أحمر شفاه

بارت 11

كمت مصدع ..ولك مهند كوم عاد ..شوف حالنه ...
اني اسمع كلامك بعد هاي سهرتك مثلك ..
دعوفني نايم شتريد ..
كوم روح لغرفتك ..
يغفه واكعد بي ..ع صوتي ..
كامت استبرق ..
كالت شكو شبيكم ..
كتلها شوفي حالنه شصاير بينه
يي ضحكت ..
كالت ..شسويتو بليل والحجية ضلت تحجي عليكم بس محست بشي كتلها داسوي اكل الهم نامي ...
دخذي رجلج بلغرفه ..
كومت مهند كوة ...
راح نام ..ورجعت لمت الفراش وتعذرت منها ..ع موقف البارحه ..كالت ولايهمك الله يديم خوتكم ..وراحت ..
رتبت المطبخ ..ههه شمسوين احنه ..لاعبين لعب
.هم .زين معرفت شون الفراش اجانه ..سويت الي جاي ...
جتي استبرق ..ابو ادهم اني اكمل عنك ..
لا فدوة رجعي نامي ..ضلت تحلف بيه ..
عفتها وطبيت سبحت ..صحصحت ورايه طلعه وي سهر ...
جيت شفتها مسويه ريوك ضليت اشكر منها ....
وكتله ربي عوضني بسهر ....كون مثل استبرق
تريكت وبدلت وطلعت ..رحت للبنك ..سحبت فلوس ...خابرت سهر كتلها ..يلا حبي جايكم ..
كالت بعد وكت ..تعال يمنه بلبيت بين مانكمل احنه ..

