POSSESSIVE 16: Titus Morgan

CHAPTER 16

Hi to Carla Katrina Chin Convocar and to Therese Rendon.

CHAPTER 16

HINDI MAPIGILANG MAPANGITI ni Mace nang makapasok siya sa kusina at nakitang nagluluto si Titus ng pancake habang mahinang kumakanta at gumagalaw ang balakang na parang sumasayaw.

Pagkatapos siya nitong angkinin kanina sa walk-in closet-- at hindi lang 'yon tatlong minuto-- sa wakas ay pinalabas na siya nito para asikasohin ang anak nila.

Pinaliguan niya si Ace habang nauna na si Titus na bumaba sa kanila para magluto. Nang iwan niya si Ace sa itaas dahil kaya naman daw nitong magbihis ng mag-isa, naabutan niya si Titus sa ganitong eksena.

Pinigilan ni Mace ang sariling matawa habang pinagmamasdan ang binata at nakikinig sa mahina nitong pagkanta ng Shape of You ni Ed Sheran.

At nang hindi na niya napigilan ang sarili kapagkuwan, sumabay na siya sa pagkanta nito.

Mabilis na nilingon siya ni Titus saka napangiti ng makita siyang kumakanta.

"Hey, bonita."

Tinaasan niya ito ng kilay. "Espanyol?"

He grinned. "I'm trying to learn. Tama naman ako diba? Bonita means beautiful, yeah?"

Tumango siya. "Yes, hermoso." Nginitian niya ito. "Hermoso means gorgeous." Kapagkuwan ay lumapit siya sa binata. "Bakit mo naman gustong matuto?"

"Kasi—" Hinawakan siya nito sa baba saka hinalikan siya sa mga labi. "Amg mag-ina ko, ang daming alam na lengguwahe. Nakakahiya naman kung ang papa hindi, diba?"

Inirapan niya ito saka matamang pinagmasdan ang binata. "You look happy."

"I am happy." Titus smiled, then held her hands and started dancing as he continued signing Shape of You.

Mabilis ang tibok ng puso niya habang hawak ni Titus ang kamay niya at pinapaikot siya saka niyapos ang beywang niya habang nagsasayaw silang dalawa.

Patuloy pa rin ito sa pagkanta habang yakap siya sa beywang at nagsasayaw silang dalawa.

Hindi maipaliwanag ni Mace ang sayang nararamdaman niya habang kumakanta si Titus at nagsasayaw silang dalawa sa kusina. Parang nag-uumapaw ang saya sa dibdib niya at napakasarap niyon sa pakiramdam. Ayaw na niyang tumigil ang sandaling 'yon na masaya siyang kasama si Titus.

Kahit sandali lang, nakalimutan niya ang sitwasyon nilang dalawaa sa kanilang dalawa, ang puso lang ata niya ang nagmamahal dito. Kahit anong saway niya sa puso niya na hindi tumibok para kay Titus, kahit anong pigil niya, kahit anong babala niya, hindi pa rin nagpapigil ang puso niya na mahalin ito. Hindi naman nawala ang pagmamahal niya sa binata, mula noon, hanggang ngayon, nandoon pa rin iyon sa puso niya. Nakalimutan lang siguro niya, pero hindi nawala sa dibdib niya ang nararamdaman niya para rito.

Mahal niya si Titus noon kahit wala itong sinasabi sa kaniya kung mahal din ba siya nito o hindi. Sa loob ng mahigit isang taong relasyon nila at hanggang ngayon, pilit man niyang pinapatay ang pagmamahal na nararamdaman para rito, nandoon pa rin. Mahal pa rin niya ito. At yon ang masakit, kasi wala naman siyang naririnig mula rito.

Kaya 'yong pagtitiwala niya rito, napakahirap ibigay. Yong pagdududa, napakahirap burahin. She needed words. She needed to hear him say the word that would change her mind.

At nang paikutin siya nito paharap dito at yakapin siya sa beywang, nagkatitigan sila at sabay na napangiti.

"Matagal-tagal na rin pala mula ng sumayaw tayo," wika ni Titus habang nakatitig sa kaniya. "At matagal-tagal na rin mula ng gawin natin 'to. Naalala mo, kinakantahan mo ako no'n tapos nagsasayaw tayo?"