I Kissed The Playboy..

IKTP - 10

Nandito na 'ko sa office ni Ate at nag bibihis ng uniform ko. Tinatamad akong mag trabaho ngayon, sana pala hindi nalang ako pumasok papayag naman si Ate panigurado eh. Haay! Kaso wala na, nandito na 'ko kaya no choice kundi mag trabaho.

"K, saan maganda mag team building?" Tanong ni Ate sakto sa pag tapos kong mag bihis.

I face her. "May plano kang mag pa-team building?" Tanong ko.

Mukhang magiging... boring 'yun. Pag natuloy hindi ako sasama.

"Yah, I'm looking for a place. May maisa-suggest ka ba?"

"Mmm. I don't know, wala akong alam dyan."

"Tingin mo magandang mag beach? Sakto malapit na ang summer."

"Tingin ko magugustuhan nila 'yun."

"Tingin ko din. Okay salamat, mag trabaho ka na." Tumalikod na 'ko at aakma na sanang mag lakad pero may pahabol pa siyang sabi. "Wag mo munang sabihin ang tungkol dito sa kanila."

"No problem." Sagot ko sabay lakad palabas ng office.

Paglabas ko naghanap agad ng gagawin. Dahil maraming costumer ngayon naging madami ang gagawin kaya 'yung oras hindi ko na rin namalayan hanggang sa dumating ang break time ko.

Plano ko na sanang pumunta sa counter nang marinig kong nag bukas ang pinto ng Cafe, tumingin ako dun sandali at napahinto sa paglalakad nang makitang si Scott 'yun.

Nagtama ang mga mata namin pero umiwas din siya ng tingin na medyo may pagka mataray pa nga na akala mo babae kaya napataas kilay din ako.

Anong ginagawa niya dito? akala ko ba galit siya sa'kin?

Pumwesto siya sa lagi niyang pinupwestuhan dito sa Cafe tsaka siya tumawag ng waiter. Nakita kong si Luna ang tinawag niya, nang papalapit na 'to sa kanya sinenyasan ko siya ng ako-na.

Lumapit ako kay Scott bitbit ang Menu tsaka ko 'to inabot sa kanya.

"What are you doing here?" I asked.

"May ice cream ba kayo dito?" Tanong niya.

"Yah." Sagot ko.

Inabot niya sa'kin 'yung menu. "Yun nalang order ko."

Kinuha ko 'yung menu at nag tanong ulit. "Anong ginagawa mo dito?"

Hindi siya sumagot basta nag suot lang ng headset. Ibig sabihin ayaw niya 'kong kausapin.

Fine! Edi wag!

Ibinigay ko nalang sa counter 'yung order niya para mai-handa. Habang hinihintay ko 'yun naramdaman kong may tumapik sa balikat ko.

Nang tignan ko 'yun si Ate ang nakita ko. "Bakit hindi ka pa nag b-break time?" Tanong niya.

"Hinihitay ko lang 'yung order ni Scott."

Tumingin siya sa direksyon ni Scott. "Nandito na naman pala boyfriend mo."

"Hindi ko siya boyfriend." Pagtatama ko na naman. "Ni hindi nga 'ko pinapansin niyan ngayon eh."

"Bakit anong ginawa mo?"

"Ako talaga agad?"

"Malamang, ikaw ang hindi pinapansin eh kaya paniguradong may nagawa ka."

Sabi ko nga eh.

"Pinalayas ko kasi siya kanina sa bahay eh."

Napa kunot noo siya sa sinabi ko. "Nasa bahay siya kanina?"

"Yup. Nagulat nalang ako kanina nang makita siya na nakaupo sa couch kaya na bwiset ako."

Ate laughed. "Ibang klase, masigasig pala manliligaw mo ngayon."