رحت طبكت السيارة ..ونزلت ..دكيت الباب طلعتلي ..طبيت جوة ..
زوج امها عبدلله نايم واخونها الصغار هم بس هيه وامها كاعدة ...
جلبو بيه الا تتريك ..بس مكدرت شربت بس جاي ..
راحت سهر بدلت ..وامها هم ..
اني كاعد بلمطبخ ..ويصير بوجهي شباك ع الطرمه ...صافن فكري راح يم ام ادهم ...
ماحس الا واحد حضني من ورة فزيت اندار اشوفها سهر ..
كتلها خرعتيني .
اندارت ..وكعدت بحضني ..سهر امج
معليك تبدل ..يلا اشرت ع خدها بوسني منا ..
اني مرتبك لا اهلها يجون ..
ولك بوسني ..منا ..
بستها ..
بعد منا ...
انداريت ماكو احد بستها ..
اشرت ع شفتها ومنا ...
اني ..كتلها سهر اهلج لا تلعبين ع اعصابي ..كومي بدلي ..
كامت كالت زعلت ..
مااه ماااه
بستها ....
هسة اروح ابدل بنشاط ..
رحت ثانيه ورجعت ..حضنتني ..احبك احبك ..
ضليت ..اضحك واحس كلبي ..يدك ..
.وراحت بدلت واجتي وكملت امها ..
طلعنه ..للكاظم عقدنه ..واخذت ذهب ..
وملابس ...بس تشتري وتسالني تقبل لو لا اني اكولها الي بنفسج اخذي لا تفكرين واخذت شي معقول ..وبسيط ..واني زدت فوك ذهبها محبس عجبني كلش ..يصير صب وشذره جبيرة حمرا نفس لون حمرتها .
كلت الها هااي يشبهج الحجر ..مثلج كله حب ..وروح ..وحياة ..ماريد تنزعي ابد ..
كملنة الذهب ..ورحنه نشتري ملابس .
من دنشتري ملابس دكت ام ادهم فهمتها ..لسهر
وطلعت برة ..
الو شونك عمار ..
تمام وانتي والجهال ..
الحمدلله زينين
اكو شي زينة ..
والله عمار اريد اكولك شي ..
نداريت سهر تباوع عليه ...
مشيت ...
كالت ابو ادهم اريد طلب ..
كتله كولي الجهال بيهم شي ...
لا لا ..بخير ...
شكو يامرة احجي ..
فدوة اريد تنطي لامي ورقتين ..
كتلها مال شنو ..
كالت مريضه ..
والراتب خلص ..
ودين ..ترجعها..
كتلها سهله تدللين ..
اليوم اوديها ..
زينة ....هنا حسيت بذنب ..داخل روحي
مشتاقلج ..
سكتت كالت اني هم ..والله شوكت تجي كتلها اتاخر عندي شغل علمود الايجار اكمله ودافتح هنا صاله مال رياضه مو كتلج ..
كالت بيها الخير ..موتنسى الفلوس اني مكدرت ادز منا كلت خاف تتاخر كلشي يصير ..
سهله لا تحسبين عتبريها وصلت ..
ام ادهم ديري بالج ع الجهال .
بعيوني سلملي ع اهلك ..
انتظرت تكول احبك مشتاقه الك ..اريدك ....بس كلعادة سكتت
راحت ..
رجعت صارت القبه بوجهي ...كتلها دخيلك سيدي ومولاي ..يسرها عليه... ماريد شي بس اعيش مرتاح ..ودعيت لاهلي واطفالي ...
جتني سهر ..
حبي خوما اكو شي
لا ماكو ام ادهم تسال
كملتي اي كملت نرجع ..
بكيفك ..منزور ..كتلها غير مرة ..
شكولها البارحه شارب واليوم ازور ..
رجعنه غديتهم بمطعم ..
وكتلها سهر عندي شغل اكمله ..واتصل بيج ...
وصلتهم للبيت ..
الوكت ظهر ..بس اكو مجال اكمل شغلي ..
رحت وديت الفلوس لام زينة ..
بس الوجوه ثكيله ومتتفسر ..كلت الف عين لاجل عين تكرمو....سلمت الفلوس وطلعت ..
بقت شغله الاجارات..مابقى وكت ع  باجر راح الوكت ..
رجعت للبيت تعبان منايم ..
بس اريد انام ..
اول مطبيت طلعلي مهند ..
ولك عمار ..
شكو خير...
كال امك ..لازمه العودة ..ولك ياعودة هههههه ..راح تعلسنة
بربك كول غيرها ....ارجع ههههه
اشاقه ..
وضل يسولف طلعت استبرق مكعدتنه ومنومتنه ع الفرش ..وتكول اجر بيك للغرفه متقبل ويضحك ..
كتله هاي دروبك موو ..توبة اطلع وياك ..
حقك مو هم استاذ وهم فنان وعاشك ..
كتله الله ذكرتتي بلعزف اريد اعزف ..
ههههه دتعال امي تعزفلك ...
طبيت .لامي كعدت يمها ..يمه وينكم البارحه واني قلقه ومنايمه وين صرتو ..مهند يجاوب موكتلج بيت صديقنه ..وسهرنه ..انت انجب ..لا تفسد الولد ..
وبقت تسأل اني تعبان ومسطور ..همه صبو غدة ..
حته لا تحجي امي اكلت شويه وكلت الهم تعبان اربد انام ..
صعدت فوك بدلت دكيت ع سهر حجيت وياها ..كالت تعال تعشة يمنه اليوم واريد اشوفك مشتاقه الك ..
كتلها حبي اجي ..ان شاءالله بس اريد انام تعبان عود كعديني ..
سديته منها ونمت ...
حسيت الفون يدك ..جريته سهر ..
صح النوم..ياحلو  ساعه سبعه
جذب
والله يلا قلبي اننتظرك ..
اوك حياتي جاي بس احضر روحي ..
شمرت الفراش ..وكمت طلعت هدوم .بنطرون ..وقميص شي رسمي ونزلت سبحت ...وزينت اني اسوي لحيه خفيفه .. رتبتها وطلعت ...بدلت ..وكلت الهم طالع وي امجد صديقي ..
ضلت امي تسال بس غلست وطلعت ...
السيارة جان ماخذها مهند رحت تكسي ..والطريق كله مشغل اغاني ..مزعجه ..اخر شي كتله خويه ترة صدعتني مو اغاني هاي جرم بلفن ..فر بايده ..معاجبه الوضع ..
وصلت نزلت ..دكيت الباب ..طلعو اخوان سهر صغار بلعمر . يعني 10 |9 سنوات ..
فرحانين بيه اخذت ويايه علبه حلويات ..
وطبيت ..سهورة اجتي ..اخذت مني الغراض ..والظاهر زوج امها بلدوام ..كالو باجر الصبح يجي .
صبو الاكل بلكاع وتعذرت مني امها ..
كتلها ام سهر ترة اني ماابالي هل سوالف ولا احبها ...كاع ع ميز هاي اشياء مو مهمه
استاذ ..كتلها بدون استاذ ..عمار ابو ادهم . احلى ..احنه اهل ...
جتي سهورة مبدعه بلاكل ..نواشق ومعكرونه ودجاج ..ومقبلات ..كالت شغل ايدي والله مو ماما ..
امها كالت اي ..اكلنه وكملنة ...لمو السفرة ...
كمت غسلت ورجعت كعدت بلهول ..دقايق وجتي سهر راحت بدلت هدومها ولبست اتراك نيلي وبي ابيض
كعدت يمي ..امها بلمطبخ والجهال يمنه يلعبون ...
كل شويه تشاورني ..احبك ..لو تتفخ باذني ..
لو تعضني ...
لو تبوسني من ركبتي ..
لعبت باعصابي ....جتي امها جابت صينه جاي وكعدت بلكاع ..
كتلها ام سهر ..اريد ازوج باقرب وقت ياريت بهليومين ..
كالت وعقد محكمه شلون ..
كتلها تعرفين مزوج ..والا بموافقه الزوجه الاولى ومرتي متقبل اكيد ..اي ضمان تريدي لابنتج اني حاضر من ملييون لعشرة ..
كالت ..لا ماقصد هيج ..اكول لرجلي ونشوف ..
سهر كالت ماما ..لا تكوليين ولا تحجين اني قابله ..عساه .ماشيصير ..اشوف امها ضاجت ..شاورتني كالت معليك انت .
كتلها والعرس ياريت بهليومين امها فتحت عينها ع سهر ..
كالت ابو ادهم انطي صبر خاف ميرضه عبدلله ..
ماما ..انتو مالكم دخل
عمار يايوم تريد باجر لو هسة ..
سهر ..اوكفي خلي نشوف امج ..
احجي ام سهر ..
شحجي ..بكيفها الي تريدة تسوي ..اني ضمان الها وحقوقها
طلعت دفتر الشيكات كتلها اطلبي رقم ..بس بشرط اذا عفتها ينصرف ..كالت رجعه استاذ ترة احنه منبيع مرة ..محلوة منك ..هااي
كتلها ضمانها يمي والله ماعوفها ....وخليها بعيوني ..
الاثنين الجاي العرس ..شتكولون
سهر الي تريدي شنو حفله لو بيناته ..
امها جاوبت ..كالت ماعدنه احد كلمن حاير بروحه ..بيناتنه احسن ...واهلك يجون ..
كتلها حتى اهلي مسافرين ..شكول الها ..
سهر شتكولين ..
كالت عمار وياك كلشي اقبل بس امنيتي البس بدلة ..
يجرالح ياغيون عمار وبعد ..وتسريحه وهيج ..حته لو هنا قابله ..ونطك صور ..بعد ..شتريدين ..
دنجت شاورتتي وابوسك ...ضحكت كتلها وبعد كالت كافي ..المهم انت يمي
امها سالت ع بيت فهمتها اكو بيت باسمي ملك ..وكامل من كلشي نكعد بي ومن اسافر تعالو يمها ..او هيه تجي يمكم ..
حسيت امها مراضية  بس سهر تلح عليها ....ترخصت منهم بعد ماتفقت ع كلشي ونطيت فلوس لسهر تكمل البدله والي تريدة ..وطلعت ..ضلت سهر تتوسل بيه ابقى بس كتلها اروح حتى تتفاهمين وي امج ..كالت والله ترة اعوفهم وهسة اجي وياك ..اني مرتك هسة ميهمني شي ..بين ما تقنع ام ادهم ونعقد محكمه مو مهم المهم انت وانت وانت ...احنه بلكراج ..جريتها حضنتها وبستها وطلعت ...
حسيت صدك هااي الانسان يتعب علمودها ..دضحي بكلشي ..علمود تعيش ويايه .
وصلت للبيت بين فرحان وبين ضايج احساس ابد محلو ...اني احب سهر وبنفس الوكت احب اطفالي ..مرت اليومين واني حاير ...ورتبت البيت واخذت ام سهر وسهر ..وشفنه النواقص واخذناها..للبيت ..رتبنه كلشي ..
جانت سهر بكلشي قابله وتسكت بامها ..وزوج امها..متخليهم يحجون ..سهر كلشي شترت..وكملنه ...

