<Unicode>
ဆူညံနေသည့်နေရာအကျယ်တွင် မိုက်ခ်ကိုင်ပြီး announcer က ကြိုးဝိုင်းအတွင်းသို့ဝင်ရောက်လာသည်။
"ပွဲစဖို့ မိနစ်ပိုင်းဘဲလိုပါတော့တယ် လူတိုင်းကလည်း လိုင်နဲ့ဒရာဂိုရဲ့ပြိုင်ပွဲကိုကြည့်ဖို့အဆင်သင့်ဖြစ်နေကြပါပြီ ဒီပွဲရဲ့ထူးခြားချက်တစ်ခုက ဒရာဂိုက သူ့အဖေလို လက်ဝှေ့ချန်ပီယံမဟုတ်ပါဘူး ပြိုင်ပွဲဆိုတာဘာမှန်းတောင်သိမယ်မထင်ဘူး ဒါပေမဲ့လိုင်ကတော့.."
"လိုင် လိုင် လိုင် !!.."
Announcer ပြောနေချိန်တွင် ပရိသတ်တွေဟာ လိုင်ရဲ့နာမည်ကိုအကျယ်ကြီးအော်ဟစ်လာကြသည်။
"ပရိသတ်တွေကတော့ လိုင်ရဲ့နာမည်ကြားတာနဲ့တင် စိတ်လှုပ်ရှားလာကြပါတယ် လိုင်ကတော့ လက်ဝှေ့လောကရဲ့ချန်ပီယံဖြစ်သလို ဒရာဂိုရဲ့ဖခင်ကိုလည်း အနိုင်ရရှိခဲ့သူပါ ကဲအားလုံးဘဲ လိုင်ကိုကြိုဆိုလိုက်ရအောင်..."
Announcer အော်လိုက်ချိန်တွင် လျှောက်လမ်းရှိမီးရောင်များသည်မှိတ်ကျသွားပြီး ခနတိတ်ဆိတ်သွားသည်။
အနည်းငယ်မြူးကြွတဲ့တီးလုံးက တိတ်ဆိတ်နေတဲ့အခန်းတွင်ထွက်ပေါ်လာပြီး ဖုံးအုပ်ထားတဲ့လိုက်ကာတွေကလည်း နှစ်ခြမ်းကွဲသွားခဲ့သည်။
ထိုနေရာကနေ ဦးထုပ်ပါသည့်အင်္ကျီအနီရောင်လက်ပြတ်နဲ့ဘောင်းဘီတိုအနီရောင်ကို ဝတ်ဆင်ထားတဲ့ လိုင်က ဦးထုပ်ဆောင်းရင်းထွက်လာသည်။
ညာလက်သီးနဲ့ဘယ်လက်ဖဝါးကိုထိုးနေရင်း တီးလုံးအတိုင်းကခုန်ကာထွက်လာသည်။ပရိသတ်တွေဟာလည်း ထွက်လာတဲ့လိုင်ကြောင့် အရူးအမူးအော်ဟစ်ကာ အားပေးလာကြသည်။
လိုင်က ကြိုးဝိုင်းကိုမဝင်ခင် ကြိုးကိုကိုင်ပြီး ပရိသတ်တွေဘက်လှည့်ကာ နားထင်နားလက်ညိုးလက်ခလယ်ပူးပြီး အလေးပြုသလိုလုပ်ပြလိုက်သည်။
ပြီးနောက် ကြိုးဝိုင်းထဲကို အပေါ်ကနေခုန်ဝင်သွားပြီး အထဲတွင် မြှောက်ကြွမြှောက်ကြွနဲ့ ခုန်ကာ လက်ဝှေ့ရေးပြနေသည်။
"စိန်ခေါ်ခံရသူ ဒရာဂိုကို တစ်ဖန်ပြန်ကြိုဆိုလိုက်ရအောင်"
