Paikot-ikot, Patingin-tingin [isang Tulaserye]

TULA 4: Ngumiti-ngiti, Umiyak-iyak

Ayaw ko nang malaman

kung ano ang naging next move mo

Bakit pa?

Kailangan pa ba?

Hindi naman malayo

na magiging kayo

Wala na kami

Matagal ko nang alam

Marami kasing hadlang

at mga nasasaktan

sa aming pagmamahalan

Marahil hindi ako

ang nakatadhana sa kanya

Kundi ikaw

Sana ikaw

Tanging hiling ko lang

at dasal sa Maykapal

na sana sa piling mo

hindi siya malulungkot

Nakangiting tiningnan ko kayo

habang kayo

ay naglalakad palayo

Hanggang sa kayo

ay hindi na makita

ng aking mga mata

na malungkot na lumuluha