Paikot-ikot, Patingin-tingin [isang Tulaserye]

TULA 16: Nasawi-sawi, Ngumiti-ngiti

Ako'y sawi

sa pag-ibig niya

na akala ko'y

walang maliw

Subalit

tulad ng gagamba

gumawa siya

ng sapot

at agiw

Para siyang

magandang

painting

Hindi nakasasawang

tingnan

Ngunit

para rin siyang

pares ng sapatos

na hindi kasya

sa aking mga paa

Kaya nandoon

sa mga paa ng iba

Magagawa ko pa kaya

na kalimutan siya?

Sa palagay ko'y hindi

Hindi na

Sapagkat

bahagi na siya

ng aking puso

at isa sa mga humubog

ng aking pagkatao

Ako'y ngumiti

Aking inintindi

na ganoon talaga

ang pag-ibig

Dapat handa kang ngumiti

at handa ring masawi

At muling ngumiti

pagkatapos masawi