قيود عشك الشيخ

بارت الـ36

‏أمد يدي للجميع،لكن إذا سحبتها لا تعود أبداً .

﹌﹌﹌﹌﹌﹌﹌﹌﹌﹌﹌﹌﹌﹌﹌

هنا بديت الملم ذكرياتي و ڪُلشي يخص هذا اللبيت مــا اعرف اذا راح اطول بــ هل سفرة او لا

سديت سحاب الجنطة الاخيرة و اباوع للغرفة و لكل ركن بيها

دخلن البنات عيونهن مدمعة بـــاوعت الهز و بجيت بــ قهر ركضن حظنني::- راح نشتاقلج

وخرت عنهن وابتسمت::- انا هم والله راح اشتاقلجن حيل

طلعت وياهن لبرة للصالة عمة جميلة تبجي باوعتلي وفتحت اديها رحـت حظنتها ابوس بيها وهي تصيح

::- صفيت وحدي بــ هل دار لا وحد يدك الباب ولا الاحباب

بجيت::- لا تحجين عمة هيج اندعيلنا نرجعة ايد بــ ايد بــ سلامة فدوة اروحلج

::- ان شاء الله عمة ان شاء الله

ودعتهم وطلعت طالعة من العراق ڪُلة بــ الطيارة واباوع من الجامة ابتسمت::- يمة اذا جان النا وقت نلتقي ف احمد الله و اشكرة بس مو هذا الوقت متاكدة مــا ادري اذا أنتِ بــ خير او لا او لساتج تنتظريني لْـۆ لا بس انا أحـــبچ و اتمنى التقي وياج واشم عطرج.....

"بعد مرور سنة" 2019

مرت سنة بــ مرارتها بــ تعب بــ خذلانها بــ دموعها بــ مصاعبها

سنة انا مــا شايفة شنو النوم سنة مــا شايفة الراحة سنة كاملة تعذبت عذاب محد متعذبة سنة بــ هل حدود طلعت روح روح روح روحــي بيها

مــا حبيت اذكر تفاصيلها لان حيل تاذيني وترجعني لنقطة الصفر لايامها وبشاعتها

اليوم انا و الأيــسر كاعدين منتظرين التحاليل الــي راح تعلن الأيــسر لْـۆ متعافي من هل مرض لْـۆ خلاص مـاڪُو امل يعيش

جــنت ڪُاعدة متوترة افرك بــ ادية اباوعلة لابس كمامة وجفوف من كد مــا ضعفان وشاحب من الكيمياوي عيونة صفر و ادي ترعش

انفاسنة مسموعة انا چــاي اسمعها من كد مــا متوترين اجة الدكتور دخلنا علية لزمت ايدة واردف

::- شما يكول الدكتور اريدج تسامحيني ايـــة
نزلت دموعي

::- لا تڪُول هيج راح تعدي هل مرض صدكني

ڪُال بــ بحة صوتة::- تعبت ايـــة

وفعلا تعب تعب حيل تعب من الكيمياوي بــ كل مرة يروح يضرب جرعة يجي جنازة لا يحرك لا ايد ولا رجل ومصخن ويتقيئ روحة طلعت بــ هل سنة روحة طلعت

مــا بقت لا سيارة لا بيت لا مزارع لا كاع مـاڪُو شي مــا بعناه مـاڪُو شي صفينا على حديدة بس كون ميخالف كون يصير زين

دخلنا للدكتور باوعلي مبتسم واليأس تارس وجه::- بشر دكتور

ضحك الدكتور واستبشرت ملامحة::- الحمد الله الامور كلها تمام و أنت نشافيت من مرض السرطان