Taking Chances (Published Under Bliss Books)

Kabanata 3

Kabanata 3

Ngiti

"What?" I narrowed my eyes at him. Kinunutan ko rin siya ng noo.

"Kunwari ka pa, eh. Narinig mo naman..." Ngumuso siya. "Gusto mo ba iyon?" Hindi ko siya sinagot at sumulyap sa lalaking tinutukoy niya. Nilingon ko siya at inismiran.

"So? Cute naman siya," sagot ko at nakita ko ang pagkairita sa mukha niya. Nagtaka pa ako nang makita ang pag-igting ng panga niya na parang nagpipigil.

"Mendoza, Frederick," biglang sabi niya na ikinagulat ko.

"Ano?" Tumaas ang sulok ng labi niya at sumulyap sa lalaki kanina. "He'll be fired any minute from now." Nanlaki ang mga mata ko at napasinghap.

"Ano bang sinasabi mo?!" I hissed at him kasabay ng pag-atake ng kaba ko dahil sa sinabi niya pero nginisian niya lang ako at parang batang tiningnan ang kuko niya.

"Mr. Salcedo!" mataas na boses at mariing sabi ko. Mukha naman siyang na-amaze at lumiwanag ang mukha niya.

"Greg na lang. Pormal mo naman masyado, Ally." Halos mabilaukan ako sa sarili kong laway sa sinabi niya. Seriously? Ally?

"Don't call me that. Hindi tayo close." Umirap ako at inilagay ang kamay ko sa mesa. Kumuha ako ng tissue at ipinamunas sa noo ko dahil sa pawis ko kanina. Nagtaka naman ako nang biglang tumawa ang manyak sa harapan ko habang nakapangalumbabang nakatingin sa akin.

"Close na tayo! Remember our scene sa office?" Agad akong pinamulahan ng pisngi nang tinuro niya ang labi niya bago ang labi ko at pagkatapos ay iminuwestra pa sa kamay niya ang naghahalikan.

"Shut up!" pagpigil ko sa kanya at mukhang mas natuwa pa ang gago.

"Hindi lang iyon. Ang sarap sa feeling ng boobs mo sa—"

"Bastos!" Binilot ko ang tissue na hawak ko at tinapon sa mukha niya. Matutuwa na sana ako nang tumama iyon sa mukha niya mismo pero hindi ko na nagawa dahil sa nasalo niya ang tissue at saka inamoy.

"Ang bango naman ng pawis mo.."

"Argh! Shut up!" Konti na lang ay sasabog na ako sa inis! Nakakuyom na rin ang kamay ko at kaunti na lang talaga ay sasalubong na ito sa mukha niya!

"Bakit ka namumula? You kissed me back... Gusto mo rin 'di ba?" Huminga ako nang malalim at pinigil ang sarili ko. Malamig ko siyang tiningnan at mukhang nahalata niya at napaayos siya ng upo.

"Bakit?" nagtataka niyang sabi. Hindi ako sumagot at nagbuga lang ng hangin.

"I'm not here for your non-sense reminiscing, Mr. Salcedo. I'm here to talk about our company's proposal because Mr. Agoncillo can't make it today." Tumikhim naman siya sa sinabi ko at sumeryoso ang mukha pero nakakunot ang noo.

"Let's order first, shall we?" seryosong sabi niya at tinitigan ako. Hindi naman ako nakapagsalita at parang naputol ang dila ko. Bubbly Greg was handsome but this serious one was intimidating and more freaking hot. "Is that okay with you?"

"Y-Yes..." Mabilis akong nag-iwas ng tingin dahil sa hindi ko na kaya ang intensidad ng titig niya. Nakakapaso at mapanganib.

Agad ko namang tiningnan ang menu na nasa harapan ko at itinaas hanggang sa mukha ko para hindi na makita ang mukha niya. Kinagat ko ang labi ko at napailing-iling habang nakatitig sa menu na nakatakip sa mukha ko. Parang bumalik sa akin ang mga ala-ala na ilang taon ko nang ibinaon pero nang makita ko siyang muli ay nahukay.

"May order ka na?" Halos mapatalon naman ako sa gulat nang magsalita siya at napakurap-kurap ako. Bahagya akong sumilip sa may menu at tiningnan siya.