احبك....شبيها هااي معقولة لو كذب .تحجي ...
لا لا احتمال تشاقه ..ياحب ..باسبوع هذا ..هههههه
يجوز قصدها اعجاب ؟؟؟
دكيت عليها ...مغلق ؟مرة ثانيه نفس الشي ..
عمار اشبيك ..انت يجوز كالتها بعفوية ..اوتشاقه ..موتعرف سوالفها ...
خلي انام احسن ...رحت مددت ع الفراش ..وخليت مخدة فوك راسي ..عود لا افكر ....اسمع صوتها يكول احبك ...
احبك ..وتالي ..شمرت المخدة كمت ..جريت فوني ...دكيت ..مغلق ..بلة شسوي الها هااي .شحجي وياااها..اني صح معحب ومشدود الها بس مو هيج ...
ضليت الليل كوله افكر ...احس امي تكعدني الصبح ...
ها يمه شكو ...
ماكو شي عمورة بس كوم بس اليوم يمنه ....
ساعه بيش
ب 10 نازل وراج ..
اول شي سويته فتحت الفون ..ماكو لا اتصال منها ..ولا شي ...اني هم كلت مادك ..وخلي ارجع للعائلتي احسن ..
ي ي عمار ..احسن قرار ..كمت نزلت ..غسلت وكعدت يم الحجيه ..محضره ريوك ..وجاي مهيل ...وكعدنه نتريك
اسمع مهند صوته عالي ...
هاي شنو يمه ...
عوفه هوة ومرته
شبيهم
ماعرف يايمة ..هذا اخوك ..مو خالي ..
يوم رحمه لاهلج..لاضلين تخبلين بيه ...
سمعت صوت الجهال يبجون ...
كمت دكيت الباب وطبيت ..
شبيك من الصباحيات
شبيه هل حيوانه ..الغبيه...
عليمن ..شكو ..
اني عيني تفتر بلغرفه اشوفها تلم غراضها ..
شكو احجي ..
عود البارحه اني ونايم داكه عليه وحدة ..
وكايله الها اني صديقه مهند..
ومن الصبح مبومه وتبجي ..
اني بومه شكرا مهند ..
صلو ع النبي شجاكم يمعودين ...
عيني استبرق شكو ...
جت امي ..سكتتها اني اعرفها متسكت ..
كتله مهند اخذ امي .واطلع ...
كعدت ع الطابوريه ...وهيه تبجي وتلم بهدومها ..وجهاله يتباجون ...
كتلها استبرق ..يجوز ..تريد تخرب ..
فدوة ابو ادهم انت تعرف شي واني شي
سنين ادوس ع نفسي لان احبه واحبكم واكول يتغير بس متغير ..هسة انت مايوم سمعنه بيك مسوي شي خليني ساكته واروح لاهلي ..وخلي صديقاته يفيدو ..
اسمعي مني ..اذا طلعين تهجمين بيتج ..ونفرض هوة هيج ليش تنطيها مجال تاخذة منج وتدخل حياتكم وتخربها ..بلعكس حاوطي ..والرجال شكد ميكبر هوة طفل ...
ابقي بيتج ..لا طلعين ...
مجاوبت ضلت تبجي ..شكوله اكولها اخويه مو ادمي
..كتلها سمعي مني ..اني اخوج الجبير ..ولخاطري واليوم رايح ..هزت راسها اي اي ...اخذت جهال اخويه وطلعت ...
اشرت اله طب راضيها فات من يمي ضربته ع راسه ...
طلعت للهول
كتلها يمه راح اخذ الجهال اشتري الهم ....
طلعت واتمشى بيهم ...بس الصغيرة شلتها ...وطبينه للاسواق وشترو .وجبت جكاير ...
ورجعت اتمشى الموقف نفسه تخيلت روحي وزينه الي تزعل ....وبسبب سهر ....لا مترهم لهنا وصل
حدها وخلص
ماخسر مرتي واطفالي ...رجعت طبيت ...
كعدت الجهال يمي ..وضلو يلعبون وامي بدت اخوك واخوك ..كتلها يمه كافي ..مرة ورجال ساعه يتعاركون يتكافشون ...عوفيهم ..وابنج ميتغير ..
.ولازم اروح 12الظهر الاجراءات مزعجه هنا ....محجت شي ..طبيت سبحت ..وصعدت بدلت ..ورتبت غراضي ..ونزلت ...مهند واستبرق ..طلعو يضحكون ويسولفون ...ارتاحيت ..اني ..لزمت مهند نصحته وكتله لا تشلع قلبي وقلب امك اعقل عاد ...