.صار موعد زواجي بسهر رتبنه كلشي ..وكلت لاهلي راح اسافر للشمال  ويا  صديق
بس بهلايام الشكوك زادت عن حدها من اهلي بس ماحجي شي ..
صار العصر بدلت وطلعت ..
وبسيارة كملت ترتيب هدومي ..ورحت لسهر ..
طبيت امها تهلهل والجهال يركصون ..وزوج امها موجود
شفت ملاكي ..ملاك مو بشر ..بلبدله البيضه ..قمر ونازل للكاع ..كلشي بيها حلو من شكلها لروحها ..هاي ملاكي وقمري ...حسيت ملكت الدنيا ..وحمدت ربي ..عليها ..

.جيت كعدت يمها بستها من كصتها وضلت امها تهلهل .
بس وحدنه ماكو احد....كعدنه شوية ...وكمت بوست عبدلله وشكرت منه ..وامها هم ..ضلت توصي بيه ..
كتلها انسي اذيها بيوم اذي روحي وماذيها ..طلعنه

واخذتها للمصور طكينه صور
الطريق كلة تركص ..وفرحانه سهر
ههههه افرح لحركاتها الطفوليه الحلوة ..
واحس قلبي يريد يطك من الفرح ..
احبها ..اعشقها ..اعبدها ..هيه روحي ..وعمري ..
ملاكي ..وقمري حلالي ..لو ما عيب ابجي من الفرح
مجنت خايف احد يشوفني او يصير شي ..
طلعت كلشي من بالي وبقيت عايش وياها ...
كملنه ..وصلنه للبيت