Imperfections of Being Perfect

Chapter 13

Chapter 13

I will, for you

Kinaumagahan ay nagising na lang din ako sa paghatak ni Amy sa akin sa higaan ko. Hindi ko alam kung bakit niya ako pinagmamadali at tinulak papunta sa pintuan. Pinabubuksan pa niya iyon sa akin, eh pwede naman niyang gawin iyon ng mag-isa siya.

Pagkabukas ko naman ng pinto, nagkakamot pa ng mata ng makita ko kung sino ang bumungad sa akin. Agad ko rin napansin ang camera sa likod nito. Sa hindi ko malamang dahilan, naisara ko na lang din naman ang pinto. Ang bilis ng kabog ng dibdib ko dahil nagulat talaga ako sa nangyari. Hindi ko naman inaasahan na may ganitong eksena pala na mangyayari.

"Amy!" tawag ko dito. "Hagis mo 'yong bathrobe!"

Natatawa naman nitong hinagis iyon sa akin. Agad ko rin namang binalot iyon sa katawan ko at dali dali na binuksan ang pinto. Nginitian ko rin naman kaagad si Simoun. Nakatitig naman ako sa mukha niya at naiinis ako dahil siya ay bagong ligo na pero ako ihaharap nila ako sa camera nang wala pang hilamos? Hustisya.

Nang alisin ko naman ang tingin ko sa kanyan mukha ay napatingin naman ako sa hawak niyang tray. Wow naman, may pa-breakfast in bed pa si Simoun.

"Ano 'to?" natatawa ko pang tanong.

Napangisi naman ito, "breakfast for the beautiful." Aniya.

Pumasok naman siya sa loob ng kwarto ko at nilapag iyon sa table. Hindi naman ako masyadong komportable dahil sa may camera nga. Ito rin 'yong kinakaayawan ko noon, kapag sikat ka, lahat na lang nakatutok sayo kaya pati mga galaw mo ay gagawan nila ng issue. Kung ano ano namang ginawa namin ni Simoun.

Sinusubuan niya ako ng pagkain tapos kung ano anong usapan tungkol sa pag-ibig at experiences dito sa boracay. Hindi naman boring kausap si Simoun dahil mapapangiti ka na lang din all the time kahit tumitig ka lang sa mukha niya. Gwapo si Simoun, hindi ko na iyon itinatanggi.

Binulungan ko naman si Simoun na maliligo lang ako sandali at doon naman cinut ang scene. Nakahinga naman ako ng maluwag, naghintay naman si Simoun sa labas ng kwarto ko. May pupuntahan daw kaming dalawa, may surprise daw siya para sa akin. Nagmadali na rin naman akong mag-ayos sa sarili ko.

Isag white beach dress naman ang sinuot ko. Halos makuha ko na naman ang mga mata ni Simoun at hindi na naalis sa akin. Napagpasyahan naman namin na pumunta na sa sinasabi niyang lugar, nakasunod lang sa amin sina Amy at Scott, binabantayan din ako ng dalawa syempre.

Habang papunta kami sa may mga sun loungers ay may tumakbo naman sa akin na dalawang kabataan na hawak hawak ang libro ko. Mabuti na lang ay girl scout sila at may dala na silang ballpen dahil wala akong dala. Pinirmahan ko naman ang mga libro nila, nagdemand pa na pumirma rin daw ni Simoun Blake ang libro kaya pumayag din naman siya. Sa huli ay nagpapicture pa sila sa amin.

"Bagay po talaga kayong dalawa!" sabi naman ng isang babae.

"The most perfect couple in the world." Nang sabihin iyon ng isa pang babae ay nagkatinginan na lang din kaming dalawa ni Simoun at natawa.

Sino bang mag-iisip ng gano'ng title? May pauso na naman ba? Bakit hindi ko alam 'yon? Hindi tuloy nawala iyon sa isipan ko at mukhang kapag nailabas ang episode na ito ay magiging tampok na naman ang tawag na iyon. Sinabi ko nga sa sarili ko na after nitong series na 'to ay okay na ako, titigil na ako, gusto ko na bumalik ulit sa normal dahil ayoko namang magtagal sa limelight. Ayokong bawat gising ko, lagi na lang sila nakaantabay sa mga gagawin ko.