تاخذة مني لا يا ربي
وصلت يمة لزمني من ايدي::- ها بوية تكعدين
ابتسمت من بين دموعي::- لا بس اخذني خليني اروح للبيت تعبت من ريحة المستشفيات
::- نبات هنا كم يوم ونرجع للبيت بس هسة لآزٍمٍ نبقى علمود حالتج
::- الأيــسر صدكني مــا بية شي
أنت تقرأ
قيود عشك الشيخ
Randomإهتضمتْ أزهارها الملوّنةِ المترنّحةِ ايدي التقاليد الخشنة شققتْ ملمسها آثار ( العمّالة )* وزناد البنادق الرعناء تتجولُ في بساتينها الغافيةِ رائحةُ المكر تشوّهُ نظراتها الخائفة عطشُ الحيوانات الهاجعة تحتَ براثنِ السطوة تغدقُ الدموعَ توسلاً انوثتها ال...
