ကျောင်းမြတ်ခင်းစိမ်းလေးရဲ့ရည်းစားဟောင်းအဖြစ်သို့...(ကျင်းစစ်)

chapter 104

Chapter 104
September 29, 2023
Chapter 104

ကျင်းစစ်၏ အောင်မြင်မှုသည် တုန်းဟိုင်စီရင်စုအထက်တန်းကျောင်း တစ်ခုတည်းကိုသာ စိတ်လှုပ်ရှားနေခြင်း မဟုတ်ဘဲ အပြင်ကမ္ဘာကြီးကိုလည်း တုန်လှုပ်စေခဲ့လေသည်။ တုန်းဟိုင်ပြည်နယ်စုမှ သေချာကျွမ်းကျွမ်းကျင်ကျင် မလေ့ကျင့်ခဲ့ရသော ပြိုင်ပွဲဝင်သည် နိုင်ငံ့အရန်အသင်းသို့ ဝင်နိုင်သွားသည်ကို လူအများသည် မယုံနိုင်ခဲ့ပေ။

စာရင်းကို ထပ်ကာထပ်ကာ ကြည့်ပြီးနောက်မှသာ သူတို့သည် မှားယွင်းမဖတ်ခဲ့ကြောင်းကို အတည်ပြု၍ လက်ခံနိုင်သွားလေသည်။

[တချို့လူတွေကို သာမန်မျက်လုံးနဲ့ မမြင်နိုင်ဘူးပဲ ငါတော့ ဥာဏ်ကြီးရှင်တွေရဲ့ လောကကြီးကို နားမလည်ပါဘူး]

[ငါနားလည်ပြီ ကျင်းစစ်ဆိုတဲ့ ပြိုင်ပွဲဝင်ရဲ့ အဓိကက သင်္ချာဘာသာပဲ သူ့ရဲ့ အခြားအလုပ်ကကျတော့ မျက်နှာဖြတ်ရိုက်တာပဲ]

[ငါသာ တုန်းဟိုင်ပြည်နယ်စုက လူဆိုရင်တော့ တခြားဘာမှ မပြောဘဲ သူ့ကို မြှောက်ပင့်ချီးမွမ်းနေမှာ ]

[ငါ့မျက်နှာကတော့ အရိုက်ခံရလို့ ယောင်သွားပြီ ဒါပေမဲ့ ဘာလို့လဲတော့မသိဘူး ထူးထူးဆန်းဆန်း စိတ်လှုပ်ရှားနေတယ် မတ်လ နိုင်ငံ့အသင်းရဲ့ ရွေးချယ်ပွဲကို စောင့်မျှော်နေပါပြီ]

[အပေါ်ထပ်ကလိုပါပဲ +1 ကျင်းစစ်ကိုပဲ ဆက်အာရုံစိုက်နေပြီး သူ့ရဲ့နောက်ဆုံးရွေးချယ်ပွဲအထိ စောင့်နေပြီး သူဘယ်ထိ သွားနိုင်မလဲ စောင့်နေပါတယ်]

နှစ်စဥ်နှစ်တိုင်းတွင် ကောလိပ်ဝင်ခွင့်တွင် အဆင့်တစ်ရသောသူအား ကျယ်ကျယ်ပြန့်ပြန့် ဖော်ပြမည် ဖြစ်သည်။ ကျင်းစစ်၏ မကြုံစဖူး အောင်မြင်မှုကြီးမျိုးကို မဆိုလေနှင့်။ အဖေကျင်းသည် ကျင်းစစ်၏ ပြိုင်ပွဲရွေးချယ်မှုကို ဂရုမစိုက်သော်လည်း ထိုနေ့တွင် သတင်းကိုသိလိုက်ရလေသည်။

သူသည် ဝဘ်ဆိုဒ်တွင်တင်ထားသော ထိုသတင်းပိုစ့်အား ဗလာဖြစ်နေသောအကြည့်ဖြင့်ကြည့်ရင်း သူ့ဆီမှ သာမန်ချီးကျူးခံရရုံဖြင့် အကြာကြီးပျော်ရွှင်နေတတ်သော ထိုကလေးအား တွေးလိုက်မိသည် ပထမဆုံးအကြိမ်အဖြစ် သူ၏ နှလုံးသားထဲတွင် နောင်တရလိုက်လေသည်။