وسلمت ع الكل .ومهند اجه يوصلني للمطار ..وطلعت ...جريت الفون
اشوف سهر داكه
شسوي ..عفته ..
دقايق دكت ..
مهند بصفي
مجاوب ..
لا ماكو شي صاحبي .
مالي واهس احاجي ..
اني قلبي نار عليها بس كلت لا انتهت ...
وصلنه للمطار ودعت مهند ووصيته الي اكدر عليه ...
وطبيت بعد كومه ع الرحله ..كعدت بلانتظار ...
دكت ...سهر...
جاوبت ..نعم سهر ..
استاذ عمار ..
مو كتلج ماحب مال استاذ ..
عمار
نعم ...
شونك ..
زين
وانتي ..
موزينه ..
كمت..افتر اروح وارجع ...
شكو ..
ماعرف البارحه شلون كلت هيج ترة ...ما
سهر اعتبريني ماسمعتها ...
عمار ..
نعم ..
اني تعبانه ..وحياتي محلوة ..وعمري كله عشت ..وي زوج امي ..ماعرف حسيت وياك باحساس ممجربته قبل ..
تحجي ..واني وفكري وعقلي بيها ..اني الاكثر اني اسبوع دمرت اعصابي من وراج ..
كتلها مقدر هلشي ..واعتبريني ..اخ ..صديق ...
اشكرك هوايه ..كامت تبجي
شكو هسة غير افتهم ..
ماكو ..انت وين ..
راح تسافر ..
ي طبعا ..
تبجي ..
يابت العالم فهميني شكو ..
ماكدر احجي ..بس تمنيت اشوفك ..
اووف ياسهر..لا تبجين احس روحي طلعت ..اححي وي روحي...
اكدر اتواصل بعد ...
ي عادي باي وكت موجود ..
وضلت تحجي ويايه ..لحد مصار موعد الرحله ...
بربك عمار اول متنزل طمني ترة اضل قلقه عفيه ..
ميخالف ..
باع اقرة الكرسي 3-مرات ..
خوش ..
موتنسى اتصل .
لا لا مانسى ..
ختمته وياها واحس الي العبرة لزمتني ...
ختنكنت ...رحت دوررت ع صاله التدخين . شربت جكارة.
وبالي وفكري بيها ...كملت اخذت جنطتي ..ورحت للطيارة..
الرحله كلها ...اني تعبان ..ومنايم ..زين بين اغفى ..وافز..وكلامها ...وصوتها باذني...
وارجع ..اصحى..افكر ..بمرتي ..وجهالي ...
ماريد ..تطور ..العلاقه..مالهم ..ذنب زينه ..واطفالي ...
وصلت...واني..تعبان..هلسفرة..تعبت ..اعصابي..بس اريد ارتاح...كملت الاجراءت..اخذت ..تكسي ..وصلت للبيت ..
فتحت..الباب...
مرتي ..مغيرة..بديكور البيت..وعالكه البيت ..كله شموع ...
وعطره..يجنن.بهلحضة ذكرت سهر...اخ.سهر...
جتي زينه...لابسه..تراك..احمر..واسود..وصابغه شعرها اسود ...
راحت ..سهر ..من بالي .وتفاجئت بزينه ..رحت عليها ..طلعو الجهال ..
بابابابا..ضليت ابوس بيهم ...وجتي زينه بوستها وحضنتها..بحضنها ردت ابجي ..ماعرف ليش ..حسيت بذنب ...حبيبي ابو ادهم البيت فارغ بدونك
الجهال خبلوني عليك ...
نسيت كلشي وكلت اي راح ارتاح ...
تعشيت بين اطفالي ومرتي ..وكرهت روحي اكثر ..من اشوفها هيج ويايه ...بهل الجو..ارتاحيت ونسيت كلشي..وطلعت سهر من بالي ..رحت سبحت .وطلعت للغرفه..وام ادهم جانت تنوم الجهال ...مددت تخيلت سهر
وجتي زينه ..كتلها ..ولج شطالعه ..ي حبي اريدج هيج
دائما تغير ..ضحكت ..وكضينه الليل سوهه ...نامت زينه ..واني ميت تعب ..بس مكدرت انام ..كمت للهول ..وافتراجه ابالي لحن ..كتبته ..واتخايل سهر ...
ضجت شمرت الاوراق ..ومددت ع قنفه ...دقايق ..وكمت ...جريت ..الفون ..متردد اخابرها اطمنها ...لو لا ...عمار انساها وطلعها من بالك......
