Taking Chances (Published Under Bliss Books)

Kabanata 5

Kabanata 5
Mainit

"Miss Madlang-Awa, how was the proposal going?" nakangiting tanong sa akin ni Sir. Kasalukuyang nasa opisina niya ako para i-report ang nangyari sa dinner kuno namin no'ng gwapong manyakis.

"It's fine, Sir," mahinang sagot ko at nag-iwas ng tingin.

"Good to hear that. Tell me kung anong pinag-usapan n'yo. Is he good to you?"

Dahil sa tanong na iyon ay biglang sumagi sa utak ko ang nangyari nitong mga nakaraang araw...

Pagkalapat ng labi sa akin ni Greg ay totoong nawala ako sa sarili ko. Hindi ko alam kung anong sumanib sa akin para mahikayat na halikan siya pabalik at inikot ko pa ang kamay ko sa leeg niya!

The heck! I shouldn't have done that!

Mabilis ko rin siyang naitulak pagkatapos noon at parang baliw na nagtatatakbo palayo kahit na naiiskandalo ako sa pagtawag niya sa pangalan ko.

I wan to punch myself for that!

Wrong move, Allison!

Bakit ko siya hinalikan pabalik?! As if namang gusto ko! Well, gusto ko talaga!

Napangiwi ako sa naalala. Hindi na rin ako magsisinungaling sa sarili ko na aminin na nakakawala sa sarili ang halik niya. Iyong pagtama pa nga lang ng hininga niya sa labi ko, nagkukumbulsyon na ako, eh! Partida, paano pa kaya kapag lumapat na?

Damn! Get rid of your nasty thoughts, Allison!

"Allison?" Halos mapatalon ako sa gulat nang may magsalita sa harapan ko at napaayos ako ng upo.

"Sir?" Nangunot ang noo niya at mukha siyang na-we-weird-uhan sa nangyayari sa akin.

"Are you fine? You seem preoccupied," sabi niya.

"Ah, yes, Sir. Medyo masama lang kasi ang pakiramdam ko," palusot ko. Tumango naman siya at tumayo sa upuan niya.

"Rest, Miss Madlang-Awa. Mag half day ka na lang. You did a good job at na-impress daw si Mr. Salcedo sa proposal," natutuwa niyang sabi kaya kitang-kita ko na ang kulubot sa mukha niya na senyales ng katandaan.

Napaismid ako. Impress? Talaga? Eh, hindi naman nakinig iyon, eh!

Nagpasalamat ako bago nagpaalam palabas. Agad kong inayos ang gamit ko at umuwi sa bahay na inuupahan namin.

Mabilis akong nakauwi at agad na sinundo si Chance sa tindahan nina Manang Elsa. Naabutan ko silang nanonood ng isang sikat na noon time show at nagtitilian dahil sa nag-date ang love team na naroon.

"Ang dimples ni Alden!" Natawa ako nang marinig kong nagsalita si Manang na napaghahalataang kinikilig.

May edad na, kinikilig pa? Well, wala namang limitasyon ang kiligin.

Katabi nito ang anak niya at si Chance na nakikinood din at nakangiti.

Agad akong lumapit at hinalikan sa pisngi ang anak ko na agad din akong nilingon.

"Mama ko!" sigaw niya at natawa ako nang agad niya akong dambahin ng yakap. Muntik pa nga akong matumba pero mabuti na lang at nakabalanse ako kaya niyakap ko siya pabalik. Inilapag ko ang dala ko at kinarga siya.

"Bigat na ng baby boy ko," I teased him. Napalabi siya. Sa ginawa niyang iyon ay lumubog ang biloy niya kaya kinurot ko nang marahan ang pisngi niya.

"Bad si Mama!" Natawa ako nang sumiksik siya sa leeg ko at mas humigpit ang pagkakayakap sa akin. Nagpasalamat muna ako kina Manang Elsa at sa mga kasamahan niya roon bago kami umuwi ni Chance sa bahay.